ਸਲੇਮਪੁਰੀ ਦੀ ਚੂੰਢੀ - ਯੁੱਧ! 

ਸਲੇਮਪੁਰੀ ਦੀ ਚੂੰਢੀ -

 

            ਯੁੱਧ! 

 

ਯੁੱਧ ਦਿੱਲੀ ਤੇ ਪੰਜਾਬ ਦਾ

 ਸ਼ੁਰੂ ਹੋਇਆ, 

ਲੁਧਿਆਣਾ ਸ਼ਹਿਰ ਤੋਂ

 ਬਿਗਲ ਵਜਾ ਦਿੱਤਾ। 

ਧੱਕਾ ਅਸੀਂ ਨਾ ਕਦੇ

 ਸਹਿਣ ਕਰਦੇ, 

ਹਿੱਕ ਥਾਪੜ ਕੇ ਦੇਸ਼ ਨੂੰ 

ਸਮਝਾ ਦਿੱਤਾ। 

ਸਾਨੂੰ ਥਾਪੜਾ

 ਗੁਰੂ ਗੋਬਿੰਦ ਸਿੰਘ ਦਾ ,

ਜਾਨ ਤਲੀ 'ਤੇ

 ਰੱਖਣਾ ਜਾਣਦੇ ਹਾਂ। 

ਅਸੀਂ 'ਟੈਂ' ਨਾ ਮੰਨਦੇ 

ਸੁਣੀ ਲੋਕਾ, 

ਤਲਵਾਰ ਦੀ ਧਾਰ 'ਤੇ,

 ਜ਼ਿੰਦਗੀ ਮਾਣਦੇ ਹਾਂ। 

ਅਸੀਂ ਮਜ਼ਲੂਮਾਂ 'ਤੇ

 ਕਦੇ ਨਾ ਵਾਰ ਕਰੀਏ,

ਦੇਸ਼ ਕੌਮ ਲਈ

 ਮਰਨਾ ਜਾਣਦੇ ਹਾਂ। 

ਨਾਗਰਿਕਤਾ ਬਿੱਲ ਨਹੀਂ     

ਮਨਜੂਰ ਸਾਨੂੰ, 

ਠੁੱਡਾ ਮਾਰਕੇ ਤਾਹੀਂ 

ਠੁਕਰਾ ਦਿੱਤਾ। 

ਅਸਾਂ 'ਸੰਵਿਧਾਨ 'ਨੂੰ 

ਆਂਚ ਨ੍ਹੀਂ ਆਉਣ ਦੇਣੀ, 

ਖਿੱਚ ਬਗਾਵਤ ਦਾ ਤੀਰ 

ਚਲਾ ਦਿੱਤਾ।

ਯੁੱਧ ਦਿੱਲੀ ਤੇ ਪੰਜਾਬ ਦਾ

 ਸ਼ੁਰੂ ਹੋਇਆ, 

ਲੁਧਿਆਣਾ ਸ਼ਹਿਰ ਤੋਂ

 ਬਿਗਲ ਵਜਾ ਦਿੱਤਾ। 

 

-ਸੁਖਦੇਵ ਸਲੇਮਪੁਰੀ 

09780620233