ਲੁਧਿਆਣਾ 23 ਜੂਨ 2021 (ਗੁਰਕੀਰਤ ਸਿੰਘ) ਪ੍ਰਭਜੋਤ ਸਿੰਘ ਧਾਲੀਵਾਲ ਨੂੰ ਯੂਥ ਅਕਾਲੀ ਦਲ ਦਾ ਕੌਮੀ ਬੁਲਾਰਾ ਬਣਾਏ ਜਾਣ ਦੀ ਖੁਸ਼ੀ ਵਿੱਚ ਮਾਣ ਸਨਮਾਨ ਕੀਤੇ ਜਾਣ ਦਾ ਸਿਲਸਿਲਾ ਜਾਰੀ ਹੈ ਇਸੇ ਤਹਿਤ ਸੀਨੀਅਰ ਅਕਾਲੀ ਆਗੂ ਦਰਸ਼ਨ ਸਿੰਘ ਸ਼ਿਵਾਲਿਕ ਅਤੇ ਹਲਕਾ ਗਿੱਲ ਦੇ ਯੂਥ ਆਗੂਆਂ ਵੱਲੋਂ ਧਾਲੀਵਾਲ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।ਇਸ ਮੌਕੇ ਦਰਸ਼ਨ ਸਿੰਘ ਸ਼ਿਵਾਲਿਕ ਨੇ ਕਿਹਾ ਕਿ ਧਾਲੀਵਾਲ ਜਿਹੇ ਆਗੂਆਂ ਦੀ ਮਿਹਨਤ ਸਦਕਾ ਪੂਰੇ ਹਲਕੇ ਦੇ ਵਿੱਚ ਯੂਥ ਲਾਮਬੱਧ ਹੋ ਕੇ ਪਾਰਟੀ ਪ੍ਰਤੀ ਸੇਵਾਵਾਂ ਨਿਭਾ ਰਿਹਾ ਹੈ।ਉਨਾਂ ਕਿਹਾ ਕਿ ਅੱਜ ਦਾ ਯੂਥ ਬਹੁਤ ਹੀ ਪੜਿਆ ਲਿਖਿਆ ਤੇ ਸਮਝਦਾਰ ਹੈ ਜੋ ਸੁਬੇ ਨੂੰ ਬੁਲੰਦੀਆਂ ਤੱਕ ਲਿਜਾਣ ਵਿੱਚ ਆਪਣਾ ਅਹਿਮ ਯੌਗਦਾਨ ਪਾ ਸਕਦਾ ਹੈ।ਜਿਸ ਦੌਰਾਨ ਧਾਲੀਵਾਲ ਨੇ ਆਪਣੇ ਸੰਬੌਧਨ ਸਮੇਂ ਸਭਨਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਪਾਰਟੀ ਵੱਲੋਂ ਅਹੁਦੇ ਦਾ ਮਾਣ ਕੇਵਲ ਮੈਨੂੰ ਹੀ ਨਹੀਂ ਬਲਕਿ ਪੂਰੇ ਜਿਲੇ ਦੇ ਆਗੂਆਂ ਦੀ ਮਾਣ ਹੈ।ਕਿਉਂਕਿ ਸੀਨੀਅਰ ਆਗੂਆਂ ਦੀ ਪ੍ਰੇਰਣਾ ਅਤੇ ਯੂਥ ਦੇ ਸਹਿਯੋਗ ਨਾਲ ਹੀ ਪਾਰਟੀ ਪ੍ਰਤੀ ਸੇਵਾਵਾਂ ਨੂੰ ਅੱਗੇ ਵਧਾਇਆ ਜਾ ਰਿਹਾ ਹੈ।ਧਾਲੀਵਾਲ ਨੇ ਕਿਹਾ ਕਿ ਚੋਣਾਂ ਨੂੰ ਮੁੱਖ ਰੱਖਦਿਆਂ ਗਤੀਵਿਧੀਆਂ ਤੇਜ ਕਰਨ ਦੀ ਲੋੜ ਹੈ ਤਾਂ ਜੋ ਸ.ਬਾਦਲ ਦੀ ਸਰਕਾਰ ਬਣਾਕੇ ਕਾਂਗਰਸ ਦੀਆਂ ਲੋਕ ਵਿਰੋਧੀ ਨੀਤੀਆਂ ਦਾ ਅੰਤ ਕੀਤਾ ਜਾ ਸਕੇ।ਇਸ ਮੌਕੇ ਨਰਿੰਦਰ ਰਣੀਆ, ਕਰਮਜੀਤ ਸਿੰਘ ਮਲਕਪੁਰ, ਸਾਬਕਾ ਸਰਪੰਚ ਬਲਜੀਤ ਸਿੰਘ, ਇਕਬਾਲ ਸਿੰਘ ਫਾਗਲਾ, ਜੱਥੇਦਾਰ ਬਲਵੰਤ ਸਿੰਘ ਰਣੀਆ, ਮੋਹਣ ਸਿੰਘ ਵਿਰਦੀ, ਹਰਸ਼ਵੀਰ ਸਿੰਘ ਝੱਮਟ, ਤਲਵਿੰਦਰ ਸਿੰਘ ਆਲਮਗੀਰ, ਮਨਜੀਤ ਸਿੰਘ ਲਵਲੀ, ਜਰਨੈਲ ਸਿੰਘ ਮਿੰਟੂ, ਕੁਲਵਿੰਦਰ ਸਿੰਘ ਸ਼ੈਂਕੀ, ਪ੍ਰਦੀਪ ਸਿੰਘ, ਗਗਨ ਕਾਲਖ, ਜਸਕਰਨ ਸਿੰਘ ਆਦਿ ਹਾਜਿਰ ਸਨ।
