ਬੱਧਨੀ ਕਲਾਂ-ਮੋਗਾ, ਅਗਸਤ 2020 -(ਗੁਰਸੇਵਕ ਸਿੰਘ ਸੋਹੀ)-ਇਥੋਂ ਨੇੜਲੇ ਪਿੰਡ ਡੇਰਾ ਬਾਗ ਵਾਲਾ ਰਾਮਾ ਦੇ ਮੁੱਖ ਸੇਵਾਦਾਰ ਬਾਬਾ ਕਰਮ ਦਾਸ ਜੀ ਨੇ ਕਿਹਾ ਅੱਜ ਦੇ ਕਲਯੁਗ ਵਿੱਚ ਆਪਣੇ ਮਨੁੱਖ ਆਪਣੇ ਰੁਝੇਵਿਆਂ ਵਿੱਚ ਮਨੁੱਖ ਦੂਜਿਆਂ ਨੂੰ ਸਮਾਂ ਨਹੀਂ ਦਿੰਦਾ ਅਤੇ ਪੁੰਨ ਦਾਨ ਕਰਨ ਨਾਲ ਮਨੁੱਖ ਆਪਣੀਆਂ ਖੁਸ਼ੀਆਂ ਪ੍ਰਾਪਤ ਕਰ ਲੈਂਦਾ ਹੈ।ਗੁਰੂ ਨਾਨਕ ਦੇਵ ਜੀ ਨੇ ਮਨੁੱਖ ਲਈ ਕਿਰਤ ਕਰੋ,ਨਾਮ ਜਪੋ ਤੇ ਵੰਡ ਛਕੋ ਦਾ ਸਿਧਾਂਤ ਦਿੱਤਾ ਹੈ।ਆਪਣੇ ਹੱਕ ਦੀ ਖਾਣ ਅਤੇ ਬਿਗਾਨੇ ਹੱਥ ਤੋਂ ਬੱਚਣ ਲਈ ਉਨ੍ਹਾਂ ਨੇ ਮਨੁੱਖ ਨੂੰ ਸੁਚੇਤ ਵੀ ਕੀਤਾ ਹੈ।ਹਰ ਮਨੁੱਖ ਨੂੰ ਦਸਾਂ ਨਹੁੰਆਂ ਦੀ ਕਿਰਤ ਕਮਾਈ ਖਾਣੀ ਚਾਹੀਦੀ ਹੈ ਲੁੱਟ-ਕਸੁੱਟ ਚੋਰੀ-ਚਕਾਰੀ ਰਿਸ਼ਵਤ ਤੇ ਬੇਈਮਾਨੀ ਮਨੁੱਖ ਦੀ ਜਿੰਦਗੀ ਨਰਕ ਭਰੀ ਬਣ ਦਿੰਦੀ ਹੈ।ਹਰ ਕੋਈ ਵਗਦੀ ਗੰਗਾ ਵਿੱਚ ਡੁਬਕੀਆਂ ਲਗਾ ਲੈਂਦਾ ਹੈ।ਜੋ ਸੰਤੁਸ਼ਟੀ ਮਨੁੱਖ ਨੂੰ ਮਿਹਨਤ ਦੀ ਰੁਖੀ ਸੁੱਕੀ ਰੋਟੀ ਖਾ ਕੇ ਮਿਲਦੀ ਹੈ ਉਹ ਮੁਫ਼ਤ ਜਾਂ ਹੇਰਾ ਫੇਰੀ ਵਾਲੇ ਮਾਲ ਪੂੜਿਆਂ ਤੋਂ ਨਸੀਬ ਨਹੀਂ ਹੁੰਦੀ।ਪਰ ਚਕਾਚੌਂਧ ਕਾਰਨ ਮਨੁੱਖ ਦੀਆਂ ਅੱਖਾਂ ਚੁੰਧਿਆ ਜਾਂਦੀਆਂ ਹਨ ਅਤੇ ਕਈ ਵਾਰ ਉਹ ਚਮਕ ਵੱਲ ਵੇਖ ਕੇ ਇਮਾਨ ਤੋਂ ਡੋਲ ਜਾਂਦਾ ਹੈ ਕੁਦਰਤ ਦੇ ਨਿਯਮ ਖਿਲਾਫ ਕਦੇ ਵੀ ਨਹੀਂ ਚਲਣਾ ਚਾਹੀਦਾ ਵੱਧ ਤੋਂ ਵੱਧ ਦਰੱਖਤ ਲਗਾਉਣੇ ਚਾਹੀਦੇ ਹਨ ਨਾ ਕਿ ਕੱਟਣੇ ਨਹੀ ਚਾਹੀਦੇ ਇਹਨਾਂ ਨੂੰ ਕੱਟਣ ਨਾਲ ਦਰੱਖਤਾਂ ਦਾ ਅਪਮਾਨ ਕੀਤਾ ਜਾਂਦਾ ਹੈ।ਇਹ ਦਰੱਖਤ ਆਪਾਂ ਨੂੰ ਅਨੇਕਾਂ ਹੀ ਬਿਮਾਰੀਆਂ ਤੋਂ ਬਚਾਉਂਦੇ ਹਨ।ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਬਾਬਾ ਕਰਮ ਦਾਸ ਜੀ ਦਾ ਕਹਿਣਾ ਹੈ ਕਿ ਦਾਨ ਕਰਨ ਦੀ ਬਖਸ਼ਿਸ਼ ਰੱਬ ਕਿਸੇ ਨੂੰ ਹੀ ਦਿੰਦਾ ਹੈ। ਵੱਡੇ ਦਿਲ ਵਾਲਾ ਹੀ ਦਾਨ ਕਰ ਸਕਦਾ ਹੈ ਨਾ ਕਿ ਛੋਟੇ ਦਿਲ ਵਾਲਾ ਕੋਈ ਵੀ ਚੀਜ਼ ਕਿਸੇ ਦੇ ਨਾਲ ਨਹੀਂ ਜਾਣੀ ਸਭ ਕੁਝ ਇੱਥੇ ਹੀ ਰਹਿ ਜਾਣਾ ਦੇਖਿਆ ਜਾਂਦਾ ਹੈ ਕਿ ਹਸਪਤਾਲਾਂ ਵਿੱਚ ਪਏ ਲੋਕ ਪ੍ਰਮਾਤਮਾ ਨੂੰ ਇਹੀ ਦੁਆ ਕਰਦੇ ਹਨ ਕਿ ਰੱਬਾ ਸਾਨੂੰ ਤੰਦਰੁਸਤੀ ਦੇ ਹੋਰ ਸਾਨੂੰ ਕੁੱਝ ਨਹੀ ਚਾਹੀਦਾ।
