ਲੁਧਿਆਣਾ

ਜਗਰਾਉਂ /ਲੁਧਿਆਣਾ, ਜੂਨ 2020 -( ਮਨਜਿੰਦਰ ਗਿੱਲ /ਸਿਮਰਜੀਤ ਸਿੰਘ ਅਖਾੜਾ )-

ਸ਼ੇਰ ਅਗਰਸੈਨ ਸਮਿਤੀ ਅਤੇ ਦਾ ਗਰੀਨ ਪੰਜਾਬ ਮਿਸ਼ਨ ਟੀਮ ਵੱਲੋਂ ਕਰੋਨਾ ਵਾਇਰਸ ਮਹਾਂਮਾਰੀ ਦੌਰਾਨ ਲਾਕਡਾਊਨ ਅਤੇ ਕਰਫਿਊ ਵਿੱਚ ਸਮਾਜ ਨੂੰ ਵਧੀਆ ਸੇਵਾਵਾਂ ਦੇਣ ਖਾਤਰ ਜਨਸ਼ਕਤੀ ਨਿਊਜ਼ ਪੰਜਾਬ ਦੇ ਮੈਨੇਜਰ ਮਨਜਿੰਦਰ ਸਿੰਘ ਗਿੱਲ ਦਾ ਮਾਣ ਸਨਮਾਨ ਸਰਦਾਰ ਸੱਤਪਾਲ ਸਿੰਘ ਜੀ ਦੇਹੜਕਾ ਵੱਲੋਂ ਆਪਣੇ ਹੱਥੀਂ  ਕੀਤਾ ਗਿਆ । ਉਸ ਸਮੇਂ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਸਰਦਾਰ ਸਤਪਾਲ ਸਿੰਘ ਦੇਹੜਕਾ ਨੇ ਆਖਿਆ  ਜਿਨ੍ਹਾਂ ਪੰਜਾਬ ਵਾਸੀਆਂ ਦੇ ਲਈ ਹਰ ਕੋਈ ਸੁਨੇਹਾ ਕਿਸੇ ਵੀ ਸੰਸਥਾ ਵੱਲੋਂ ਕੀਤਾ ਗਿਆ ਉਪਰਾਲਾ ਪੰਜਾਬ ਵਾਸੀਆਂ ਦੇ ਸੁਣਨ ਪੜ੍ਹਨ ਅਤੇ ਦੇਖਣ ਲਈ ਵੱਡੇ ਪੱਧਰ ਦੇ ਉੱਤੇ ਨਸ਼ਰ ਕੀਤਾ ਉਹ ਸਤਿਕਾਰਯੋਗ ਸ਼ਖ਼ਸੀਅਤ ਸ ਮਨਜਿੰਦਰ ਸਿੰਘ ਗਿੱਲ  ਦਾ ਮਾਨ ਸਨਮਾਨ ਕਰਕੇ ਬਹੁਤ ਹੀ ਮਾਣ ਮਹਿਸੂਸ ਕਰਦੇ ਹਾਂ ਉਸ ਸਮੇਂ ਗੱਲਬਾਤ ਕਰਦੇ ਮੈਨੇਜਰ ਮਨਜਿੰਦਰ ਗਿੱਲ ਨੇ ਦੱਸਿਆ ਕਿ ਸ਼ੇਰ ਅਗਰਸੈਨ ਸਮਿਤੀ ਅਤੇ ਦਾ ਗਰੀਨ ਮਿਸ਼ਨ ਪੰਜਾਬ ਵੱਲੋਂ ਪਿਛਲੇ 88 ਦਿਨ ਬਹੁਤ ਜੰਗੀ ਪੱਧਰ ਉੱਪਰ ਲੋਕਾਂ ਵਿੱਚ ਸੇਵਾ ਅਤੇ ਵਿਸ਼ਵਾਸ ਪੈਦਾ ਕੀਤਾ ਗਿਆ ਕਰੋਨਾ ਮਹਾਂਮਾਰੀ ਦੀ ਇਸ ਲੜਾਈ ਦੇ ਵਿੱਚ ਲੋਕਾਂ ਨੂੰ ਤਕੜੇ ਕਰਨ ਲਈ ਵੱਡਾ ਸਹਿਯੋਗ ਇਨ੍ਹਾਂ ਵੱਲੋਂ ਦਿੱਤਾ ਗਿਆ। ਅੱਜ ਫੇਰ ਜੋ ਵੀ ਸੇਵਾਵਾਂ ਬਦਲੇ ਇਨ੍ਹਾਂ ਨੇ ਮੇਰਾ ਮਾਣ ਸਨਮਾਨ ਕੀਤਾ ਮੈਂ ਉਸ ਲਈ ਇੰਨਾ ਦੋਵਾਂ ਸੰਸਥਾਵਾਂ ਦਾ ਦਿੱਲੋਂ ਧੰਨਵਾਦੀ ਹਾਂ । ਉਸ ਸਮੇਂ ਉਨ੍ਹਾਂ ਦੇ ਨਾਲ ਸਰਦਾਰ ਸੱਤਪਾਲ ਸਿੰਘ ਦੇਹੜਕਾ ਅਤੇ ਮਾਸਟਰ ਹਰਨਰਾਇਣ ਸਿੰਘ ਮੱਲੇਆਣਾ ਆਦਿ ਹਾਜ਼ਰ ਸਨ 

ਕੈਂਪ ਦਾ ਉਦਘਾਟਨ ਸਿਵਲ ਹਸਪਤਾਲ ਦੇ ਐੱਸਐੱਮਓ ਡਾ ਸੁਖਜੀਵਨ ਕੱਕੜ ਨੇ ਰੀਬਨ ਕੱਟ ਕੇ ਕੀਤਾ

ਜਗਰਾਓ/ਲੁਧਿਆਣਾ, ਜੂਨ 2020 -(ਮਨਜਿੰਦਰ ਗਿੱਲ / ਸਿਮਰਜੀਤ ਸਿੰਘ)- 

12 ਤਰੀਕ ਵਿਸ਼ਵ ਖ਼ੂਨਦਾਨ ਦਿਹਾੜੇ ਤੇ ਸਿਵਲ ਹਸਪਤਾਲ ਜਗਰਾਉਂ ਦੇ ਬਲੱਡ ਬੈਂਕ  ਵੱਲੋਂ ਗਰੀਨ ਪੰਜਾਬ ਮਿਸ਼ਨ ਟੀਮ ਦੇ ਸਹਿਯੋਗ ਨਾਲ ਲਾਏ ਗਏ ਕੈਂਪ ਚ ਚਾਲੀ ਵਿਅਕਤੀਆਂ ਨੇ ਖ਼ੂਨਦਾਨ ਕੀਤਾ। ਖ਼ੂਨਦਾਨੀਆਂ ਤੇ ਪ੍ਰਬੰਧਕਾਂ ਵੱਲੋਂ ਖੂਨਦਾਨ ਦੇ ਨਾਲ ਨਾਲ ਹਰਿਆਲੀ ਦੇ ਪਹਿਰੇਦਾਰ ਬਣਨ ਦਾ ਵੀ ਸੁਨੇਹਾ ਦਿੱਤਾ ਇਸ ਮੌਕੇ ਕੈਂਪ ਦਾ ਉਦਘਾਟਨ ਸਿਵਲ ਹਸਪਤਾਲ ਦੇ ਐੱਸਐੱਮਓ ਡਾ ਸੁਖਜੀਵਨ ਕੱਕੜ ਨੇ ਰੀਬਨ ਕੱਟ ਕੇ ਕੀਤਾ ਡਾ ਸੁਰਿੰਦਰ ਸਿੰਘ ਨੇ ਕਿਹਾ ਕਿ ਅੱਜ ਦਾ ਦਿਹਾੜਾ ਸਾਨੂੰ ਸਾਰਿਆਂ ਨੂੰ ਹੀ ਕੀਮਤੀ ਜਾਨਾਂ ਬਚਾਉਣ ਦਾ ਸੁਨੇਹਾ ਦਿੰਦਾ ਹੋਇਆ ਖ਼ੂਨਦਾਨ ਕਰਨ ਲਈ ਪ੍ਰੇਰਿਤ ਕਰਦਾ ਹੈ ਦਾ ਗਰੀਨ ਮਿਸ਼ਨ ਪੰਜਾਬ ਟੀਮ ਦੇ ਸੱਤਪਾਲ ਦੇਹੜਕਾ ਨੇ ਕਿਹਾ ਕਿ ਸੰਸਥਾ ਵੱਲੋਂ ਹੁਣ ਤੱਕ ਇਸ ਮੁਹਿੰਮ ਦੌਰਾਨ ਜਿੱਥੇ ਹਜ਼ਾਰਾਂ ਬੂਟੇ ਲਾਏ ਗਏ ਹਨ ਅੱਜ ਖੂਨਦਾਨ ਦਿਨ ਉਪਰ ਜਗਰਾਓਂ ਬਲੱਡ ਬੈਕ ਦੀ ਮੁਖ ਲੋੜ ਨੂੰ ਦੇਖਦੇ ਹੋਏ ਖੂਨ ਦਾਨ ਕੈਂਪ ਵਿੱਚ ਆਪਣਾ ਸਹਿਯੋਗ ਦਿਤਾ ਗਿਆ ਅਤੇ ਨਾਲ ਦੀ ਨਾਲ ਆਪਣਾ ਮੁੱਖ ਮਕਸਦ ਖੂਨ ਦਾਨਿਆ ਨੂੰ ਬੂਟਾ ਤੋਹਫੇ ਵਿੱਚ ਦੇ ਕੇ ਸਨਮਾਨਤ ਕੀਤਾ ਗਿਆ ਹੈ। ਇਸ ਮੌਕੇ ਅਮਨਜੀਤ ਸਿੰਘ ਖਹਿਰਾ, ਸੁਖਵਿੰਦਰ ਸਿੰਘ ਸੁੱਚਾ ਸਿੰਘ ਤਲਵਾੜਾ,  ਜਗਜੀਤ ਸਿੰਘ ਜੱਗੀ, ਸੁੱਖ ਜਗਰਾਓਂ, ਉਮੇਸ਼ ਛਾਬੜਾ , ਜਿੰਦਰ ਸਿੰਘ ਖਾਲਸਾ ,ਕੁਲਦੀਪ ਸਿੰਘ , ਨਿਰਮਲ ਸਿੰਘ,ਅਰਸ਼ਦੀਪ,ਪਾਲ ਸਿੰਘ ਤੇ ਹੋਰ ਬੁੁਹੁਤ ਸਾਰੇ ਵਿਅਕਤੀਆਂ ਵਲੋਂ ਖੂਨਦਾਨ ਕੀਤਾ ਗਿਆ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਪਿੰਡ ਗਾਲਿਬ ਕਲਾਂ ਵਿਖੇ ਛੱਪੜ ਦੀ ਸਫਾਈ ਦਾ ਕੰਮ ਸਮੂਹ ਪੰਚਾਇਤ ਅਤੇ ਸਰਪੰਚ ਸਿਕੰਦਰ ਸਿੰਘ ਪੈਚ ਦੀ ਅਗਵਾਈ ਵਿੱਚ ਜੋਰਾਂ ਤੇ ਚੱਲ ਰਿਹਾ ਹੈ।ਇਸ ਸਮੇ ਸਰਪੰਚ ਨੇ ਦਸਿਆ ਕਿ ਢਾਈ ਏਕੜ ਦੇ ਰਕਬੇ ਵਿੱਚ ਫੈਲਿਆ ਛੱਪੜ ਕਾਫੀ ਪੁਰਾਣਾ ਤੇ ਡੂੰਘਾ ਹੋਣ ਕਾਰਨ ਇਸ ਵਿਚਲਾ ਪਾਣੀ ਖਰਾਬ ਹੋਣ ਕਰਕੇ ਨੇੜਲੇ ਰਿਹਾਇਸੀ ਮਾਕਨਾਂ ਦਾ ਜੀਣਾ ਹਰਾਮ ਹੋ ਚੱੁਕਾ ਸੀ ਜਿਸ ਕਰਕੇ ਬਿਮਾਰੀਆਂ ਫੈਲਣ ਦਾ ਖਤਰਾ ਸੀ।ਇਹ ਛੱਪੜ ਲੁੱਟ-ਖੋਹ ਕਰਨ ਵਾਲਿਆਂ ਚੋਰਾਂ ਦੇ ਦੇ ਘਰ ਬਣ ਗਏ ਸਨ।ਇਸ ਸਮੇ ਸਰਪੰਚ ਨੇ ਦੱਸਿਆ ਕਿ ਇਸ ਛੱਪੜ ਦਾ ਸਾਰ ਗੰਦਾ ਪਾਣੀ ਮਨੇਰਗਾ ਮਜ਼ਦੂਰਾਂ ਦੇ ਸਹਿਯੋਗ ਨਾਲ ਅਤੇ ਜੇ.ਬੀ.ਸੀ ਨਾਲ ਗਾਰ ਕੱਢੀ ਜਾਵੇਗੀ।ਇਸ ਛੱਪੜ ਦੀ ਮਿੱਟੀ ਕੱਢਕੇ ਪਿੰਡ ਦੀ ਬਣੀ ਦਾਣਾ ਮੰਡੀ ਜੋ ਕਿ 1ਏਕੜ ਨੀਵੀ ਜਗ੍ਹਾ ਤੇ ਭਰਤ ਪਾਈ ਜਾਵੇਗੀ।ਜਿਸ ਕਾਰਨ ਕਿਸਾਨਾਂ ਨੂੰ ਹਾੜੀ-ਸਾਉਣੀ ਕੋਈ ਵੀ ਮੁਸ਼ਕਲ ਨਹੀ ਆਵੇਗੀ।ਇਸ ਸਮੇ ਸਰਪੰਚ ਸਿਕੰਦਰ ਸਿੰਘ ਨੇ ਕਿਹਾ ਕਿ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਸਾਡਾ ਸਪਨ ਕਿ ਅਸੀ ਪਾਰਟੀਬਾਜ਼ੀ ਉਪਰ ਲੋੜੀਦੇ ਪਿੰਡ ਦੇ ਵਿਕਾਸ ਕਾਰਜ ਕਰਵਾਏ ਜਾ ਰਹੇ ਹਨ।ਇਸ ਸਮੇ ਪੰਚ ਹਰਦੀਪ ਸਿੰਘ,ਪੰਚ ਜਸਵੀਰ ਸਿੰਘ,ਪੰਚ ਲਖਵੀਰ ਸਿੰਘ,ਪੰਚ ਗੁਰਚਰਨ ਸਿੰਘ ਗਿਆਨੀ,ਪੰਚ ਅਵਤਾਰ ਸਿੰਘ,ਪੰਚ ਗੁਰਮੀਤ ਸਿੰਘ ਗੱਗੀ,ਪੰਚ ਪਰਮਜੀਤ ਸਿੰਘ,ਅਵਤਾਰ ਸਿੰਘ ਗਗਨੀ,ਸੂਬੇਦਾਰ ਬਲਦੇਵ ਸਿੰਘ ਜੀੳਜੀ,ਮਲਕੀਤ ਸਿੰਘ ਲੱੁਗਾ ਅਦਿ ਹਾਜ਼ਰ ਸਨ।

ਪੰਜ ਦਿਨ ਦਾ ਲਿਆ ਪੁਲਿਸ ਰਿਮਾਡ

ਹਠੂਰ ਜੂਨ 2020 -(ਨਛੱਤਰ ਸੰਧੂ)-ਬੀਤੀ ਕੱਲ ਸਨੀਵਾਰ ਨੂੰ ਸਵੇਰੇ 7ਵਜੇ ਦੇ ਕਰੀਬ ਆਪਣੀ ਮੋਟਰ ਤੇ ਬੈਠੇ ਪਿੰਡ ਝੋਰੜਾਂ ਦੇ ਨਿਵਾਸੀ ਜਰਨੈਲ ਸਿੰਘ ਦੀ ਪਿੰਡ ਦੇ ਨੌਜਵਾਨ ਗੁਰਵਿੰਦਰ ਸਿੰਘ ਨੇ 12ਬੋਰ ਦੀ ਰਾਈਫਲ ਨਾਲ ਕਤਲ ਕਰ ਦਿੱਤਾ ਸੀ ਅਤੇ ਉਪਰੰਤ ਉਹ ਇਹ ਵਾਰਦਾਤ ਨੂੰ ਅੰਜਾਮ ਦੇ ਕੇ ਮੌਕੇ ਤੋ ਫਰਾਰ ਹੋ ਗਿਆ ਸੀ,ਪਰ ਥਾਣਾ ਹਠੂਰ ਦੀ ਪੁਲਿਸ ਨੇ ਮੁਸਤੈਦੀ ਨਾਲ ਕੁਝ ਹੀ ਘੰਟਿਆ ਵਿੱਚ ਉਕਤ ਨੌਜਵਾਨ ਨੂੰ ਗ੍ਰਿਫਤਾਰ ਕਰ ਲਿਆ।ਪੁਲਿਸ ਵੱਲੋ ਦਿੱਤੇ ਪ੍ਰੈਸ ਨੋਟ ਵਿੱਚ
ਦੱਸਿਆ ਗਿਆ ਹੈ ਕਿ ਇਹ ਮੁਕੱਦਮਾ ਕਮਲਜੀਤ ਕੌਰ ਪਤਨੀ ਜਤਿੰਦਰ ਸਿੰਘ ਪੁੱਤਰ ਜਰਨੈਲ ਸਿੰਘ ਦੇ ਬਿਆਨਾ ਤੇ ਗੁਰਵਿੰਦਰ ਸਿੰਘ ਖਿਲਾਫ ਮੁਕੱਦਮਾ ਨੰਬਰ 34 ਧਾਰਾ ,302ਆਈ ਪੀ ਸੀ ਧਾਰਾ ਤਹਿਤ ਥਾਣਾ ਹਠੂਰ ਵਿਖੇ ਦਰਜ ਕੀਤਾ ਗਿਆ ਹੈ।ਕਮਲਜੀਤ ਕੌਰ ਨੇ ਆਪਣੇ ਬਿਆਨਾ ਵਿੱਚ ਦੱਸਿਆ ਕਿ ਮੇਰੇ ਸੁਹਰਾ ਜਰਨੈਲ ਸਿੰਘ ਨੇ ਗੁਰਵਿੰਦਰ ਸਿੰਘ ਪਾਸੋ ਕੁਝ ਜਮੀਨ ਬੈਅ ਖਰੀਦੀ ਸੀ ਅਤੇ ਕੁਝ ਖਰੀਦਣੀ ਬਾਕੀ ਸੀ ਜਿਸਦੇ ਬਾਰੇ ਗੁਰਵਿੰਦਰ ਸਿੰਘ ਪਹਿਲਾਂ ਹੀ ਪੈਸੇ ਲੈ ਚੁੱਕਾ ਸੀ ਪਰ ਉਹ ਇਸ ਜਮੀਨ ਨੂੰ ਬੈਅ ਨਹੀ ਕਰ ਰਿਹਾ ਸੀ।ਉਨਾਂ੍ਹ ਦੱਸਿਆ ਕਿ ਉਸਦੇ ਸੁਹਰਾ ਵੱਲੋ ਪੈਸੇ ਮੋੜਣ ਜਾਂ ਜਮੀਨ ਬੈਅ ਕਰਵਾਉਣ ਦਾ ਜੋਰ ਪਾਉਣ ਦੀ ਵਜਾ ਕਰਕੇ ਗੁਰਵਿੰਦਰ ਸਿੰਘ ਨੇ ਆਪਣੀ ਲਾਇਸੰਸੀ ਬੰਦੂਕ ਨਾਲ ਸੁਹਰਾ ਜਰਨੈਲ ਸਿੰਘ ਨੂੰ ਫਾਇਰ ਮਾਰ ਕੇ ਮਾਰ ਦਿੱਤਾ।ਇਸ ਸਬੰਧੀ ਥਾਣਾ ਹਠੂਰ ਦੇ ਐਸ[ਐਚ[E[ਹਰਜਿੰਦਰ ਸਿੰਘ ਨੇ ਦੱਸਿਆ ਕਿ ਗੁਰਵਿੰਦਰ ਸਿੰਘ ਨੂੰ ਗ੍ਰਿਫਤਾਰ ਕਰਕੇ ਮਾਣਯੋਗ ਅਦਾਲਤ ਵਿੱਚ ਪੇਸ ਕਰਕੇ ਪੰਜ ਦਿਨ ਦਾ ਪੁਲਿਸ ਰਿਮਾਡ ਹਾਸਲ ਕਰ ਲਿਆ ਹੈ ਜਿਸ ਦੌਰਾਨ ਹੋਰ ਵੀ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।