ਤਲਵੰਡੀ ਸਾਬੋ, 07 ਜਨਵਰੀ (ਗੁਰਜੰਟ ਸਿੰਘ ਨਥੇਹਾ)- ਅੱਜ ਪਿੰਡ ਸੰਦੋਹਾ ਵਿਖੇ ਫ਼ੌਜੀ ਗਰੁੱਪ ਸੰਦੋਹਾ ਅਤੇ ਨੌਜਵਾਨਾਂ ਦੇ ਸਹਿਯੋਗ ਨਾਲ ਗੁਰੂ ਗੋਬਿੰਦ ਸਿੰਘ ਖੇਡ ਸਟੇਡੀਅਮ ਵਿੱਚ ਪਹਿਲਾ ਕੁਇਜ਼ ਮੁਕਾਬਲਾ ਕਰਵਾਇਆ ਗਿਆ। ਇਸ ਮੁਕਾਬਲੇ ਵਿਚ ਉਪਦੇਸ਼ ਪਬਲਿਕ ਸਕੂਲ, ਸੰਤ ਫਤਹਿ ਸਿੰਘ ਸਕੂਲ ਮੌੜ ਅਤੇ ਸਰਕਾਰੀ ਹਾਈ ਸਕੂਲ ਸੰਦੋਹਾ ਦੇ ਬੱਚੇਆ ਨੇ ਭਾਗ ਲਿਆ। ਮੁਕਾਬਲੇ 'ਚ ਤੀਜੀ ਤੋਂ ਲੈ ਕੇ ਗਿਆਰਵੀਂ ਤੱਕ ਦੇ ਬੱਚਿਆਂ ਨੇ ਹਿੱਸਾ ਲਿਆ। ਤੀਸਰੀ ਤੋਂ ਪੰਜਵੀਂ ਜਮਾਤ ਦੇ ਗਰੁੱਪ ਵਿਚੋਂ ਪਹਿਲਾ ਸਥਾਨ ਉਪਦੇਸ਼ ਪਬਲਿਕ ਸਕੂਲ, ਦੂਸਰਾ ਸੰਤ ਫਤਹਿ ਸਿੰਘ ਸਕੂਲ ਮੌੜ ਅਤੇ ਤੀਸਰਾ ਸਥਾਨ ਉਪਦੇਸ਼ ਪਬਲਿਕ ਸਕੂਲ ਨੇ ਪ੍ਰਾਪਤ ਕੀਤਾ। ਇਸੇ ਤਰ੍ਹਾਂ ਛੇਵੀਂ ਤੋਂ ਨੌਵੀਂ ਜਮਾਤ ਦੇ ਗਰੁੱਪ ਵਿਚੋਂ ਪਹਿਲਾ, ਦੂਸਰਾ ਅਤੇ ਤੀਸਰਾ ਸਥਾਨ ਉਪਦੇਸ਼ ਪਬਲਿਕ ਸਕੂਲ ਸੰਦੋਹਾ ਨੇ ਪ੍ਰਾਪਤ ਕੀਤਾ। ਸਮਾਜ ਸੇਵੀ ਤੇਜਿੰਦਰ ਸੰਦੋਹਾ ਨੇ ਦੱਸਿਆ ਕਿ ਪਿੰਡ ਵਿੱਚ ਅਜਿਹਾ ਮੁਕਾਬਲਾ ਪਹਿਲਾ ਮੁਕਾਬਲਾ ਸੀ। ਇਸ ਦਾ ਉਦਘਾਟਨ ਸੂਬੇਦਾਰ ਹਰਪਾਲ ਸਿੰਘ ਅਤੇ ਸੂਬੇਦਾਰ ਹਰਭਜਨ ਸਿੰਘ ਨੇ ਕੀਤਾ। ਇਨਾਮ ਵੰਡ ਸਮਾਰੋਹ ਵਿਚ ਰਿਟਾਇਰਡ ਡੀਈਓ ਸ੍ਰ. ਬਲਜੀਤ ਸਿੰਘ ਸੰਦੋਹਾ ਵੱਲੋਂ ਬੱਚਿਆਂ ਨੂੰ ਇਨਾਮ ਤਕਸੀਮ ਕੀਤੇ ਗਏ। ਇਸ ਮੌਕੇ ਬਲਵੀਰ ਸਿੰਘ ਭੋਲਾ ਫ਼ੌਜੀ, ਹਰਵਿੰਦਰ ਸਿੰਘ ਕਾਲੂ, ਸੰਦੀਪ ਸ਼ਰਮਾ, ਨਵੀ ਨੰਬਰਦਾਰ, ਤਾਰਾ ਮਾਨ, ਦਰਸ਼ੀ ਫ਼ੌਜੀ, ਗੁਰਮੀਤ ਸਿੰਘ ਫ਼ੌਜੀ, ਬਲਦੇਵ ਸਿੰਘ ਸੰਦੋਹਾ ਜਿਲਾ ਪ੍ਰਧਾਨ ਸਿੱਧੂਪੁਰ ਯੂਨੀਅਨ, ਗੋਰਾ ਸਿੰਘ ਫ਼ੌਜੀ, ਅਜੈਬ ਸਿੰਘ ਫ਼ੌਜੀ ਅਤੇ ਬਲਕਰਨ ਸਿੰਘ ਸਿੱਧੂ ਅਤੇ ਦਰਸ਼ਨ ਸਿੰਘ ਫ਼ੌਜੀ ਆਦਿ ਹਾਜਰ ਸਨ।
