ਚੌਕੀਮਾਨ / 15 ਮਾਰਚ (ਨਸੀਬ ਸਿੰਘ ਵਿਰਕ) ਇੱਥੇ ਨੇੜਲੇ ਪਿੰਡ ਚੀਮਨਾ ਵਿਖੇ ਸਮੂਹ ਨਗਰ ਵਾਸੀਆ ਅਤੇ ਨੌਜਵਾਨਾਂ ਦੇ ਪੂਰਨ ਸਹਿਯੋਗ ਅਤੇ ਸਰਬਸੰਮਤੀ ਨਾਲ ਦਲਜੀਤ ਸਿੰਘ ਢਿੱਲੋਂ ਨੂੰ ਪ੍ਰਧਾਨ ਅਤੇ ਜਤਿੰਦਰ ਸਿੰਘ ਸੌਨੂੰ ਨੂੰ ਮੀਤ ਪ੍ਰਧਾਨ ਦਾ ਅਹੁਦਾ ਨਿਵਾਜਦੇ ਹੋਏ ਨੌਜਵਾਨ ਸਭਾ ਦੀ ਚੋਣ ਕੀਤੀ ਗਈ । ਇਸ ਸਮੇਂ ਨਵ ਨਿਯੁਕਤ ਅਹੁਦੇਦਾਰਾਂ ਅਤੇ ਬਾਕੀ ਮੈਂਬਰਾਂ ਨੇ ਪੱਤਰਕਾਰਾਂ ਦੇ ਰੂਬਰੂ ਹੁੰਦੇ ਹੋਏ ਦੱਸਿਆ ਕਿ ਅਰਵਿੰਦਰ ਸਿੰਘ ਹਨੀ ਨੂੰ ਪ੍ਰਧਾਨ ਦੇ ਅਹੁਦੇ ਤੋਂ ਹਟਾਕੇ ਨਵੀ ਕਮੇਟੀ ਦੀ ਚੋਣ ਹੋਈ ਹੈ ਜੋ ਨਗਰ ਚ ਹੋਣ ਵਾਲੇ ਹਰ ਕੰਮ ਚ ਪਹਿਲ ਦੇ ਅਧਾਰ ਹਿੱਸਾ ਪਾਇਆ ਕਰਗੀ। ਇਸ ਸਮੇਂ ਨਗਰ ਚੀਮਨਾ ਦੇ ਲੋਕ ਭਲਾਈ ਕੰਮਾ ਚ ਪਹਿਲ ਕਦਮੀ ਕਰਕੇ ਮਾਇਆ ਦਾ ਭਰਪੂਰ ਯੋਗਦਾਨ ਪਾਉਣ ਵਾਲੇ ਉੱਘੇ ਸਮਾਜਸੇਵੀ ਅਤੇ ਉੱਚ ਕੋਟੀ ਦੇ ਖੇਡ ਪ੍ਰਮੋਟਰ ਕੁਲਦੀਪ ਸਿੰਘ ਦਿਉਲ ਨੂੰ ਨਵ ਨਿਯੁਕਤ ਹੋਈ ਨੌਜਵਾਨ ਕਲੱਬ ਵੱਲੋਂ ਸਨਮਾਨਿਤ ਕੀਤਾ ਗਿਆ ਅਤੇ ਅੱਗੇ ਵੀ ਭਰਪੂਰ ਸਮਰਥਨ ਦੀ ਆਸ ਕੀਤੀ । ਇਸ ਸਮੇਂ ਸਮਾਜਸੇਵੀ ਕੁਲਦੀਪ ਸਿੰਘ ਦਿਉਲ ਨੇ ਸਮੂਹ ਨੌਜਵਾਨਾ ਨੂੰ ਭੱਵਿਖ ਚ ਨਿਰਵਿਘਨ ਸਾਥ ਦੇਣੀ ਦਾ ਪ੍ਰਣ ਕੀਤਾ ਅਤੇ ਕਿਹਾ ਕਿ ਉਹ ਜੋ ਹੋ ਸਕਿਆ ਕਰਨਗੇ ।
