ਲੁਧਿਆਣਾ

ਤਿੰਨ ਦਿਨਾਂ ਵਰਕਸ਼ਾਪ 'ਚ ਸੰਗੀਤ ਦੇ ਮਾਹਰਾਂ ਵੱਲੋਂ ਗੁਰਮਤਿ ਸੰਗੀਤ ਦੇ ਵਿਦਿਆਰਥੀਆਂ ਨੂੰ ਸੰਗੀਤ ਦੀਆਂ ਬਾਰੀਕੀਆਂ ਤੋਂ ਜਾਣੂ ਕਰਵਾਉਣਗੇ।
ਲੁਧਿਆਣਾ 8 ਜੂਨ (ਕਰਨੈਲ ਸਿੰਘ ਐੱਮ.ਏ.)-ਜਗਤ ਦੇ ਅਮੁੱਲੇ ਖਜ਼ਾਨੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਵਿਚਲੀ ਗੁਰਬਾਣੀ ਨੂੰ ਸਮੁੱਚੀ ਲੋਕਾਈ ਵਿੱਚ ਪ੍ਰਚਾਰ ਤੇ ਪ੍ਰਸਾਰ ਲਈ ਜੀਵਨ ਭਰ ਸੁਚੇਤਤਾ ਨਾਲ ਕਾਰਜਸ਼ੀਲ ਰਹੇ ਸੱਚਖੰਡ ਵਾਸੀ ਸੰਤ ਬਾਬਾ ਸੁਚਾ ਸਿੰਘ ਜੀ ਨੇ ਪੰਜਾਬ ਦੇ ਕੇਂਦਰੀ ਜਿਲ੍ਹਾ ਲੁਧਿਆਣਾ ਚ ਜਵੱਦੀ ਕਲਾਂ ਦੇ ਸਥਾਨ ਤੇ ਗੁਰਦੁਆਰਾ ਗੁਰਗਿਆਨ ਪ੍ਰਕਾਸ਼ ਸਾਹਿਬ ਨੂੰ ਕੇਂਦਰ ਬਣਾ ਕੇ "ਜਵੱਦੀ ਟਕਸਾਲ" ਦੀ ਸਿਰਜਣਾ ਕੀਤੀ। ਮਹਾਂਪੁਰਸ਼ਾਂ ਦੇ ਸੱਚਖੰਡ ਜਾ ਬਿਰਾਜਣ ਉਪਰੰਤ ਮੌਜੂਦਾ ਮੁਖੀ ਸੰਤ ਬਾਬਾ ਅਮੀਰ ਸਿੰਘ ਜੀ ਵੀ ਗੁਰੂ ਸਾਹਿਬ ਜੀ ਵੱਲੋਂ ਗੁਰਬਾਣੀ ਕੀਰਤਨ ਦੀ ਜੁਗਤ ਨੁੰ ਸਮੁੱਚੀ ਸਿੱਖ ਸੰਗਤ ਵਿੱਚ ਵਿਕਾਸ ਤੇ ਵਿਗਾਸ ਲਈ ਨਿਰੰਤਰ ਕਾਰਜ਼ਸ਼ੀਲ ਹਨ। ਸ਼੍ਰੋਮਣੀ ਗੁਰਮਤਿ ਸੰਗੀਤ ਪ੍ਰਚਾਰਕ ਗੁਰਪੁਰਵਾਸੀ ਸੰਤ ਬਾਬਾ ਸੁਚਾ ਸਿੰਘ ਜੀ ਵੱਲੋਂ ਅਰੰਭੇ ਕਾਰਜਾਂ ਨੂੰ ਨਿਰਮਤਰਤਾ ਨਾਲ ਜਾਰੀ ਰੱਖਦਿਆਂ ਮੌਜੂਦਾ ਮੁਖੀ ਮਹਾਂਪੁਰਸ਼ਾਂ ਵੱਲੋਂ ਸਲਾਨਾ ਗੁਰਮਤਿ ਸੰਗੀਤ ਵਰਕਸ਼ਾਪ 2024 ਦਾ ਪ੍ਰਬੰਧ ਕੀਤਾ ਹੈ। ਜਿਸਦੀ ਆਰੰਭਤਾ ਦਿਨ ਮੰਗਲਵਾਰ 11 ਜੂਨ ਨੂੰ ਹੋਵੇਗੀ। ਤਿੰਨ ਦਿਨਾਂ ਗੁਰਮਤਿ ਸੰਗੀਤ ਵਰਕਸ਼ਾਪ ਵਿੱਚ ਪ੍ਰਸਿੱਧ ਤਬਲਾ ਵਾਦਕ ਪੰਡਿਤ ਅਨੁਰਾਧਾ ਪਾਲ ਜੀ, ਪੰਡਿਤ ਹਰਸ਼ ਨਾਰਇਣ ਜੀ (ਸਾਰੰਗੀ), ਪ੍ਰਿੰ. ਜਤਿੰਦਰਪਾਲ ਸਿੰਘ ਜੀ, ਉਸਤਾਦ ਇੰਦਰਜੀਤ ਸਿੰਘ ਬਿੰਦੂ, ਪੰਡਿਤ ਰਾਮਾਕਾਂਤ ਜੀ, ਉਸਤਾਦ ਮਨਿੰਦਰ ਸਿੰਘ ਜੀ, ਉਸਤਾਦ ਰਾਜਬਰਿੰਦਰ ਸਿੰਘ ਜੀ, ਪ੍ਰੋ. ਤਜਿੰਦਰ ਸਿੰਘ ਜੀ, ਪ੍ਰੋ. ਇਕਬਾਲ ਸਿੰਘ ਜੀ, ਪ੍ਰੋ. ਚਰਨਜੀਤ ਕੌਰ ਜੀ, ਪ੍ਰੋ. ਤਜਿੰਦਰ ਸਿੰਘ ਜੀ, ਭਾਈ ਜਸਪ੍ਰੀਤ ਸਿੰਘ ਆਦਿ ਸੰਗੀਤ ਦੇ ਮਾਹਰਾਂ ਵੱਲੋਂ ਗੁਰਮਤਿ ਸੰਗੀਤ ਦੇ ਵਿਦਿਅਰਥੀਆਂ ਨੂੰ ਸੰਗੀਤ ਦੀਆਂ ਬਾਰੀਕੀਆਂ ਤੋਂ ਜਾਣੂ ਕਰਵਾਉਣਗੇ। ਜਵੱਦੀ ਟਕਸਾਲ ਵੱਲੋਂ ਵਰਕਸ਼ਾਪ ਵਿੱਚ ਸ਼ਮੂਲੀਅਤ ਕਰਨ ਵਾਲਿਆਂ ਵਿਦਿਆਰਥੀਆਂ ਨੂੰ ਸਨਮਾਨ ਪੱਤਰ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਮਹਾਂਪੁਰਸ਼ਾਂ ਵੱਲੋਂ ਸਭਨਾਂ ਨੂੰ ਪੁੱਜਣ ਦਾ ਹਾਰਦਿਕ ਸੱਦਾ ਦਿੱਤਾ ਗਿਆ ਹੈ।

ਲੁਧਿਆਣਾ( ਕਰਨੈਲ ਸਿੰਘ ਐੱਮ.ਏ.) ਉੱਤਰੀ ਅਤੇ ਕੇਂਦਰੀ ਜੋਨ ਲੜਕੇ ਅਤੇ ਲੜਕੀਆਂ ਦੇ ਫੁੱਟਬਾਲ ਖੇਡ ਮੁਕਾਬਲੇ ਪਹਿਲੀ ਵਾਰ ਪੰਜਾਬ ਵਿੱਚ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਵਿਖੇ ਚੱਲ ਰਹੇ ਹਨ। ਖੇਡ ਮੁਕਾਬਲਿਆਂ ਦੇ ਦੂਜੇ ਦਿਨ ਦੇ ਮੁੱਖ ਮਹਿਮਾਨ ਵਰਧਮਾਨ ਸਪੈਸ਼ਲ ਸਟੀਲ ਲਿਮਟਿਡ ਦੇ ਵਾਈਸ ਚੇਅਰਮੈਨ ਸ਼੍ਰੀ ਸਚਿਤ ਜੈਨ ਸਨ । ਉਹਨਾਂ ਇਸ ਮੌਕੇ ਇਹ ਐਲਾਨ ਕੀਤਾ ਹੈ ਕਿ ਜੋ ਬਲਾਈਂਡ ਫੁੱਟਬਾਲ ਗਰਾਊਂਡ ਵਿੱਚ ਦੋਨਾਂ ਪਾਸਿਆਂ ਦੇ ਸਾਈਡ ਬੋਰਡ ਲੱਗਦੇ ਹਨ, ਉਹ ਬਣਾ ਕੇ ਦੇਣ ਦਾ ਐਲਾਨ ਕੀਤਾ ਜਿਸ ਦੀ ਲਗਭਗ ਕੀਮਤ ਪੰਜ ਤੋਂ ਛੇ ਲੱਖ ਰੁਪਏ ਹੈ। ਉਹਨਾਂ ਅੱਗੇ ਤੋਂ ਹਰ ਤਰ੍ਹਾਂ ਸੰਸਥਾ ਦੀ ਮੱਦਦ ਕਰਨ ਦਾ ਭਰੋਸਾ ਦਿੱਤਾ । ਪ੍ਰਧਾਨ ਤਨਵੀਰ ਦਾਦ ਅਤੇ ਜਨਰਲ ਸਕੱਤਰ ਰਾਜਿੰਦਰ ਸਿੰਘ ਚੀਮਾ ਨੇ ਆਏ ਹੋਏ ਮਹਿਮਾਨਾਂ ਅਤੇ ਖਿਡਾਰੀਆਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਤੇ ਭਾਰਤ ਵਿਕਾਸ ਪ੍ਰੀਸ਼ਦ ਦੇ ਪ੍ਰਧਾਨ ਪੰਕਜ ਜਿੰਦਲ, ਗੁਰਭਿੰਦਰ ਸਿੰਘ ਮੀਤ ਪ੍ਰਧਾਨ ਬਲਾਈਂਡ ਫੁੱਟਬਾਲ ਐਸੋਸੀਏਸ਼ਨ ਅਤੇ ਅਮਿਤ ਧੀਮਾਨ ਵਰਧਮਾਨ ਸਪੈਸ਼ਲ ਸਟੀਲ ਲਿਮਟਿਡ ਹਾਜ਼ਰ ਸਨ। ਅੱਜ ਦੇ ਪਹਿਲੇ ਮੈਚ (ਲੜਕੇ)ਵਿੱਚ ਦਿੱਲੀ ਨੇ ਚੰਡੀਗੜ੍ਹ ਨੂੰ 7-0 ਗੋਲਾਂ ਦੇ ਵੱਡੇ ਫਰਕ ਨਾਲ ਹਰਾਇਆ। ਦੂਜੇ ਮੈਚ ਲੜਕਿਆਂ ਵਿੱਚ ਉਤਰਾਖੰਡ ਨੇ ਹਰਿਆਣਾ ਨੂੰ ਵੀ 7-0 ਗੋਲਾਂ ਦੇ ਅੰਤਰ ਨਾਲ ਹਰਾਇਆ। ਤੀਜਾ ਮੈਚ ਮੱਧ ਪ੍ਰਦੇਸ਼ ਤੇ ਹਰਿਆਣਾ ਦੀਆਂ ਲੜਕੀਆਂ ਵਿਚਕਾਰ ਖੇਡੇ ਗਏ ਮੈਚ ਵਿੱਚ ਦੋਨਾਂ ਟੀਮਾਂ ਵਿੱਚੋਂ ਕੋਈ ਵੀ ਟੀਮ ਗੋਲ ਨਹੀਂ ਕਰ ਪਾਈ।  ਰਾਜਿੰਦਰ ਸਿੰਘ ਚੀਮਾ ਨੇ ਦੱਸਿਆ ਕਿ ਖੇਡ ਮੁਕਾਬਲਿਆਂ ਵਿੱਚ ਖਾਲਸਾ ਏਡ ਦੇ ਵਲੰਟੀਅਰ, ਸਿਟੀ ਨੀਡ ਦੇ ਪ੍ਰਧਾਨ ਅਤੇ ਵਲੰਟੀਅਰਾਂ,ਐਸ.ਐਮ.ੳ ਲੁਧਿਆਣਾ ,ਪੁਨਰਜੋਤ, ਵਰਧਮਾਨ ਸਪੈਸ਼ਲ ਸਟੀਲ ਲਿਮਟਿਡ ਨੇ ਵਿਸ਼ੇਸ਼ ਤੌਰ ਤੇ ਚੈਂਪੀਅਨਸ਼ਿਪ ਨੂੰ ਨੇਪਰੇ ਚੜ੍ਹਾਉਣ ਵਿੱਚ ਵਿਸ਼ੇਸ਼ ਸਹਿਯੋਗ ਦਿੱਤਾ।

ਮੁੱਲਾਂਪੁਰ ਦਾਖਾ 27 ਮਈ (ਸਤਵਿੰਦਰ ਸਿੰਘ ਗਿੱਲ) – ਸਥਾਨਕ ਕਸਬੇ ਸਮੇਤ ਆਲੇ-ਦੁਆਲੇ ਇਲਾਕੇ ਦੇ ਮਸੀਹ ਭਾਈਚਾਰੇ ਵੱਲੋਂ ਰਕਬਾ ਰੋਡ ਚਰਚ ’ਤੇ ਸਮਾਗਮ ਕਰਵਾਇਆ ਗਿਆ। ਜਿੱਥੇ ਵੱਡੀ ਤਾਦਾਦ ਵਿੱਚ ਮਸੀਹ ਭਾਈਚਾਰੇ ਦੇ ਲੋਕ ਸ਼ਾਮਲ ਹੋਏ। ਇਸ ਸਮਾਗਮ ਵਿੱਚ ਲੋਕ ਸਭਾ ਹਲਕਾ ਲੁਧਿਆਣਾ ਤੋਂ ਭਾਜਪਾ ਉਮੀਦਵਾਰ ਰਵਨੀਤ ਬਿੱਟੂ ਦੀ ਸਤਿਕਾਰਯੋਗ ਮਾਤਾ ਜਸਬੀਰ ਕੌਰ, ਕਰਨਵੀਰ ਸਿੰਘ ਸੇਖੋਂ, ਮੰਡਲ ਪ੍ਰਧਾਨ ਬਾਲ ਕਿਸ਼ਨ ਚੌਹਾਨ ਸਮੇਤ ਹੋਰ ਪੁੱਜੇ।
           ਇਸ ਮੌਕੇ ਕਰਨਵੀਰ ਸਿੰਘ ਸੇਖੋਂ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਪਣੇ ਕਾਰਜਕਾਲ ਦੌਰਾਨ ਹਰ ਧਰਮ ਅਤੇ ਹਰ ਵਰਗ ਦਾ ਸਤਿਕਾਰ ਕੀਤਾ ਹੈ।  ਉਨ੍ਹਾਂ ਨੇ ਹਰ ਸਕੀਮ ਨੂੰ ਹਰ ਵਿਅਕਤੀ ਤੱਕ ਪਹੁੰਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਜੋ ਲੋਕ ਧਰਮ ਨਾਲ ਜੁੜੇ ਹੋਏ ਹਨ ਉਨ੍ਹਾਂ ਨੂੰ ਵਿਸ਼ਵਾਸ ਹੋਣਾ ਚਾਹੀਦਾ ਹੈ। ਸਾਡੇ ਦੇਸ਼ ਦੇ ਬੱਚੇ ਪੜ੍ਹੇ-ਲਿਖੇ ਹੋਣ ਅਤੇ ਸਾਡਾ ਦੇਸ਼ ਆਰਥਿਕ ਤਰੱਕੀ ਵਿਚ ਮਜ਼ਬੂਤ ਹੋਵੇ, 
          ਬਾਲ ਕਿਸ਼ਨ ਚੌਹਾਨ ਨੇ ਕਿਹਾ ਕਿ ਸ਼੍ਰੀ ਨਰੇਂਦਰ ਮੋਦੀ ਨੇ ਪਿਛਲੇ 10 ਸਾਲਾਂ ਵਿੱਚ ਗਰੀਬਾਂ, ਕਿਸਾਨਾਂ ਅਤੇ ਨੌਜਵਾਨਾਂ ਲਈ ਕਈ ਯੋਜਨਾਵਾਂ ਲਾਗੂ ਕੀਤੀਆਂ ਹਨ। ਜਿਸ ਕਰਕੇ ਉਨ੍ਹਾਂ ਨੂੰ ਹਰ ਵਰਗ ਵੱਲੋਂ ਭਰਵਾਂ ਹੁੰਗਾਰਾਂ ਮਿਲ ਰਿਹਾ ਹੈ।  ਉਨ੍ਹਾਂ ਅੱਗੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦ ਮੋਦੀ ਅਤੇ ਅਮਿਤ ਸ਼ਾਹ ਨੇ ਪੰਜਾਬ ਨੂੰ ਨਸ਼ਾ ਮੁਕਤ ਬਣਾਉਣ ਦੀ ਪਹਿਲਕਦਮੀ ਕੀਤੀ ਹੈ। ਇਹ ਸਾਡੀ ਤਰਜੀਹ ਹੋਵੇਗੀ, ਅਸੀਂ ਪੰਜਾਬ ਦੀ ਨੌਜਵਾਨ ਪੀੜ੍ਹੀ, ਪਰਿਵਾਰਾਂ ਅਤੇ ਲੋਕਾਂ ਨੂੰ ਨਸ਼ਿਆਂ ਤੋਂ ਪੂਰੀ ਤਰ੍ਹਾਂ ਮੁਕਤ ਕਰਨਾ ਹੈ। ਇਹ ਮੋਦੀ ਜੀ ਦੀ ਗਾਰੰਟੀ ਹੈ ਅਤੇ ਤੁਸੀਂ ਜਾਣਦੇ ਹੋ ਕਿ ਮੋਦੀ ਜੀ ਦੀ ਗਾਰੰਟੀ ਪੂਰੀ ਹੋਣ ਦੀ ਗਾਰੰਟੀ ਹੈ। ਇਸ ਮੌਕੇ ਵਿੱਕੀ, ਜੱਗੀ, ਗੁਰਮੀਤ ਸਿੰਘ ਸਮੇਤ ਹੋਰ ਵੀ ਹਾਜਰ ਸਨ।

ਲੁਧਿਆਣਾ, 19 ਮਈ (ਟੀ. ਕੇ.) 
ਮਿਸ਼ਨ ਹਰਾ ਭਰਾ ਪੰਜਾਬ ਦੇ ਤਹਿਤ ਆਲਮਗੀਰ ਇਨਕਲੇਵ  ਵਿੱਚ   151 ਬੂਟੇ  ਲਗਾਏ ਗਏ। ਇਸ ਮੌਕੇ 
  ਜਸਦੇਵ ਸਿੰਘ ਸੇਖੋਂ  ਜੋਨਲ ਕਮਿਸ਼ਨਰ  ਜੋਨ  ਡੀ.  ਨਗਰ ਨਿਗਮ  ਲੁਧਿਆਣਾ  ਨੇ ਬੂਟੇ ਲਗਾਉਣ ਦੀ ਮੁਹਿੰਮ ਦੌਰਾਨ ਇਕੱਠੇ ਹੋਏ ਕਾਲੋਨੀ ਨਿਵਾਸੀਆਂ ਨੂੰ  ਮਿਸ਼ਨ ਹਰਾ  ਭਰਾ ਪੰਜਾਬ  ਅਤੇ  ਦਰੱਖਤਾਂ  ਦੀ  ਮਨੁੱਖੀ  ਜੀਵਨ  ਲਈ  ਮਹੱਤਤਾ  ਬਾਰੇ ਵਿਸਥਾਰ ਵਿੱਚ  ਚਾਨਣਾ ਪਾਇਆ।  ਉਹਨਾਂ ਦੱਸਿਆ ਕਿ  ਦਰਖਤਾਂ ਹੇਠ ਘੱਟ ਰਿਹਾ ਰਕਬਾ  ਚਿੰਤਾ ਦਾ ਵਿਸ਼ਾ ਹੈ। ਦਰਖਤਾਂ ਦੀ ਘਾਟ ਕਾਰਨ ਸੂਰਜ ਦੀ ਤਪਸ ਲਗਾਤਾਰ ਵੱਧ ਰਹੀ ਹੈ ਜੋ ਕਿ ਮਨੁੱਖੀ ਜੀਵਨ ਲਈ ਹਾਨੀਕਾਰਕ  ਸਾਬਤ ਹਵੇਗੀ।  ਉਹਨਾਂ   ਇਸ ਮੌਕੇ ਕਰਨਵੀਰ ਸਿੰਘ ਅਤੇ   ਨਵਜੋਤ ਕੌਰ,   ਜਿਨ੍ਹਾਂ ਦੇ ਵਿਆਹ  ਦੀ ਖੁਸ਼ੀ ਵਿੱਚ ਉਹਨਾਂ  ਦੇ  ਪਿਤਾ ਅਵਤਾਰ ਸਿੰਘ ਨੇ  ਬੂਟਿਆਂ ਦੀ  ਸੇਵਾ ਕੀਤੀ ਹੈ ਨੂੰ  ਸਨਮਾਨਿਤ ਵੀ ਕੀਤਾ।  ਉਹਨਾਂ   ਕਾਲੋਨੀ ਨਿਵਾਸੀਆਂ  ਨੂੰ  ਅਪੀਲ ਕੀਤੀ ਕਿ  ਹਰ ਵਿਅਕਤੀ ਘੱਟੋ-ਘੱਟ  ਇੱਕ  ਛਾਂਦਾਰ  ਦਰੱਖਤ  ਲਾ ਕੇ  ਵਾਤਾਵਰਨ ਨੂੰ  ਬਚਾਉਣ ਵਿੱਚ ਯੋਗਦਾਨ ਪਾਵੇ। ਇਸ ਮੌਕੇ ਉਹਨਾਂ   ਆਲਮਗੀਰ  ਇਨਕਲੇਵ ਰੈਜ਼ੀਡੈਂਟਸ ਵੈਲਫੇਅਰ ਐਸੋਸੀਏਸ਼ਨ  ਦੇ ਪ੍ਰਧਾਨ ਬਲਬੀਰ ਸਿੰਘ  , ਜਨਰਲ ਸਕੱਤਰ ਰਾਮੇਸ਼ ਸੰਧੂ  ਸੀਨੀਅਰ ਉਪ ਪ੍ਰਧਾਨ ਗੁਰਿੰਦਰ ਸਿੰਘ,  ਉਪ ਪ੍ਰਧਾਨ ਰਾਮੇਸ਼ ਸਿੰਘ ਢੱਡਵਾਲ , ਜਗਦੀਸ਼ ਸਿੰਘ ਅਤੇ ਸਮੁੱਚੀ ਟੀਮ ਦਾ  ਬੂਟੇ ਲਾਉਣ ਦਾ ਉਪਰਾਲਾ ਕਰਨ ਲਈ ਧੰਨਵਾਦ ਕੀਤਾ। ਇਸ ਮੌਕੇ 
ਐਸੋਸੀਏਸ਼ਨ ਦੇ  ਪ੍ਰਧਾਨ ਬਲਬੀਰ ਸਿੰਘ ਨੇ   ਜਸਦੇਵ ਸਿੰਘ  ਦਾ  ਰੁਝੇਵਿਆਂ  ਵਿੱਚੋਂ  ਟਾਈਮ ਕੱਢ  ਕੇ  ਬੂਟੇ  ਦੀ ਮੁਹਿੰਮ ਵਿੱਚ ਸ਼ਾਮਲ  ਹੇਣ ਲਈ ਧੰਨਵਾਦ ਕੀਤਾ  ਅਤੇ  ਯਕੀਨ ਦਿਵਾਇਆ  ਕਿ  ਐਸੋਸੀਏਸ਼ਨ   100  ਏਕੜ ਤੋ ਵੱਧ ਏਰੀਏ ਵਿੱਚ ਬਣੀ  ਆਲਮਗੀਰ ਇਨਕਲੇਵ  ਨੂੰ  ਪੰਜਾਬ ਦੀ  ਸਭ  ਤੋਂ ਹਰਿਆਲੀ ਵਾਲੀ  ਕਾਲੋਨੀ  ਬਣਾਉਣ ਵਿੱਚ  ਕੋਈ ਕਸਰ ਬਾਕੀ ਨਹੀਂ ਛੱਡੇਗੀ।  ਇਸ ਮੌਕੇ  ਵੱਡੀ ਗਿਣਤੀ ਵਿੱਚ  ਔਰਤਾਂ ਨੌਜਵਾਨਾਂ, ਬੱਚਿਆਂ, ਸਨਮਾਨਿਤ     ਸਖਸ਼ੀਅਤਾਂ ਸਮੇਤ ਜਸਦੇਵ ਸਿੰਘ ਸੇਖੋਂ  ਕਮਿਸ਼ਨਰ  ਡੀ. ਜੋਨ  ਨਗਰ ਨਿਗਮ ਲੁਧਿਆਣਾ  ਨੇ  ਇੱਕ ਇੱਕ ਬੂਟਾ  ਲਾਇਆ। 
ਬੂਟੇ ਲਾਉਣ ਦੀ ਮੁਹਿੰਮ ਵਿੱਚ ਮਾਰਸ਼ਲ  ਏਡ ਫਾਉਂਡੇਸ਼ਨ  ਦੇ  ਡਾਇਰੈਕਟਰ ਮਨਦੀਪ ਕੇਸ਼ਵ ( ਗੁੱਡੂ)  ਅਤੇ ਸਮੁੱਚੀ ਟੀਮ  ਵੀ  ਮੌਜੂਦ ਰਹੀ। 
ਇਸ  ਮੌਕੇ  ਜਸਵੀਰ ਸਿੰਘ   ਧੀਮਾਨ  ਡਿਪਟੀ ਚੀਫ ਇੰਜੀਨੀਅਰ, ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਬੇਸ਼ੀ ਪਹਿਲਵਾਨ  ਆਲਮਗੀਰ, ਵਿਨੀਤ ਗੋਇਲ  ਡਾਇਰੈਕਟਰ ਸਨਬੀਮ ਕਲੋਨਾਈਜ਼ ਪ੍ਰਾਈਵੇਟ ਲਿਮਟਿਡ ,  ਉੱਘੇ  ਸੋਸ਼ਲ ਵਰਕਰ ਰਾਕੇਸ਼ ਗੋਇਲ ,  ਅਵਤਾਰ ਸਿੰਘ (  ਐਂਡੀਕੋ  ਪਾਵਰ ਟੂਲਜ) , ਐਸ.ਐਸ ਅਟਵਾਲ,  ਕੈਸ਼ੀਅਰ,ਗੁਰਚਰਨ ਸਿੰਘ, ਸਹਾਇਕ ਕੈਸ਼ੀਅਰ,
ਕਾਰਜਕਾਰੀ ਮੈਂਬਰ :  ਸਰਬਜੀਤ ਸਿੰਘ, 
 ਗਿਆਨ ਚੰਦ ਸੂਦ ਮਨਿੰਦਰ ਸਿੰਘ, ਦੀਪ ਨਰਾਇਣ ਸ਼੍ਰੀ ਵਾਸਤਵਾ, ਨਰਿੰਦਰ ਸ਼ਰਮਾ  ਵੀ ਮੌਜੂਦ ਸਨ।