ਬਲਾਕ ਸੁਧਾਰ ਨਾਲ ਸੰਬੰਧਤ ਇਕਬਾਲ ਸਿੰਘ ਕਾਲਾ ਹੇਰਾਂ ਨੌਜਵਾਨਾਂ ਸਮੇਤ ਹੋਏ ਸ਼ਾਮਿਲ
ਸੁਧਾਰ, 28 ਸਤੰਬਰ (ਗੁਰਕਿਰਤ ਜਗਰਾਓਂ/ ਮਨਜਿੰਦਰ ਗਿੱਲ)ਭਾਰਤੀ ਕਿਸਾਨ ਯੂਨੀਅਨ (ਡਕੌੰਦਾ) ਵੱਲੋਂ ਜ਼ਿਲ੍ਹਾ ਲੁਧਿਆਣਾ ਨਾਲ ਸੰਬੰਧਤ ਬਲਾਕ ਸੁਧਾਰ ਹੇਠ ਆਉਂਦੇ ਪਿੰਡ ਹੇਰਾਂ ਦੇ ਅਰਾਮ ਬਾਗ ਵਿੱਚ ਵੱਡੀ ਗਿਣਤੀ ਨੌਜਵਾਨਾਂ ਨਾਲ ਵਿਸ਼ੇਸ਼ ਮੀਟਿੰਗ ਕੀਤੀ ਗਈ। ਇਸ ਮੀਟਿੰਗ ਦੌਰਾਨ ਜ਼ਿਲ੍ਹਾ ਪ੍ਰਧਾਨ ਮਾਸਟਰ ਮਹਿੰਦਰ ਸਿੰਘ ਕਮਾਲਪੁਰਾ,ਜ਼ਿਲ੍ਹਾ ਪ੍ਰੈਸ ਸਕੱਤਰ ਹਰਬਖਸ਼ੀਸ ਸਿੰਘ ਰਾਏ ਚੱਕ ਭਾਈ ਕਾ,ਵਿੱਤ ਸਕੱਤਰ ਸਤਿਬੀਰ ਸਿੰਘ ਬੋਪਾਰਾਏ ਖੁਰਦ,ਬਲਾਕ ਸੁਧਾਰ ਦੇ ਪ੍ਰਧਾਨ ਡਾ. ਜਗਤਾਰ ਸਿੰਘ ਐਤੀਆਣਾ,ਸੀਨੀਅਰ ਆਗੂ ਅਮਨਦੀਪ ਸਿੰਘ ਪੰਚ ਹੇਰਾਂ,ਪ੍ਰਧਾਨ ਮਨਦੀਪ ਸਿੰਘ ਬੜੈਚ ਅਤੇ ਪ੍ਰਧਾਨ ਕੁਲਵੰਤ ਸਿੰਘ ਹੇਰਾਂ ਨੇ ਨੌਜਵਾਨਾਂ ਨੂੰ ਸੰਬੋਧਨ ਕਰਦਿਆ ਕਿਹਾ ਕਿ ਭਾਰਤੀ ਕਿਸਾਨ ਯੂਨੀਅਨ (ਡਕੌਂਦਾ) ਸੂਬਾ ਪ੍ਰਧਾਨ ਬੂਟਾ ਸਿੰਘ ਬੁਰਜਗਿੱਲ ਦੀ ਅਗਵਾਈ ਹੇਠ ਲਗਾਤਾਰ ਸ਼ਾਨਾਮਈ ਇਤਿਹਾਸ ਰੱਚਦੀ ਹੋਈ ਜਿੱਤਾਂ ਦਰਜ ਕਰਵਾ ਰਹੀਂ ਹੈ ਉਹ ਭਾਵੇਂ ਇੱਕ ਵਿਧਵਾ ਔਰਤ ਦਾ ਘਰ ਢਾਹੇ ਦਾ ਇਨਸਾਫ ਲੈਣ, ਕੇਨਰਾ ਬੈਂਕ ਦੇ ਮੈਨੇਜਰ ਵੱਲੋਂ ਧੋਖੇ ਨਾਲ ਕਿਸਾਨ ਦੇ ਖਾਤੇ ਵਿੱਚੋਂ ਪੈਸੇ ਖੁਰਦ ਬੁਰਦ ਕਰਨ ਤੇ ਦੁਬਾਰਾ ਪੈਸੇ ਵਾਪਸ ਕਰਵਾਉਣ ਜਾਂ ਟੁੱਟੀਆਂ ਸੜਕਾਂ ਦਾ ਮੋਰਚਾ ਜਿੱਤਣ ਦੀਆ ਪ੍ਰਾਪਤੀਆਂ ਨਾਲ ਸੰਬੰਧਤ ਸੰਘਰਸ਼ ਜਿੱਤੇ ਹਨ। ਇਸ ਸਮੇਂ ਉਹਨਾਂ ਪਿੰਡ ਹੇਰਾਂ ਦੇ ਨੌਜਵਾਨ ਆਗੂ ਇਕਬਾਲ ਸਿੰਘ ਕਾਲਾ ਹੇਰਾਂ ਦੀ ਅਗਵਾਈ ਹੇਠ ਜਥੇਬੰਦੀ ਨਾਲ ਨਵੇਂ ਜੁੜੇ ਨੌਜਵਾਨਾਂ ਨੂੰ ਵਧਾਈ ਦਿੰਦਿਆ ਕਿਹਾ ਕਿ ਨੌਜਵਾਨ ਜਥੇਬੰਦੀ ਦੀ ਰੀੜ੍ਹ ਦੀ ਹੱਡੀ ਹੁੰਦੇ ਹਨ। ਜਿਸ ਨਾਲ ਜਥੇਬੰਦੀ ਨੂੰ ਹੋਰ ਵੱਡੀ ਮਜਬੂਤੀ ਮਿਲੀ ਹੈ। ਇਸ ਸਮੇਂ ਹਾਜ਼ਰ ਨੌਜਵਾਨਾਂ ਨੇ ਆਗੂਆਂ ਨੂੰ ਨਾਅਰੇ ਅਤੇ ਜੈਕਾਰੇ ਲਗਾ ਕਿ ਵਿਸ਼ਵਾਸ ਦਿੱਤਾ ਕਿ ਹੋਰਨਾਂ ਪਿੰਡਾਂ ਵਿੱਚ ਵੀਂ ਨੌਜਵਾਨੀਂ ਨੂੰ ਵੱਡੀ ਗਿਣਤੀ ਵਿੱਚ ਜਥੇਬੰਦਕ ਕਰਕੇ ਭਾਕਿਯੂ (ਡਕੌੰਦਾ) ਨੂੰ ਹੋਰ ਬਲ ਦਿੱਤਾ ਜਾਵੇਗਾ। ਇਸ ਸਮੇਂ ਇਕਬਾਲ ਸਿੰਘ ਕਾਲਾ ਹੇਰਾਂ ਦੀ ਅਗਵਾਈ ਹੇਠ ਬਲਵਿੰਦਰ ਸਿੰਘ ਹੇਰਾਂ,ਜਤਿੰਦਰ ਸਿੰਘ ਸੁਧਾਰ,ਗੁਰਦੀਪ ਸਿੰਘ ਬੁਰਜ ਲਿੱਟਾਂ,ਗੁਰਜੋਤ ਸਿੰਘ, ਸਿਮਰਨਜੀਤ ਸਿੰਘ ਐਤੀਆਣਾ,ਪਰਮਵੀਰ ਸਿੰਘ ਸੁਧਾਰ,ਤੇਜਿੰਦਰ ਸਿੰਘ ਘੁਮਾਣ, ਗੁਰਵਿੰਦਰ ਸਿੰਘ, ਸੁਖਜੀਵਨ ਸਿੰਘ ਬੜੈਚ,ਬਲਵੀਰ ਸਿੰਘ ਹੇਰਾਂ,ਜਸਪ੍ਰੀਤ ਸਿੰਘ ਰੂੰਮੀ,ਮਨਦੀਪ ਸਿੰਘ ਰੂੰਮੀ, ਕਾਲਾ ਸੂਜਾਪੁਰ,ਦਵਿੰਦਰ ਸਿੰਘ ਹਾਂਸ,ਰਾਜੂ ਸਹੌਲੀ,ਸੋਨੀ ਸੂਜਾਪੁਰ,ਸੁਖਦੇਵ ਸਿੰਘ ਐਤੀਆਣਾ,ਮਾਸਟਰ ਦਰਸ਼ਨ ਸਿੰਘ ਰਾਜੋਆਣਾ ਖੁਰਦ,ਸੁਖਦੇਵ ਸਿੰਘ ਆਦਿ ਨੌਜਵਾਨ ਵੱਡੀ ਗਿਣਤੀ ਵਿੱਚ ਸ਼ਾਮਿਲ ਹੋਏ।
