ਜਗਰਾਓਂ/ਲੁਧਿਆਣਾ,ਅਪ੍ਰੈਲ 2020 (ਇਕਬਾਲ ਸਿੰਘ ਰਸੂਲਪੁਰ/ਸੱਤਪਾਲ ਸਿੰਘ ਦੇਹੜਕਾ/ਮਨਜਿੰਦਰ ਗਿੱਲ)
ਏਸ਼ੀਆ ਦੀ ਦੂਜੀ ਵੱਡੀ ਅਨਾਜ਼ ਮੰਡੀ ਜਗਰਾਓਂ ਅਤੇ ਇਸ ਨਾਲ ਸਬੰਧਤ 15 ਉਪ ਮੰਡੀਆਂ ਵਿਚੋਂ ਕਿਸੇ ਵੀ ਮੰਡੀ ਵਿਚ ਅੱਜ ਕਣਕ ਦੀ ਆਮਦ ਨਾ ਹੋਣ ਕਾਰਨ ਖਰੀਦ ਸ਼ੁਰੂ ਨਾ ਹੋ ਸਕੀ। ਮਾਰਕੀਟ ਕਮੇਟੀ ਅਨੁਸਾਰ ਸ਼ੁਕਰਵਾਰ ਨੂੰ ਕਣਕ ਦੀ ਆਮਦ ਦਾ ਆਗਾਜ਼ ਹੋਣ ਦੀ ਆਸ ਹੈ। ਸਰਕਾਰ ਵੱਲੋਂ ਚਾਹੇ 15 ਅਪ੍ਰਰੈਲ ਤੋਂ ਕਣਕ ਦੀ ਖਰੀਦ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ ਪਰ ਜਗਰਾਓਂ ਮੰਡੀ ਵਿਚ ਕਣਕ ਦੀ ਆਮਦ ਨਾ ਹੋਈ। ਦੂਜੇ ਪਾਸੇ ਮੰਡੀ ਬੋਰਡ ਵੱਲੋਂ ਕੋਰੋਨਾ ਵਾਇਰਸ ਦੇ ਬਚਾਅ ਨੂੰ ਲੈ ਕੇ ਭੇਜਿਆ ਜਾਣ ਵਾਲਾ ਸਮਾਨ ਵੀ ਅਜੇ ਨਾ ਪੁੱਜਾ। ਮਾਰਕੀਟ ਕਮੇਟੀ ਮੰਡੀ ਬੋਰਡ ਦੇ ਸਮਾਨ ਦਾ ਇੰਤਜਾਰ ਵਿਚ ਹੈ।
