ਲੁਧਿਆਣਾ

ਸਹੋਲੀ ਪਿੰਡ ਚ ਕੀਤਾ ਚੋਣ ਜਲਸਾ
ਮੁੱਲਾਂਪੁਰ ਦਾਖਾ/ਜੋਧਾਂ,10 ਫਰਵਰੀ(ਸਤਵਿੰਦਰ ਸਿੰਘ ਗਿੱਲ ),,ਪੰਜਾਬ ਵਿੱਚ ਜੀ ਵਿਧਾਨ ਸਭਾ ਦੀਆਂ ਚੋਣਾਂ ਪੋਲ ਹੋਣ ਜਾ ਰਹੀਆਂ ਹਨ ਉਹਨਾ ਵਿਚ ਤੁਸੀ ਸਮੁੱਚਾ ਸਹੋਲੀ ਪਿੰਡ ਮੇਰਾ ਸਹਿਯੋਗ ਦਿਓ ਅਤੇ ਆਪਣੀਆਂ ਸਾਰੀਆਂ ਕੀਮਤੀ ਵੋਟਾਂ ਮੈਨੂੰ ਪਾਓ ਅਤੇ ਕਾਮਯਾਬ ਕਰੋ ਇਹਨਾ ਸ਼ਬਦਾਂ ਦਾ ਪ੍ਰਗਟਾਵਾ ਕੈਪਟਨ ਸੰਦੀਪ ਸਿੰਘ ਸੰਧੂ ਨੇ ਅੱਜ ਪਿੰਡ ਸਹੋਲੀ ਚ ਚੋਣ ਜਲਸੇ ਦੌਰਾਨ ਸੰਬੋਧਨ ਕਰਦਿਆਂ ਕੀਤਾ। ਸਾਬਕਾ ਸਰਪੰਚ ਹਰਵਿੰਦਰ ਸਿੰਘ ਬਿੱਲੂ ,ਪ੍ਰਧਾਨ ਸੰਜੀਵ ਬੱਬੂ,ਪੰਚ ਸ਼ਮਸੇਰ ਸਿੰਘ,ਪੰਚ ਦਰਸ਼ਨ ਸਿੰਘ ਅਤੇ ਕਰਨੈਲ ਸਿੰਘ ਆਦਿ ਪਿੰਡ ਵਾਸੀਆਂ ਨੇ ਇਸ ਮੌਕੇ ਕੈਪਟਨ ਸੰਧੂ ਨੂੰ ਭਰੋਸਾ ਦਿੱਤਾ ਕਿ ਉਹਨਾ ਦੇ ਪਿੰਡ ਚੋ ਜਿੱਤ ਕਾਗਰਸ ਪਾਰਟੀ ਦੀ ਹੋਵੇਗੀ। ਪਿੰਡ ਦੇ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਕੈਪਟਨ ਸੰਧੂ ਨੇ ਕਿਹਾ ਕਿ ਅਗਲੇ ਮੁੱਖ ਮੰਤਰੀ ਵੀ ਚਰਨਜੀਤ ਸਿੰਘ ਚੰਨੀ ਹੀ ਹੋਣਗੇ। ਉਹਨਾ ਕਿਹਾ ਕਿ ਹਲਕਾ ਨੂੰ ਮੈਂ ਆਪਣਾ ਪਰਿਵਾਰ ਸਮਝਦਾ ਹਾਂ,ਇਹ 2019 ਦੀ ਜਿਮਨੀ ਚੋਣ ਵਾਲੀ ਗਲਤੀ ਫਿਰ ਤੋ ਨਹੀ ਕਰਨਗੇ,ਇਸ ਵਾਰ ਵੋਟਰ ਵੋਟਾਂ ਮਸ਼ੀਨ ਦੇ ਪਹਿਲੇ ਨਿਸ਼ਾਨ ਤੇ ਪਾਉਣਗੇ। ਨੌਜਵਾਨਾਂ ਨੂੰ ਰੁਜਗਾਰ ਦੇਣ ਦੇ ਬਾਰੇ ਵੀ ਉਹਨਾ ਕਿਹਾ ਕਿ ਹਰ ਮਹੀਨੇ ਉਹ ਵੱਡੀ ਗਿਣਤੀ ਨੌਜਵਾਨਾ ਨੂੰ ਰੁਜਗਾਰ ਦੇਣ ਲਈ ਦਿਨ ਰਾਤ ਇਕ ਕਰ ਦੇਣਗੇ। ਇਸ ਮੌਕੇ ਪੰਚ ਸੁਖਦੇਵ ਸਿੰਘ ਗਰੇਵਾਲ,ਸਾਬਕਾ ਪੰਚ ਸੁਰਜੀਤ ਸਿੰਘ,ਸਾਬਕਾ ਸਰਪੰਚ ਜਸਪਾਲ ਸਿੰਘ,ਸਾਬਕਾ ਪੰਚ ਮਨਵੀਰ ਸਿੰਘ,ਪੰਚ ਪਰਮਜੀਤ ਸਿੰਘ,ਪੰਚ ਗੁਰਤੇਜ ਸਿੰਘ,ਪ੍ਰਧਾਨ ਖੇਤੀਬਾੜੀ ਸਭਾ ਜਗਪਾਲ ਸਿੰਘ,ਵਰਿੰਦਰ ਸਿੰਘ ਕਿਸਾਨ ਆਗੂ,ਤੇਜਪਾਲ ਸਿੰਘ ਕਿਸਾਨ ਆਗੂ,ਜਸਵਿੰਦਰ ਸਿੰਘ ਭੁੱਲਰ ਸੁਸਾਇਟੀ ਮੈਬਰ,ਹਰਮੇਲ ਸਿੰਘ ਸਾਬਕਾ ਪੰਚ,ਪਿਆਰਾ ਸਿੰਘ ਪੰਚ,ਦਰਸ਼ਨ ਸਿੰਘ ਲਿੱਟ ਅਤੇ ਜਸਵੰਤ ਸਿੰਘ ਆਦਿ ਹਾਜਰ ਸਨ।

ਤੁਹਾਡੀ ਵੋਟ ਦਾ ਮੁੱਲ ਵਿਕਾਸ ਨਾਲ ਮੋੜਾਂਗਾ—ਕੈਪਟਨ ਸੰਦੀਪ ਸਿੰਘ ਸੰਧੂ
ਮੁੱਲਾਂਪੁਰ ਦਾਖਾ,10 ਫਰਬਰੀ(ਸਤਵਿੰਦਰ ਸਿੰਘ ਗਿੱਲ )—ਅੱਜ ਵਿਧਾਨ ਸਭਾ ਹਲਕਾ ਦਾਖਾ ਤੋ ਕਾਗਰਸ ਪਾਰਟੀ ਦੇ ਉਮੀਦਵਾਰ ਕੈਪਟਨ ਸੰਦੀਪ ਸਿੰਘ ਸੰਧੂ ਦੀ ਸਥਿਤੀ ਉਸ ਵੇਲੇ ਮਜ਼ਬੂਤ ਹੋ ਗਈ ਜਦੋਂ ਹਲਕੇ ਦੇ ਨਾਮਵਰ ਪਿੰਡ ਰੁੜਕਾ ਵਾਸੀਆਂ ਨੇ ਵੱਡੇ ਇਕੱਠ ਵਿੱਚ ਵਾਅਦਾ ਕੀਤਾ ਕਿ ਇਸ ਵਾਰ ਵੋਟ ਹੱਥ ਪੰਜੇ ਤੇ ਪਵੇਗੀ। ਸੰਧੂ ਨੇ ਕਿਹਾ। ਕੀ ਢਾਈ ਸਾਲਾ ਵਿੱਚ ਮੈਂ ਪਹਿਲੀ ਵਾਰ ਆਪਣੇ ਵਾਸਤੇ ਕੋਈ ਬੇਨਤੀ ਕਰਨ ਵਾਸਤੇ ਆਇਆ ਹਾਂ , ਸੋ ਮੇਰੀ ਬੇਨਤੀ ਪਰਵਾਨ ਕਰਨੀ 20 ਫਰਬਰੀ ਨੂੰ ਵੋਟ ਹੱਥ ਪੰਜੇ ਤੇ ਪਾਉਣੀ। ਇਸ ਮੌਕੇ ਪਿੰਡ ਦੀਆਂ ਵੱਡੀ ਗਿਣਤੀ ਬੀਬੀਆਂ ਵੀ ਹਾਜਰ ਸਨ।ਇਸ ਮੌਕੇ ਸਰਪੰਚ ਰਣਵੀਰ ਸਿੰਘ,ਗੁਰਵਿੰਦਰ ਸਿੰਘ ਪੰਚ,ਡਰੈਕਟਰ ਤਰਸੇਮ ਸਿੰਘ ਪੰਚ,ਨਰਿੰਦਰਪਾਲ ਸਿੰਘ ਪੰਚ,ਨਰਿੰਦਰ ਸਿੰਘ,ਸੂਬੇਦਾਰ ਬਲਜਿੰਦਰ ਸਿੰਘ,ਅਵਤਾਰ ਸਿੰਘ ,ਅਮਰੀਕ ਸਿੰਘ,ਪ੍ਰਧਾਨ ਕੁਲਦੀਪ ਸਿੰਘ,ਦਲਜੀਤ ਸਿੰਘ,ਲਖਵਿੰਦਰ ਸਿੰਘ,ਭੋਲਾ ਸਿੰਘ,ਨਪਿੰਦਰ ਸਿੰਘ ਨੰਬਰਦਾਰ,ਭਜਨ ਸਿੰਘ ਦਿਉਲ,ਸਤਨਾਮ ਸਿੰਘ,ਬਲਜਿੰਦਰ ਸਿੰਘ,ਦੀਦਾਰ ਸਿੰਘ,ਕਰਮਜੀਤ ਸਿੰਘ ਅਤੇ ਜਸ਼ਨਪ੍ਰੀਤ ਸਿੰਘ ਹਾਜਰ ਸਨ।

 ਜਗਰਾਓਂ 10 ਫ਼ਰਵਰੀ (ਅਮਿਤ ਖੰਨਾ)- ਜਗਰਾਉਂ ਤੋਂ ਕਾਂਗਰਸ ਦੇ ਉਮੀਦਵਾਰ ਜਗਤਾਰ ਸਿੰਘ ਜੱਗਾ ਹਿੱਸੋਵਾਲ ਨੇ ਇਲਾਕੇ ਦੇ ਪਿੰਡਾਂ ਦਾ ਦੌਰਾ ਕਰਕੇ ਚੋਣ ਮੁਹਿੰਮ ਦੌਰਾਨ ਵੋਟਰਾਂ ਨੂੰ ਵੋਟਾਂ ਦੀ ਅਪੀਲ ਕੀਤੀ । ਇਸ ਦੌਰਾਨ ਇਲਾਕੇ ਦੇ ਵੱਡੇ ਪਿੰਡ ਮਾਣੂੰਕੇ ਦੇ ਵੱਡੇ ਇਕੱਠ   ਵੱਲੋਂ ਕਾਂਗਰਸ ਦੇ ਹੱਕ ਵਿੱਚ ਫਤਵਾ ਦਿੰਦਿਆਂ ਵਿਧਾਇਕ ਜੱਗਾ ਹਿੱਸੋਵਾਲ ਦਾ ਜਿੱਥੇ ਸਵਾਗਤ ਕੀਤਾ ਉਥੇ ਉਨ੍ਹਾਂ ਨੂੰ ਸਨਮਾਨਤ ਵੀ ਕੀਤਾ ਗਿਆ । ਇਸ ਮੌਕੇ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਵਿਧਾਇਕ ਜੱਗਾ ਹਿੱਸੋਵਾਲ ਨੇ ਜਨਤਾ ਦੀ  ਕਚਹਿਰੀ ਵਿਚ ਖੜ੍ਹੇ ਹੋ ਕੇ ਲੋਕਾਂ ਨਾਲ ਵਾਅਦਾ ਕੀਤਾ ਕਿ ਉਹ ਉਨ੍ਹਾਂ ਨੂੰ ਸੇਵਾ ਦਾ ਮੌਕਾ ਦੇਣ,  ਜੇ ਉਨ੍ਹਾਂ ਦੀ ਉਮੀਦਾਂ ਤੇ ਖਰੇ ਨਾ ਉੱਤਰੇ ਤਾਂ ਪੰਜ ਸਾਲ ਬਾਅਦ ਉਨ੍ਹਾਂ ਨੂੰ ਵੋਟਾਂ ਮੰਗਣ ਆਉਣ ਤੇ ਵਿਰੋਧ ਕਰਕੇ ਭਜਾ ਦੇਣ । ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ ਸੋਚ ਇਹੀ ਹੈ ਕਿ ਜੋ ਲੀਡਰ ਜਨਤਾ ਨਾਲ ਕੀਤੇ ਵਾਅਦੇ ਪੂਰੇ ਕਰ ਨਹੀਂ ਸਕਦਾ ਉਹ ਇਨਸਾਨ ਹੀ ਨਹੀਂ ।  ਉਨ੍ਹਾਂ ਪੰਜ ਸਾਲ ਰਾਏਕੋਟ ਦੀ ਨੁਮਾਇੰਦਗੀ ਕਰਦਿਆਂ ਰਾਏਕੋਟ ਦੇ ਹੱਕਾਂ ਲਈ ਵਿਧਾਨ ਸਭਾ ਵਿਚ ਆਵਾਜ਼ ਬੁਲੰਦ ਕੀਤੀ। ਉਹ ਇੱਕ ਰਿਕਾਰਡ ਹੈ ।ਜਿਸ ਨੂੰ ਜਦੋਂ ਮਰਜ਼ੀ ਚੈੱਕ ਕੀਤਾ ਜਾ ਸਕਦਾ ਹੈ।  ਉਨ੍ਹਾਂ ਲੋਕਾਂ ਨਾਲ ਵਾਅਦਾ ਕੀਤਾ ਕੀ ਪੰਜਾਬ ਵਿਚ ਕਾਂਗਰਸ ਦੀ ਸਰਕਾਰ ਬਣਨੀ ਤੈਅ ਹੈ ਅਤੇ ਕਾਂਗਰਸ ਦੀ ਸਰਕਾਰ ਬਣਨ ਤੇ ਜਗਰਾਉਂ ਹਿੱਸੇ ਬਣਦੀ ਗਰਾਂਟ ਪ੍ਰਾਜੈਕਟ ਸਥਾਪਤ ਕਰਨ ਲਈ ਉਹ  ਬਣਦਾ ਯੋਗਦਾਨ ਜਿੱਥੇ ਅਦਾ ਕਰਨਗੇ, ਉਥੇ ਸਰਕਾਰ ਕੋਲੋਂ ਜਗਰਾਉਂ ਦਾ ਹੱਕ ਲੈ ਕੇ ਆਉਣ ਲਈ ਆਪਣੀ ਜੀਅ ਜਾਨ ਲਗਾ ਦੇਣਗੇ।  ਇਸ ਮੌਕੇ ਜ਼ਿਲ੍ਹਾ ਪ੍ਰਧਾਨ ਕਰਨਜੀਤ ਸੋਨੀ ਗਾਲਿਬ ਅਤੇ ਚੇਅਰਮੈਨ ਸਤਿੰਦਰਪਾਲ ਸਿੰਘ ਕਾਕਾ ਗਰੇਵਾਲ ਨੇ ਕਿਹਾ ਕਿ  ਕਾਂਗਰਸ ਸਰਕਾਰ ਵੱਲੋਂ ਜਗਰਾਉਂ ਹਲਕੇ ਦੇ ਕੀਤੇ ਵਿਕਾਸ ਕਾਰਜਾਂ ਦੀ ਮੁਹਿੰਮ ਨੂੰ ਇਸੇ ਤਰ੍ਹਾਂ ਜਾਰੀ ਰੱਖਣ ਲਈ  ਵਿਧਾਇਕ ਜੱਗਾ ਹਿੱਸੋਵਾਲ ਨੂੰ ਵੋਟਾਂ ਪਾ ਕੇ ਜਿਤਾਉਣ ਦੀ ਅਪੀਲ ਕੀਤੀ । ਇਸ ਮੌਕੇ  ਇਸ ਮੌਕੇ ਹਰਜਿੰਦਰ ਸਿੰਘ ਬਿੱਟੂ ਹਰਪ੍ਰੀਤ ਸਿੰਘ ਕੁਲਦੀਪ ਕੌਰ  ਭੱਠਲ ਪੰਚ ਸ਼ਮਸ਼ੇਰ ਸਿੰਘ ਨਛੱਤਰ ਸਿੰਘ ਭੁਪਿੰਦਰ ਸਿੰਘ ਬਿੱਟੂ ਭੁੱਲਰ ਦਰਸ਼ਨ ਸਿੰਘ ਲੱਖਾ ਵੀ ਹਾਜ਼ਰ ਸਨ

ਮੋਹੀ ਵਿਧਾਇਕ ਬਣੇ ਤਾਂ ਬਦਲ ਜਾਵੇਗੀ  ਦਾਖਾ ਦੀ ਤਕਦੀਰ-ਮੇਜਰ ਦੇਤਵਾਲ 

ਮੁੱਲਾਂਪੁਰ 9 ਫਰਵਰੀ(ਸਤਵਿੰਦਰ ਸਿੰਘ ਗਿੱਲ )  ਵਿਧਾਨ ਸਭਾ ਹਲਕਾ ਦਾਖਾ ਤੋਂ ਹਾਕੀ ਬਾਲ ਚੋਣ ਨਿਸ਼ਾਨ ਤੇ  ਚੋਣ ਲੜ ਰਹੇ ਭਾਰਤੀ ਜਨਤਾ ਪਾਰਟੀ -ਪੰਜਾਬ ਲੋਕ ਕਾਂਗਰਸ - ਅਕਾਲੀ ਦਲ ਸੰਯੁਕਤ ਗਠਜੋੜ  ਦੇ ਉਮੀਦਵਾਰ ਦਮਨਜੀਤ ਸਿੰਘ ਮੋਹੀ ਵੱਲੋਂ ਬਾਕੀ ਉਮੀਦਵਾਰਾਂ ਨੂੰ ਪਛਾੜਦੇ ਹੋਏ ਆਪਣੀ ਚੋਣ ਮੁਹਿੰਮ ਜੰਗੀ ਪੱਧਰ ਤੇ ਚਲਾਈ ਜਾ ਰਹੀ ਹੈ। ਜਿਸ ਤਹਿਤ ਉਨ੍ਹਾਂ ਵੱਲੋਂ ਸੀਨੀਅਰ ਬੀਜੇਪੀ ਆਗੂ ਮੇਜਰ ਸਿੰਘ ਦੇਤਵਾਲ ਦੇ ਸਹਿਯੋਗ ਨਾਲ ਪਿੰਡ ਦੇਤਵਾਲ 'ਚ ਕੀਤੇ ਗਏ ਚੋਣ ਜਲਸੇ 'ਚ ਲੋਕਾਂ ਦਾ ਭਰਵਾਂ ਹੁੰਗਾਰਾ ਮਿਲਿਆ ।ਇਸ ਮੋਕੇ ਦਮਨਜੀਤ ਮੋਹੀ ਨੇ ਲੋਕਾਂ ਨੂੰ ਕੇਂਦਰ ਦੀ ਮੋਦੀ ਸਰਕਾਰ ਦੀਆਂ ਨੀਤੀਆਂ ਤੋਂ ਜਾਣੂ ਕਰਵਾਇਆ।ਉਨ੍ਹਾਂ ਹਲਕੇ ਦੇ ਵੋਟਰਾਂ ਨੂੰ ਅਪੀਲ ਕੀਤੀ ਕਿ ਕਾਂਗਰਸ ਅਤੇ ਅਕਾਲੀ ਦਲ ਨੇ  ਕੁਰਸੀ ਦੀ ਲੜਾਈ ਤੇ ਲੋਕਾਂ ਨੂੰ ਲੁੱਟਣ ਤੋਂ ਸਿਵਾਏ ਕੋਈ ਕੰਮ ਨਹੀਂ ਕੀਤਾ
ਉਨ੍ਹਾਂ ਕਿਹਾ ਕਿ ਕਾਂਗਰਸ ਅਤੇ ਅਕਾਲੀ ਦਲ ਦੀਆਂ ਮਾੜੀਆਂ ਤੇ ਭ੍ਰਿਸ਼ਟ ਨੀਤੀਆਂ ਕਾਰਨ ਅੱਜ ਪੰਜਾਬ ਦੇ ਹਾਲਾਤ ਬਦ ਤੋਂ ਬਦਤਰ ਹੋ ਚੁੱਕੇ ਹਨ ਜਦੋਂਕਿ ਆਮ ਆਦਮੀ ਪਾਰਟੀ ਦੀਆਂ ਗਰੰਟੀਆਂ ਅਤੇ ਲਹਿਰ ਦੋਨੋ ਹੀ ਫਰਜੀ ਹਨ। 
ਉਨ੍ਹਾਂ ਕਿਹਾ ਕਿ ਪੰਜਾਬ ਨੂੰ ਮੋੜ ਤੋਂ ਤਰੱਕੀ ਦੀਆਂ ਲੀਹਾਂ ਤੇ ਲਿਜਾਣ ਲਈ ਭਾਜਪਾ ਦੀ ਡਬਲ ਇੰਜਣ ਸਰਕਾਰ ਨੂੰ ਇਕ ਮੌਕਾ ਜ਼ਰੂਰ ਦਿੱਤਾ ਜਾਵੇ। ਉਨ੍ਹਾਂ ਨੇ ਕਿਹਾ ਕਿ ਭਾਜਪਾ ਹੀ ਇੱਕਮਾਤਰ ਅਜਿਹਾ ਸੰਗਠਨ ਹੈ ਜੋ ਸਬਦਾ ਸਾਥ,ਸਬਦਾ ਵਿਕਾਸ ਦਾ ਸਿੱਧਾਂਤ ਲੈ ਕੇ ਚੱਲਦੀ ਹੈ। ਕੇਂਦਰ ਸਰਕਾਰ ਦੀ ਅਗਵਾਈ ਵਿੱਚ ਭਾਰਤ ਤਰੱਕੀ ਦੇ ਰਸਤੇ ਤੇ ਆਗੂ ਹੈ।
ਇਸ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਸਭ ਤੋਂ ਵੱਧ ਯੋਗਦਾਨ ਹੈ। ਭਾਜਪਾ ਦੇ ਰਾਸ਼ਟਰੀ ਪ੍ਰਧਾਨ ਜੇਪੀ ਨੱਡਾ ਦੀ ਅਗਵਾਈ ਵੀ ਹਰ ਭਾਰਤਵਾਸੀ ਦਾ ਵਿਸ਼ਵਾਸ ਬਣਦੀ ਜਾ ਰਹੀ ਹੈ ਅਤੇ ਜਨਤਾ ਦੇ ਵਿੱਚ ਇੱਕ ਨਵੀਂ ਉਰਜਾ ਦਾ ਸੰਚਾਰ ਹੋ ਰਿਹਾ ਹੈ। ਇਹੀ ਕਾਰਨ ਹੈ ਕਿ ਅੱਜ ਅਸੀ ਸਾਰੇ ਲੋਕਾਂ ਦੇ ਚੇਹਰਿਆਂ ਤੇ ਆਸ ਅਤੇ ਤਰੱਕੀ ਦੀ ਮੁਸਕਾਨ ਵੇਖ ਸੱਕਦੇ ਹਾਂ। ਉਨ੍ਹਾਂ ਨੇ ਕਿਹਾ ਕਿ ਭਾਜਪਾ ਨੀਤੀਆਂ ਅਤੇ ਸਿੱਧਾਂਤਾਂ ਤੇ ਚੱਲਣ ਵਾਲੀ ਪਾਰਟੀ ਹੈ।
ਇਸ ਮੌਕੇ ਸੀਨੀਅਰ ਬੀਜੇਪੀ ਆਗੂ ਮੇਜਰ ਸਿੰਘ ਦੇਤਵਾਲ ਨੇ ਦੱਸਿਆ ਕਿ ਸਮੁੱਚੇ ਦਾਖਾ ਹਲਕੇ ਦੇ ਲੋਕਾਂ ਅੰਦਰ ਪੰਜਾਬ ਲੋਕ ਕਾਂਗਰਸ -ਭਾਜਪਾ- ਅਕਾਲੀ ਦਲ ਸੰਯੁਕਤ ਗਠਜੋੜ ਪ੍ਰਤੀ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ ਤੇ ਲੋਕਾਂ ਅੰਦਰ ਭਾਰੀ ਉਤਸ਼ਾਹ ਪਾਇਆ ਜਾ ਰਿਹਾ ਹੈ। ਉਹਨਾਂ ਕਿਹਾ ਕਿ ਇਸ ਵਾਰ ਹਲਕਾ ਦਾਖਾ ਤੋਂ ਜਿੱਤ ਪ੍ਰਾਪਤ ਕਰਕੇ ਲੋਕਾ ਨੂੰ ਮਜਬੂਤ ਸਰਕਾਰ ਦਿੱਤੀ ਜਾਵੇਗੀ। ਲੋਕਾਂ ਤੋਂ ਮਿਲ ਰਹੇ ਸਮਰਥਨ ਅਤੇ ਸਹਿਯੋਗ ਲਈ ਧੰਨਵਾਦ ਕਰਦਿਆਂ ਜਿਲ੍ਹਾ ਪ੍ਰੀਸ਼ਦ ਮੈਂਬਰ ਰਿੱਕੀ ਚੌਹਾਨ ਨੇ ਕਿਹਾ ਕਿ ਹਲਕਾ ਵਾਸੀਆਂ ਦਾ ਪਿਆਰ ਅਤੇ ਉਤਸਾਹ ਦੱਸਦਾ ਹੈ ਕਿ ਜਨਤਾ ਅਕਾਲੀ-ਕਾਂਗਰਸ ਨੂੰ ਛੱਡ ਕੇ ਸੱਤਾ ਤਬਦੀਲੀ ਦਾ ਮਨ ਬਣਾ ਚੁੱਕੇ ਹਨ। ਆਮ ਆਦਮੀ ਪਾਰਟੀ ਦਾ ਦਿੱਲੀ ਮਾਡਲ ਫੇਲ ਹੋ ਚੁੱਕਿਆ ਮਾਡਲ ਹੈ।ਉਨ੍ਹਾਂ ਕਿਹਾ ਕਿ ਦਮਨਜੀਤ ਸਿੰਘ ਮੋਹੀ ਦੀ ਜਿੱਤ ਹਲਕਾ ਕੋਟਕਪੂਰਾ ਦੀ ਤਕਦੀਰ ਬਦਲ ਦੇਵੇਗੀ।ਇਸ ਮੌਕੇ ਸੰਜੀਵ ਢੰਡ ,ਭੁਪਿੰਦਰ ਮੁੱਲਾਂਪੁਰ, ਬਲਦੇਵ ਦੇਤਵਾਲ ,ਸਾਬਕਾ ਕੌਂਸਲਰਾਂ ਅੰਬੂ ਰਾਮ ਮਿਸਾਲ ,ਮਦਨ ਸ਼ਰਮਾ ਰਾਕੇਸ਼ ਸਿੰਗਲਾ ਤੋਂ ਇਲਾਵਾਂ ਵੱਡੀ ਗਿਣਤੀ 'ਚ ਲੋਕ ਹਾਜਰ ਸਨ 

ਪਿੰਡ ਦੇਤਵਾਲ ਚੋਣ ਜਲਸੇ ਦੌਰਾਨ ਲੋਕਾਂ ਚ ਬੈਠ ਕੇ ਤਸਵੀਰ ਖਿਚਵਾਉਂਦੇ ਹੋਏ ਦਮਨਜੀਤ ਮੋਹੀ ,ਮੇਜਰ ਸਿੰਘ ਦੇਤਵਾਲ ਰਿੱਕੀ ਚੌਹਾਨ ਅਤੇ ਹੋਰ