ਸਿੱਧਵਾਂ ਬੇਟ (ਜਸਮੇਲ ਗ਼ਾਲਿਬ) ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਪਿੰਡ ਸਿਧਵਾਂਕਲਾਂ ਤੋਂ ਕਿਸਾਨਾਂ ਦਾ ਅਗਲਾ ਜੱਥਾ ਦਿੱਲੀ ਸਘੰਰਸ਼ ਮੋਰਚੇ ਚ ਸਿੰਘੂ ਬਾਰਡਰ ਲਈ ਗੁਰਪ੍ਰੀਤ ਸਿੰਘ ਸਿਧਵਾਂ ਪ੍ਰੈਸ ਸਕੱਤਰ ਨੇ ਰਵਾਨਾ ਕੀਤਾ। ਸੰਯੁਕਤ ਕਿਸਾਨ ਮੋਰਚੇ ਦੇ ਸੱਦੇ ਤੇ ਲੁਧਿਆਣਾ ਜਿਲੇ ਦੇ ਪਿੰਡਾਂ ਚੋਂ ਲਗਾਤਾਰ ਜਥੇ ਦਿੱਲੀ ਬਾਰਡਰਾਂ ਤੇ ਭੇਜੇ ਜਾ ਰਹੇ ਹਨ। ਅੱਜ ਦੇ ਜਥੇ ਚ ਜੋਤਵੀਰ ਸਿੰਘ ਅਨਮੋਲ ਸਿੰਘ,ਗੁਰਵਿੰਦਰ ਸਿੰਘ,ਦਿਲਜੀਤ ਸਿੰਘ,ਤੀਰਥ ਸਿੰਘ,ਮਨਦੀਪ ਸਿੰਘ ਸ਼ਾਮਲ ਸਨ। ਇਸ ਸਮੇਂ ਜੋਤਵੀਰ ਸਿੰਘ ਨੇ ਦੱਸਿਆ ਕਿ ਇਸ ਪਿੰਡ ਤੋਂ ਹਰ ਹਫਤੇ ਇਕ ਜੱਥਾ ਸਿੰਘੂ ਬਾਰਡਰ ਤੇ ਨਿਰੰਤਰ ਜਾ ਰਿਹਾ ਹੈ। ਐਨ ਆਰ ਆਈ ਵੀਰਾਂ ਦੇ ਸਹਿਯੋਗ ਨਾਲ ਇਹ ਸੰਘਰਸ਼ ਨਿਰਵਿਘਨ ਜਾਰੀ ਹੈ।
