ਆਉਂਦਾ ਹੈ ਨਿਖਾਰ ਵੀਰੋ ਗਲਤੀ ਜੇ ਦੱਸੀਏ ਤਾਂ,
ਲਿਖਤ ਚ ਛੇਤੀ ਹੋ ਜਾਂਦਾ ਹੈ ਸੁਧਾਰ ਜੀ।
ਸਿਖਾਂਦਰੂ ਮਲ੍ਹਾਹ ਪਾਰ ਬੇੜੀ ਨੂੰ ਨਾ ਲਾ ਸਕੇ ,
ਗੁਰੂ ਕੋਲੋਂ ਜਿਨ੍ਹਾਂ ਚਿਰ ਖਾਂਦਾ ਨਹੀਂਓਂ ਮਾਰ ਜੀ।
ਕਈਆਂ ਲੇਖਕਾਂ ਨੇ ਕਿੱਲੋ ਕਿੱਲੋ ਲੂਣ ਪੱਲੇ ਬੰਨ੍ਹਿਆ ਹੈ,
ਕੱਢੇ ਜੇ ਕੋਈ ਗ਼ਲਤੀ ਤਾਂ ਖਾ ਜਾਂਦੇ ਖਾਰ ਜੀ।
ਆਪ ਨੂੰ ਨਾ ਆਵੇ ਕਹਿੰਦੇ ਕੰਧ ਕੋਲੋਂ ਪੁੱਛ ਲਈਏ,
ਸਿਆਣੇ ਕਹਿਣ ਡਿੱਗ ਡਿੱਗ ਹੋਈਦੈ ਸਵਾਰ ਜੀ।
ਸਹਿਣਸ਼ੀਲਤਾ ਦਾ ਮਾਦਾ ਅੱਜਕਲ੍ਹ ਕਿਸੇ ਚ ਰਿਹਾ ਨਹੀਂਓਂ,
ਦੱਦਾਹੂਰ ਵਾਲਾ ਗੱਲਾਂ ਖਰੀਆਂ ਹੈ ਲਿਖਦਾ।
ਦਸ ਸਾਲਾਂ ਤੋਂ ਝਰੀਟਾਂ ਮੈਂ ਤਾਂ ਕਾਗਜ਼ਾਂ ਤੇ ਮਾਰੀ ਜਾਵਾਂ,
ਪਰ ਜਿਥੋਂ ਮਿਲੇ ਗਿਆਨ ਨਾਲ ਨਿਮਰਤਾ ਹਾਂ ਸਿਖਦਾ।
ਜਸਵੀਰ ਸ਼ਰਮਾਂ ਦੱਦਾਹੂਰ
ਸ੍ਰੀ ਮੁਕਤਸਰ ਸਾਹਿਬ
95691-49556
