ਕੁਦਰਤ ਦੀ ਆਰਤੀ ਸਿਰਜਣ ਵਾਲਾ ਬਾਬਾ ਨਾਨਕ ਜੇ ਅੱਜ ਹੁੰਦੇ ਤਾਂ ,ਚੱਲਦੇ ਬਾਰੂਦੀ ਪਟਾਕੇ ਵੇਖ ਕੇ ਕੁਦਰਤ ਤੋਂ ਕਿੰਨੇ ਪਰੇਸ਼ਾਨ ਹੁੰਦੇ।ਪਵਨ ਪਿਤਾ ਨੂੰ ਦਿੱਤਾ ਜਾਂਦਾ ਜਹਿਰ ਵੇਖ ਕੇ ਤੜਪ ਰਹੇ ਹੁੰਦੇ। ਡਰੇ ਹੋਏ ਜਾਨਵਰਾਂ ਨੂੰ ਆਪਣੇ ਕਲਾਵੇ ਵਿੱਚ ਲੈ ਕੇ ਰਾਤ ਮੁੱਕ ਜਾਣ ਦੀ ਉਡੀਕ ਕਰ ਰਹੇ ਹੁੰਦੇ। ਧਮਾਕਿਆਂ ਦੇ ਸ਼ੋਰ ਤੋਂ ਸਹਿਮ ਕੇ ਆਪਣੇ ਆਲ੍ਹਣਿਆਂ ਅੰਦਰ ਦੁਬਕੇ ਬੈਠੇ ਪੰਛੀਆਂ ਲਈ ਹੰਝੂ ਵਹਾ ਰਹੇ ਹੁੰਦੇ। ਸੜਦੀ ਹਰਿਆਲੀ ਵੇਖ ਕੇ ਖੁਦ ਵੀ ਸੰਤਾਪ ਵਿੱਚ ਹੁੰਦੇ।
ਕੋਰਟ ਨੇ 2 ਘੰਟੇ ਪਟਾਕੇ ਚਲਾਉਣ ਦੀ ਇਜਾਜਤ ਦਿੱਤੀ ਹੈ ਪਰ ਧੰਨਵਾਦ ਸਹਿਤ ਕੋਰਟ ਨੂੰ ਇਹ ਵੀ ਵਾਪਿਸ ਮੋੜ ਦਿਓ ਤੇ ਲੋਕਾਈ ਨੂੰ ਦੱਸ ਦਿਓ,
ਸਿੱਖ ਜਦੋਂ ਆਪਣੀ ਅਰਦਾਸ ਵਿੱਚ ਸਰਬਤ ਦਾ ਭਲਾ ਮੰਗਦੇ ਹਨ ਤਾਂ 'ਸਰਬਤ' ਵਿੱਚ ਕੁਦਰਤ ਵੀ ਸ਼ਾਮਿਲ ਹੁੰਦੀ ਹੈ।
ਰੋਸ਼ਨੀਆਂ ਕਰੋ... ਘਰਾਂ ਨੂੰ ਸਜਾਓ... ਸੱਜਣਾਂ-ਮਿੱਤਰਾਂ ਨੂੰ ਮਿਲੋ... ਪਰ ਪਟਾਕੇ ਨਾ ਚਲਾਓ. ਦੂਜਿਆਂ ਨੂੰ ਵੀ ਨਾ ਚਲਾਉਣ ਲਈ ਪ੍ਰੇਰਨਾ ਦਿਓ।ਪਟਾਕਿਆਂ ਤੋਂ ਜੋ ਪੈਸੇ ਬਚਣ, ਉਸ ਨਾਲ ਕਿਸੇ ਗਰੀਬ ਬੱਚੇ ਦੀ ਸਕੂਲ-ਫੀਸ ਭਰ ਦਿਓ. ਕਿਸੇ ਨੂੰ ਕਿਤਾਬਾਂ ਖਰੀਦ ਦਿਓ।ਸੋਚਣ ਦੀ ਲੋੜ ਹੈ ਅੱਜ ਕੁਦਰਤ ਅਤੇ ਵਾਤਾਵਰਣ ਨੂੰ ਬਚਾਉਣ ਲਈ ਸਾਡੇ ਵਲੋਂ ਕੀਤਾ ਇਹ ਇਕ ਚੰਗਾ ਅਤੇ ਵਧੀਆ ਫੈਸਲਾ ਹੋ ਸਕਦਾ ਹੈ।
