ਲੁਧਿਆਣਾ

ਲੁਧਿਆਣਾ (ਕਰਨੈਲ ਸਿੰਘ ਐੱਮ.ਏ.) ਸੇਵਾਪੰਥੀ ਟਿਕਾਣਾ ਭਾਈ ਜਗਤਾ ਜੀ ਗੋਨਿਆਣਾ ਮੰਡੀ (ਬਠਿੰਡਾ) ਵਿਖੇ ਮਹੰਤ ਕਾਹਨ ਸਿੰਘ ਜੀ 'ਸੇਵਾਪੰਥੀ' ਦਾ 82ਵਾਂ ਜਨਮ-ਦਿਨ ਗੁਰਬਾਣੀ ਦੇ ਮਨੋਹਰ ਕੀਰਤਨ, ਸੁਖਮਨੀ ਸਾਹਿਬ ਦੇ ਪਾਠ, ਅੱਖਾਂ ਅਤੇ ਦੰਦਾਂ ਦੇ ਮੁਫ਼ਤ ਕੈਂਪ ਲਗਾ ਕੇ ਮਨਾਇਆ ਗਿਆ । ਮਹੰਤ ਸਾਹਿਬ ਦੀ ਸਰਪ੍ਰਸਤੀ ਹੇਠ ਚੱਲ ਰਹੇ ਵਿਦਿਅਕ ਅਦਾਰਿਆਂ ਦੇ ਮੈਨੇਜਮੈਂਟ ਮੈਂਬਰ, ਪ੍ਰਿੰਸੀਪਲ ਅਤੇ ਸਮੂਹ ਸਟਾਫ ਅਤੇ ਵਿਦਿਆਰਥੀ ਨੇ ਸੁਖਮਨੀ ਸਾਹਿਬ ਦੇ ਪਾਠ ਕੀਤੇ ਉਪਰੰਤ ਮਿਠਾਈਆਂ ਵੰਡੀਆਂ ।

ਮਾਤਾ ਅਮਰ ਕੌਰ ਵਿਵੇਕ ਅੱਖਾਂ ਦਾ ਹਸਪਤਾਲ ਜੈਤੋ ਦੇ ਸਰਪ੍ਰਸਤ ਸੰਤ ਰਿਸ਼ੀ ਰਾਮ ਜੀ ਅਤੇ ਮਹੰਤ ਕਾਹਨ ਸਿੰਘ ਜੀ 'ਸੇਵਾਪੰਥੀ' ਨੇ ਅੱਖਾਂ ਦੇ ਮੁਫ਼ਤ ਫੈਕੋ ਲੇਨਜ ਅਪਰੇਸ਼ਨ ਕੈਂਪ ਦਾ ਉਦਘਾਟਨ ਕੀਤਾ ਇਸ ਕੈਂਪ ਵਿੱਚ ਡਾਕਟਰ ਦੀਪਕ ਗਰਗ, ਡਾਕਟਰ ਮੋਨਿਕਾ, ਡਾਕਟਰ ਭੁਪਿੰਦਰ ਕੌਰ ਨੇ 690 ਮਰੀਜ਼ਾਂ ਨੂੰ ਚੈੱਕ ਕੀਤਾ ਅਤੇ 115 ਮਰੀਜ਼ਾਂ ਦੇ ਲੈਂਨਜ ਮੁਫ਼ਤ ਲਗਾਏ ਜਾਣਗੇ । ਇਸ ਕੈਂਪ ਵਿੱਚ ਭਾਈ ਜਗਤਾ ਜੀ ਸੇਵਾ ਸੁਸਾਇਟੀ ਦੇ ਮੈਂਬਰ ਅਤੇ ਗੁਰੂ ਅੰਗਦ ਦੇਵ ਵਰਲਡ ਸਕੂਲ ਦੇ ਸਟਾਫ਼ ਅਤੇ ਐਚ.ਐਸ. ਗਰੇਵਾਲ, ਤਰਸੇਮ ਮੋਂਗਾ, ਨਰਿੰਦਰ ਸਿੰਘ, ਉਪਕਾਰ ਸਿੰਘ (ਕਾਰੀ) ਜੀ ਦਾ ਕੈਂਪ ਪ੍ਰਬੰਧਨ ਵਿੱਚ ਵਿਸ਼ੇਸ਼ ਯੋਗਦਾਨ ਸੀ ।

ਹਰ ਸਾਲ, ਸਾਲ ਵਿੱਚ ਦੋ ਵਾਰ ਮੁਫ਼ਤ ਲੈੱਨਜ਼ ਕੈਂਪ ਅਨੁਦਾਨੀ ਭਾਈ ਘਨੱਈਆ ਸੇਵਾ ਮਿਸ਼ਨ ਲੰਡਨ ਇੰਗਲੈਂਡ ਦੇ ਸਹਿਯੋਗ ਸਦਕਾ ਮਹੰਤ ਕਾਹਨ ਸਿੰਘ ਜੀ, ਸੰਤ ਰਣਜੀਤ ਸਿੰਘ ਅਤੇ ਸੰਤ ਜਗਜੀਤ ਸਿੰਘ ਜੀ ਦੀ ਰਹਿਨੁਮਾਈ ਹੇਠ ਚੱਲ ਰਹੇ ਹਨ। ਇਸ ਮੌਕੇ ਤੇ ਦੰਦਾਂ ਦਾ ਮੁਫ਼ਤ ਕੈਂਪ ਲਗਾਇਆ ਗਿਆ, ਜਿਸ ਵਿੱਚ 45 ਮਰੀਜ਼ ਚੈੱਕ ਕੀਤੇ ਗਏ ਅਤੇ ਦਵਾਈ ਮੁਫ਼ਤ ਦਿੱਤੀ ਗਈ । 1991 ਤੋਂ ਦੰਦ ਵਿਭਾਗ ਵਿੱਚ ਸੇਵਾ ਕਰ ਰਹੇ ਡਾ: ਨਵਦੀਪ ਸਿੰਘ 'ਲੱਕੀ' ਨੇ ਦੱਸਿਆ  ਮਹੰਤ ਕਾਹਨ ਸਿੰਘ ਜੀ 'ਸੇਵਾਪੰਥੀ' ਅਤੇ ਸੁਰਜੀਤ ਸਿੰਘ ਸੇਵਾਦਾਰ, ਭਾਈ ਹਰਭਜਨ ਸਿੰਘ ਜੀ ਨੇ ਅਰਦਾਸ ਕਰਕੇ ਕੈਂਪ ਦੀ ਸ਼ੁਰੂਆਤ ਕੀਤੀ ।

ਜੇ ਜੀਵਨ ਵਿਕਾਰਾਂ ਵੱਲ ਲਗਾਵਾਂਗੇ ਤਾਂ ਪ੍ਰਭੂ ਦੀ ਦਰਗਾਹ ਅੰਦਰ ਕਾਉਡੀ ਜਿਨ੍ਹਾ ਵੀ ਮੁੱਲ ਨਹੀਂ ਪਵੇਗਾ
ਲੁਧਿਆਣਾ 4 ਅਗਸਤ (ਕਰਨੈਲ ਸਿੰਘ ਐੱਮ.ਏ.)ਗੁਰਮਤਿ ਸੰਗੀਤ ਅਤੇ ਗੁਰਬਾਣੀ ਪ੍ਰਚਾਰ ਪ੍ਰਸਾਰ ਲਈ ਕਾਰਜ਼ਸ਼ੀਲ ਜਵੱਦੀ ਟਕਸਾਲ ਵਿਖੇ ਹਫਤਾਵਾਰੀ ਨਾਮ ਸਿਮਰਨ ਸਮਾਗਮ ਦੌਰਾਨ ਮੌਜੂਦਾ ਮੁਖੀ ਸੰਤ ਬਾਬਾ ਅਮੀਰ ਸਿੰਘ ਜੀ ਨੇ ਗੁਰਮਤਿ ਵਿਚਾਰਾਂ ਦੀ ਸਾਂਝ ਪਾਉਦਿਆਂ ਫੁਰਮਾਇਆ ਕਿ “ਅਧਿਆਤਮ ਪੱਖ ਕੋਈ ਵੱਖਰਾ ਪੱਖ ਨਹੀਂ, ਨਾ ਹੀ ਕਿਸੇ ਦਾ ਏਕਾਧਿਕਾਰ ਹੈ, ਪਰ ਜਿਸ ਤਰ੍ਹਾਂ ਨਾਲ ਅਧਿਆਤਮ ਨੂੰ ਗੁੰਝਲਦਾਰ ਬਣਾਇਆ ਜਾਂ ਪੇਸ਼ ਕੀਤਾ ਜਾ ਰਿਹਾ ਹੈ, ਉਹ ਸਹੀ ਨਹੀਂ। ਗੁਰਮਤਿ ਅਨੁਸਾਰ ਜੀਵਨ ਨੂੰ ਸਮਝਣ, ਗੁੰਝਲਦਾਰ ਪੱਖ ਤੋਂ ਬਾਹਰ ਨਿਕਲਣ ਵਰਗੇ ਪੱਖਾਂ ਨੂੰ ਗੰਭੀਰਤਾ ਨਾਲ ਸਮਝਣ ਦੀ ਲੋੜ ਹੈ। ਇੱਕ ਰਸਤਾ ਚੱਲਦਿਆਂ ਆਪਾਂ ਪ੍ਰਭੂ ਦੇ ਦਰ ਤੱਕ ਜਾ ਸਕਦੇ ਹਾਂ, ਦੂਜੇ ਰਾਸਤੇ ਉਸਦੇ ਉਲਟ। ਇੱਕ ਰਾਸਤਾ ਪ੍ਰਭੂ ਦੀ ਕ੍ਰਿਪਾ ਦਾ ਹੱਕਦਾਰ ਬਣਦਾ ਹੈ, ਦੂਜਾ ਨਹੀਂ ਬਣ ਸਕਦਾ। ਇਹ ਦੋਨੋਂ ਰਾਸਤੇ ਆਚਾਰ ਨਾਲ ਸੰਬੰਧਿਤ ਹਨ। ਗੁਰਮਤਿ ਨੇ ਇਸ ਰਾਹ ਨੂੰ ਗੁਰਮੁਖ, ਦੂਜੇ ਨੂੰ ਮਨਮੁੱਖ ਕਿਹਾ ਹੈ। ਬਾਬਾ ਜੀ ਨੇ ਗੁਰਬਾਣੀ ਦੇ ਸ਼ਬਦਾਂ ਦੇ ਹਵਾਲਿਆਂ ਨਾਲ ਜ਼ੋਰ ਦਿੱਤਾ ਕਿ ਇੱਕ ਸੰਕਲਪ ਲਈਏ ਕਿ ਆਪਾਂ ਸੰਸਾਰਕ ਵਿਸ਼ ਦੇ ਵਪਾਰੀ ਨਹੀਂ ਬਣਨਾ, ਸਗੋਂ ਕਸਤੂਰੀ ਦੇ ਗਾਹਕ ਬਣਨਾ ਹੈ। ਕਿਉਂਕਿ ਜੇ ਜੀਵਨ ਵਿਕਾਰਾਂ ਵੱਲ ਲਗਾਵਾਂਗੇ ਤਾਂ ਪ੍ਰਭੂ ਦੀ ਦਰਗਾਹ ਅੰਦਰ ਕਾਉਡੀ ਜਿਨ੍ਹਾ ਵੀ ਮੁੱਲ ਨਹੀਂ ਪਵੇਗਾ, ਸਗੋਂ ਜੋ ਕੁਝ ਕੋਲ ਹੈ ਉਹ ਵੀ ਗਵਾ ਹੀ ਰਹੇ ਹਾਂ। ਆਪਾਂ ਪਾਪਾਂ ਦੀਆਂ ਪੰਡਾਂ ਬੰਨ੍ਹ ਕੇ ਨਹੀਂ ਜਾਣਾ, ਸਗੋਂ ਗੁਰਮਤਿ ਰੂਪੀ ਸਿੱਧੇ ਰਾਹ ਦੇ ਪਾਂਧੀ ਬਣਨਾ ਹੈ। ਪ੍ਰਭੂ ਅਤੇ ਪ੍ਰਭੂ ਦੇ ਪ੍ਰਤੀ ਸਮਰਪਣ ਰੂਪੀ ਕਸਤੂਰੀ ਦੀ ਭਾਲ ਅਤੇ ਸੰਭਾਲ ਕਰਨ ਵਾਲੇ ਬਣਨਾ ਹੈ। ਮਨੁੱਖ ਜੂਨੀ ਵਿੱਚ ਜਨਮ ਲੈਣਾ ਅਤੇ ਧਰਮੀ ਜੀਵਨ ‘ਚ ਢਲਣਾ ਸਾਡਾ ਮੰਤਵ ਹੋਣਾ ਚਾਹੀਦਾ ਹੈ। ਇਹ ਸਭ ਕੁਝ ਵਿਚਾਰ ਅਤੇ ਆਚਾਰ ਪੱਖੋਂ ਮਨਮੁੱਖਾਂ ਤੋਂ ਉਲਟ ਹੋਵੇਗਾ। ਸਮਾਗਮ ਦੇ ਅੰਤ ‘ਚ ਸੰਤ ਬਾਬਾ ਸੁਚਾ ਸਿੰਘ ਜੀ ਦੀ 22ਵੀਂ ਸਲਾਨਾਂ ਬਰਸੀ ਸਮਾਗਮਾਂ ਸੰਬੰਧੀ ਜਾਣਕਾਰੀ ਦਿੰਦਿਆਂ ਦੇਸ਼-ਵਿਦੇਸ਼ ਤੋਂ ਸੰਗਤਾਂ ਨੂੰ ਸਮੂਲੀਅਤ ਕਰਨ ਦੀ ਅਪੀਲ ਕੀਤੀ। ਸਮਾਪਤੀ ਉਪਰੰਤ ਗੁਰੂ ਕੇ ਲੰਗਰ ਅਤੁੱਟ ਵਰਤੇ।

ਜੋਧਾਂ / ਸਰਾਭਾ 5 ਅਗਸਤ ( ਦਲਜੀਤ ਸਿੰਘ ਰੰਧਾਵਾ) ਕੈਂਪ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਅਜੀਤਸਰ ਮੋਹੀ ਦੇ ਪ੍ਰਿੰਸੀਪਲ ਸ ਪਰਮਜੀਤ ਸਿੰਘ ਮੋਹ ਵਲੋਂ ਸਮੁੱਚੀ ਸਕੂਲ ਕਮੇਟੀ ਜਗਮੋਹਣ ਸਿੰਘ ਮੋਹੀ ਸਾਬਕਾ ਪੰਚ, ਕੁਲਵੰਤ ਸਿੰਘ ਥਿੰਦ, ਜੇਈ ਸੁਖਦੀਪ ਸਿੰਘ ਦੀਪਾ ਵਲੋਂ ਨਿਰਮਲ ਸਿੰਘ ਸੁਧਾਰ ਦੇ ਪਰਵਾਰ ਨਾਲ ਉਨ੍ਹਾਂ ਦੇ ਗ੍ਰਹਿ ਪਿੰਡ ਸੁਧਾਰ ਵਿਖੇ ਦੁੱਖ ਸਾਂਝਾ ਕੀਤਾ ਗਿਆ । ਇਸ ਮੌਕੇ ਉਨ੍ਹਾਂ ਦੇ ਪੁੱਤਰ ਰਣਜੀਤ ਸਿੰਘ ਗੋਗੀ ਅਤੇ ਭੁਪਿੰਦਰ ਸਿੰਘ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਨਿਰਮਲ ਸਿੰਘ ਦਾ ਭੋਗ ਅਤੇ ਅੰਤਿਮ ਅਰਦਾਸ ਮਿਤੀ 11 ਅਗਸਤ ਨੂੰ ਪਿੰਡ ਸੁਧਾਰ ਵਿਖੇ 12 ਤੋਂ 1 ਵਜੇ ਦੇ ਦਰਮਿਆਨ ਹੋਵੇਗੀ। ਉਨ੍ਹਾਂ ਸਮੂਹ ਸੰਗਤਾਂ ਨੂੰ ਅਪੀਲ ਕੀਤੀ ਕਿ ਉਹ ਸਾਡੇ ਪਿਤਾ ਨਿਰਮਲ ਸਿੰਘ ਦੀ ਅੰਤਮ ਅਰਦਾਸ ਵਿੱਚ ਸ਼ਾਮਲ ਹੋਣ ਦੀ ਕਿਰਪਾਲਤਾ ਕਰਨੀ।

ਮੁੱਲਾਂਪੁਰ ਦਾਖਾ 4 ਅਗਸਤ  (ਸਤਵਿੰਦਰ ਸਿੰਘ ਗਿੱਲ) ਮਨਰੇਗਾ ਅਧਿਕਾਰ ਅੰਦੋਲਨ ਪੰਜਾਬ ਵਲੋ ਪਿੰਡ ਸੋਹੀਆ ਵਿਖੇ ਮਨਦੀਪ ਕੌਰ ਤੇ ਬਲਜੀਤ ਕੌਰ ਦੀ ਪ੍ਰਧਾਨਗੀ ਵਿੱਚ 
ਮੀਟਿੰਗ ਹੋਈ। 
ਮਨਰੇਗਾ ਅਧਿਕਾਰ ਅੰਦੋਲਨ ਪੰਜਾਬ ਦੇ ਆਗੂ ਪ੍ਰਕਾਸ਼ ਸਿੰਘ ਹਿੱਸੋਵਾਲ ਤੇ ਚਰਨਜੀਤ ਸਿੰਘ ਹਿਮਾਯੂੰਪੁਰਾ ਨੇ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਪਿੰਡਾਂ ਅੰਦਰ ਸਿਆਸੀ ਪਾਰਟੀ ਨਾਲ ਸਬੰਧਤ ਕੁਝ ਵਲੰਟੀਅਰਾਂ ਵੱਲੋਂ ਪਿੰਡਾ ਵਿੱਚ ਮਜਦੂਰਾ ਤੇ ਮੇਟਾਂ ਨੂੰ ਅਪਣੇ ਗੈਰ ਕਾਨੂੰਨੀ ਢੰਗ ਨਾਲ ਤੰਗ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ।ਪਿੰਡ ਦੇ ਕੰਮ ਕਰਨ ਮਜਦੂਰਾਂ ਦੇ ਮਸਰੋਲ ਆਉਣ ਤੇ ਵੀ ਕੰਮ ਨਹੀ ਚਲਾਇਆ ਜਾ ਰਿਹਾ। ਮੇਟਾਂ ਨੂੰ ਜਬਰੀ ਹਟਾਉਣ ਲਈ  ਪ੍ਰਸਾਸਨ ਅਧਿਕਾਰੀਆ ਤੇ ਰਾਜਨੀਤਕ ਦਬਾਅ ਪਾਇਆ ਜਾ ਰਿਹਾ ਹੈ।  ਨਾ ਤਾ ਕੋਈ ਪਿਡਾ ਵਿੱਚ ਮੇਟਾਂ ਨੂੰ ਹਟਾਉਣ ਜਾ ਰੱਖਣ ਲਈ  ਆਮ ਇਜਲਾਸ ਕੀਤਾ ਜਾ ਰਿਹਾ ਹੈ ਨਾ ਮਜਦੂਰਾਂ ਦੀ ਸਹਿਮਤੀ ਲਈ  ਜਾ ਰਹੀ ਹੈ ।ਇਹ  ਸਭ ਕੁੱਝ ਰਾਜਨੀਤਕ ਧੱਕਾ ਕੀਤਾ ਜਾ ਰਿਹਾ ਹੈ। ਇਹ ਸਭ ਕੁੱਝ ਮਨਰੇਗਾ ਐਕਟ 2005  ਕਾਨੂੰਨ ਦੀਆਂ ਧੱਜੀਆਂ ਉਡਾਈਆਂ ਜਾ ਰਹੀਆਂ ਰਹੀਆਂ ।
ਉਹਨਾਂ ਨੇ ਦੱਸਿਆ ਕਿ ਜੇਕਰ ਪੰਜਾਬ ਅੰਦਰ ਮੇਟਾਂ ਨੂੰ ਜਬਰੀ ਹਟਾਉਣਾ ਬੰਦ ਨਾ ਕੀਤਾ ਤੇ ਮਨਰੇਗਾ ਦੇ ਕੰਮਾ ਵਿਚ ਸਿਆਸੀ ਦਖਲਅੰਦਾਜ਼ੀ  ਬੰਦ ਨਾ ਕੀਤੀ ਗਈ। ਮਨਰੇਗਾ ਮਜਦੂਰਾਂ ਨੂੰ ਕੰਮ ਨਾ ਦਿੱਤਾ ਗਿਆ,  ਕੀਤੇ ਕੰਮ ਦੀ ਪਮਾਇਸ ਬੰਦ ਨਾ ਕੀਤੀ ਗਈ, ਸੜਕਾਂ ਦੀਆ ਬਰਮਾਂ ਦਾ ਕੰਮ ਜਲਦੀ ਚਾਲੂ ਨਾ ਕੀਤਾ ਤੇ ਕੰਮ ਕਰਦੇ ਮਜਦੂਰਾਂ ਦੀ ਹਾਜਰੀ ਪਹਿਲਾਂ ਦੀ ਤਰਾਂ ਕੰਮ ਕਰਨ ਵਾਲੀ ਥਾਂ 'ਤੇ ਹੀ ਹਾਜ਼ਰੀ ਲਵਾਈ ਜਾਵੇ। ਲੋਕੇਸਂਨ ਮੁਤਾਬਿਕ ਹਾਜ਼ਰੀ ਲਗਾਉਣੀ ਬੰਦ ਕੀਤੀ ਜਾਵੇ । ਜੇਕਰ ਇਹਨਾਂ ਮੰਗਾਂ ਵੱਲ ਧਿਆਨ ਨਾ ਦਿੱਤਾ ਤਾਂ ਮਨਰੇਗਾ ਅਧਿਕਾਰ ਅੰਦੋਲਨ ਪੰਜਾਬ ਵਲੋਂ ਪੰਜਾਬ ਸਰਕਾਰ ਤੇ ਪ੍ਰਸ਼ਾਸਨ ਖਿਲਾਫ ਸੰਘਰਸ਼ ਤੇਜ਼ ਕੀਤਾ ਜਾਵੇਗਾ ਜਿਸ ਦੀ ਜਿੰਮੇਵਾਰੀ ਪ੍ਰਸ਼ਾਸਨ ਤੇ ਪੰਜਾਬ ਸਰਕਾਰ ਦੀ ਹੋਵੇਗੀ। 
ਇਸ ਮੋਕੇ ਪ੍ਰਮਿੰਦਰ ਕੁਮਾਰ, ਬਲਵੀਰ ਸਿੰਘ ਹੇਰਾਂ, ਬੰਤ ਸਿੰਘ ਐਤੀਆਣਾ, ਗੁਰਪ੍ਰੀਤ ਸਿੰਘ ਮੇਟ ਕੁਲਦੀਪ ਕੌਰ, ਪਰਮਜੀਤ ਕੌਰ ਸਾਰੇ ਸੂਹੀਆ ਹਾਜਰ ਸਨ।