ਕਿਤੇ ਇਹ ਨਾ ਹੋਵੇ ਕਿ ਉਹ ਪ੍ਰੋ. ਬਲਵਿੰਦਰ ਕੌਰ ਬਣੇ - ਮੈਡਮ ਸੰਧੂ
ਮੁੱਲਾਂਪੁਰ ਦਾਖਾ 27 ਅਕਤੂਬਰ (ਸਤਵਿੰਦਰ ਸਿੰਘ ਗਿੱਲ) – ਸਥਾਨਕ ਕਸਬੇ ਅੰਦਰ ਹੋ ਰਹੇ ਸਹੁੰ ਚੁੱਕ ਸਮਾਗਮ ਦੌਰਾਨ ਮੁੱਖ ਮੰਤਰੀ ਭਗਵੰਤ ਸਿੰਘ ਨੂੰ ਉਹ ਮਿਲਣ ਪੁੱਜੀ ਸੀ ਪਰ ਉਸਨੂੰ ਮੁੱਖ ਮੰਤਰੀ ਨਾਲ ਮਿਲਾਉਣਾ ਤਾਂ ਇੱਕ ਪਾਸੇ ਸਗੋਂ ਪੁਲਿਸ ਨੇ ਉਸਨੂੰ ਦੋ ਘੰਟੇ ਕਮਰੇ ’ਚ ਨਜ਼ਰਬੰਦ ਰੱਖਿਆ। ਇਹ ਕਹਿਣਾ ਹੈ ਐੱਨ.ਆਰ.ਆਈ ਮਹਿਲਾ ਸੁਖਜੀਤ ਕੌਰ ਸੰਧੂ ਦਾ, ਉਸਨੇ ਦੱਸਿਆ ਕਿ ਜੇਕਰ ਉਸ ਨੂੰ ਇਨਸਾਫ ਨਾ ਮਿਲਿਆ ਤਾਂ ਪੰਜਾਬ ਦੀ ਦੂਸਰੀ ਪ੍ਰੋਫੈਸਰ ਬਲਵਿੰਦਰ ਕੌਰ ਬਣੇਗੀ। ਕਿਉਂਕਿ ਪੁਲਿਸ ਨੇ ਉਸਦੇ ਧੱਕੇ ਨਾਲ ਝੋਨੇ ਦੀ ਫਸਲ ਕਟਾਈ ਕਰ ਦਿੱਤੀ ਹੈ। ਉਹ ਫਰਿਆਦ ਲੈ ਕੇ ਮੁੱਖ ਮੰਤਰੀ ਦੇ ਕੋਲ ਆਈ ਸੀ।
ਮੈਡਮ ਸੁਖਜੀਤ ਕੌਰ ਸੰਧੂ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਪੰਜਾਬ ਅੰਦਰ ਆਮ ਆਦਮੀ ਪਾਰਟੀ ਦੀ ਸਰਕਾਰ ਹੈ, ਪਰ ਐਨਆਰਆਈ ਨਾਲ ਹੋ ਰਿਹਾ ਲਗਾਤਾਰ ਧੱਕਾ ਹੋ ਰਿਹਾ ਹੈ। ਲੱਗਦਾ ਹੈ ਕਿ ਆਮ ਆਦਮੀ ਪਾਰਟੀ ਹੁਣ ਖਾਸ ਬਣ ਗਈ ਹੈ।
