ਬੱੁਤ ਤੋੜਨ ਵਾਲਿਆਂ ਸਿੰਘਾਂ ਦੇ ਕੇਸ ਰੱਦ ਕਰਕੇ ਜੇਲ੍ਹ ਵਿੱਚੋ ਤੁਰੰਤ ਰਿਹਾਅ ਕਰੇ ਸਰਕਾਰ:ਪ੍ਰਧਾਨ ਭਾਈ ਪਾਰਸ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਸ੍ਰੀ ਦਰਬਾਰ ਸਾਹਿਬ ਅੰੰ੍ਰਿਤਸਰ ਸਾਹਿਬ ਇਕ ਰੂਹਾਨੀਅਤ ਦਾ ਪ੍ਰਤੀਕ ਹੈ ਜਿੱਥੇ ਸਾਰੇ ਧਰਮ ਦੇ ਲੋਕਾਂ ਦਾ ਸਤਿਕਾਰ ਕੀਤਾ ਜਾਦਾ ਹੈ ਅਤੇ ਮਨੱੁਖਤਾ ਨੂੰ ਰੂਹਾਨੀ ਸ਼ਕਤੀ ਦੇ ਨਾਲ-ਨਾਲ ਅੰਮ੍ਰਿਤ ਸਰੋਵਰ ਅਤੇ ਚਾਹ-ਪਾਣੀ ਦਾ ਲੰਗਰ ਬਿਨਾਂ ਕਿਸੇ ਭੇਦ-ਭਾਵ ਵਰਤਾਇਆ ਜਾਦਾ ਹੈ।ਸ੍ਰੀ ਦਰਬਾਰ ਸਾਹਿਬ ਰੋੜ ਤੇ ਬਣਾਏ ਗਏ ਚੋਕ ਵਿਚਾਲੇ ਲਗਾਏ ਗਏ ਨਚਾਰਾਂ ਦੇ ਬੱੁਤ ਤਾਂ ਰਹਿਣੇ ਹੀ ਨਹੀ ਜਾਣ ਚਾਹੀਦੇ।ਇੰਨਾਂ ਸਬਦਾਂ ਦਾ ਪ੍ਰਗਟਾਵਾ ਪ੍ਰਚਾਰਕ ਸਭਾ ਦੇ ਪ੍ਰਧਾਨ ਭਾਈ ਪਿਰਤਪਾਲ ਸਿੰਘ ਪਾਰਸ ਂਨੇ ਗੱਲਬਾਤ ਦੌਰਾਨ ਕੀਤੇ।ਉਨ੍ਹਾ ਕਿਹਾ ਕਿ ਸਿੰਘਾਂ ਦੀਆਂ ਵਾਰ ਵਾਰ ਕੀਤੀਆਂ ਬੇਨਤੀਆਂ ਨੂੰ ਪ੍ਰਸ਼ਾਸਨ ਨੇ ਉਕਾ ਹੀ ਅਣਗੋਲਿਆ ਕਰ ਦਿੱਤਾ ਤਾਂ ਉਨ੍ਹਾਂ ਬੱੁਤਾਂ ਨੂੰ ਹਟਾਉਣ ਲਈ ਜਿੰਨਾਂ ਸਿੰਘਾਂ ਨੇ ਕਾਰਵਾਈ ਕੀਤੀ ਉਹ ਬਿਲਕੁਲ ਜ਼ਾਇਜ਼ ਹੈ।ਪਾਰਸ ਨੇ ਕਿਹਾ ਕਿ ਪੰਜਾਬੀ ਸਭਿਆਚਾਰਕ ਦੇ ਪ੍ਰਤੀਕ ਗਿੱਧੇ,ਭੰਗੜੇ ਦੇ ਬੱੁਤ ਲਗਾ ਕੇ ਸਿੱਖਾਂ ਦੀ ਧਾਰਮਿਕ ਭਾਵਨਾ ਠੇਸ ਪਹੰੁਚਾਈ ਹੈ।ਭਾਈ ਪਾਰਸ ਨੇ ਕਿਹਾ ਕਿ ਸਭਿਆਚਾਰਕ ਬੱੁਤਾਂ ਨੂੰ ਤੋੜਕੇ ਹਟਾਉਣ ਦੀ ਕਰਵਾਈ ਕਰਨ ਵਾਲੇ ਸਿੰਘਾਂ ਤੇ ਪੁਲਿਸ ਪ੍ਰਸ਼ਾਸਨ ਵੱਲੋ ਦਰਜ ਕੀਤੇ ਕੇਸ ਰੱਦ ਕਰਕੇ ਜੇਲ ਵਿੱਚੋ ਪੰਜਾਬ ਸਰਕਾਰ ਤਰੰੁਤ ਰਿਆਹ ਕਰੇ।