ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਸੂਬੇ ਦੇ ਖੇਡ ਮੈਦਾਨਾਂ ਵਿਚ ਕਬੱਡੀ ਦੀਆਂ ਧੁੰੰਮਾਂ ਪਾਉਣ ਵਾਲੇ ਖਿਡਾਰੀ ਗਗਨਦੀਪ ਦੀ ਬੀਤੀ ਰਾਤ ਸੜਕ ਹਾਦਸੇ ;ਚ ਮੌਤ ਹੋ ਗਈ ।ਪ੍ਰਾਪਤ ਜਾਣਕਾਰੀ ਅਨੁਸਾਰ ਪ੍ਰਸਿੱਧ ਕਬੱਡੀ ਖਿਡਾਰੀ ਗਗਨਦੀਪ ਸਿੰਘ ਪੱੁਤਰ ਪ੍ਰਿਤਪਾਲ ਸਿੰਘ ਵਾਸੀ ਪਿੰਡ ਮਲਕ ਬੀਤੀ ਰਾਤ ਦੇਰ ਰਾਤ ਆਪਣੇ ਬੁਲਟ ਮੋਟਰਸਾਈਕਲ ਤੇ ਮੱੁਲਾਂਪੁਰ ਤੋ ਆਪਣੇ ਪਿੰਡ ਮਲਕ ਜਾ ਰਿਹਾ ਸੀ। ਰਾਤ ਨੂੰ ਚੌਕੀਮਾਨ ਟੋਲ ਪਲਾਜ਼ਾ ਦੀਆ ਰੋਕਾਂ 'ਚ ਜਾ ਟਕਰਾਇਆ ਗਿਆ ਜਿਸ ਕਾਰਨ ਗਗਨਦੀਪ ਮੋਟਰਸਾਈਕਲ ਤੋ ਥੱਲੇ ਜਾ ਡਿੱਗਾ ਅਤੇ ਸਿਰ ਵਿੱਚ ਸੱਟ ਵੱਜਣ ਕਾਰਨ ਉਸ ਦੀ ਮੌਕੇ ਤੇ ਹੀ ਮੌਤ ਹੋ ਗਈ।ਗਗਨ ਦੀ ਮੌਤ ਨਾਲ ਪੂਰੇ ਕਬੱਡੀ ਖੇਡ ਜਗਤ 'ਚ ਸ਼ੋਕ ਦੀ ਲਹਿਰ ਦੌੜ ਗਈ।ਜਿਥੇ ਪਰਿਵਾਰ ਦਾ ਵਿਰਲਾਪ ਦੇਖਿਆ ਨਹੀ ਜਾ ਰਿਹਾ ਸੀ ਉੱਥੇ ਪੰਜਾਬ ਭਰ ਤੋ ਪੱੁਜੇ ਕਬੱਡੀ ਖਿਡਾਰੀ ਵੀ ਆਪਣੇ ਹੰਝੂ ਨਾ ਰੋਕ ਸਕੇ।ਇਸ ਸਮੇ ਮਾਲਵਾ ਯੂਨੀਅਨ ਦੇ ਪ੍ਰਧਾਨ ਇਕਬਾਲ ਸਿੰਘ ਹੀਰੋ ਨੇ ਵੀ ਕਬੱਡੀ ਖਿਡਾਰੀ ਗਗਨਦੀਪ ਦੀ ਅਚਾਨਕ ਮੌਤ ਤੇ ਦੱੁਖ ਪ੍ਰਗਟ ਕੀਤਾ ਹੈ।ਕਬੱਡੀ ਖਿਡਾਰੀ ਗਗਨਦੀਪ ਦਾ ਬੱੁਧਵਾਰ ਨੂੰ ਅੰਤਿਮ ਸੰਸਕਾਰ ਕੀਤਾ ਜਾਵੇਗਾ।
