ਜਗਰਾਓ /ਵਾਰਿਗਟਨ, ਅਗਸਤ 2019 -( ਗਿਆਨੀ ਅਮਰੀਕ ਸਿੰਘ ਰਾਠੌਰ,ਸਤਪਾਲ ਸਿੰਘ ਦੇਹੜਕਾਂ,ਮਨਜਿੰਦਰ ਗਿੱਲ )-
ਅਜੇ ਹੜ ਪੀੜਤਾਂ ਨੂੰ ਕੁਝ ਦਿਨ ਹੋਰ ਗੁਜ਼ਾਰਨੇ ਪੈਣਗੇ ਸੜਕਾਂ ਉੱਤੇ, ਭਾਵੇਂ ਕਿ ਪਿੰਡਾਂ ਦੇ ਵਿੱਚ ਹੜ੍ਹਾਂ ਦੇ ਪਾਣੀ ਦਾ ਪੱਧਰ ਨੀਵਾਂ ਆਉਣਾ ਸ਼ੁਰੂ ਹੋ ਚੁੱਕਾ ਹੈ ਪਰ ਫਿਰ ਵੀ ਘਰਾਂ ਵਿਚ ਜਾਣਾ ਅਜੇ ਸੌਖਾ ਨਹੀਂ ।ਇਨ੍ਹਾਂ ਹੜ੍ਹਾਂ ਨੇ ਜਿੱਥੇ ਮਾਲੀ ਨੁਕਸਾਨ ਪਹੁੰਚਾਇਆ ਹੈ ਉੱਥੇ ਸਰੀਰਕ ਅਤੇ ਮਾਨਸਿਕ ਤੌਰ ਤੇ ਵੀ ਲੋਕਾਂ ਨੂੰ ਕਾਫੀ ਕੰਮਜੋਰ ਕਰ ਦਿੱਤਾ ਹੈ, ਅਗਰ ਇਕ ਘਰ ਦੇ ਵਿੱਚ ਚਾਰ ਜੀਅ ਹਨ ਤਾਂ ਚਾਰ ਦੇ ਚਾਰ ਹੀ ਬਿਮਾਰ ਅਤੇ ਪ੍ਰੇਸ਼ਾਨ ਹਨ, ਜਦੋਂ ਤੱਕ ਪਾਣੀ ਪੂਰਾ ਸੁੱਕ ਨਹੀਂ ਜਾਂਦਾ ਅਤੇ ਜਦੋਂ ਤੱਕ ਘਰਾਂ ਦੀ ਸਫਾਈ ਨਹੀਂ ਹੋ ਜਾਂਦੀ, ਤਦ ਤੱਕ ਸਾਡੀਆਂ ਟੀਮਾਂ ਇਨ੍ਹਾਂ ਨੂੰ ਇਸੇ ਤਰ੍ਹਾਂ ਮੈਡੀਕਲ ਸੇਵਾਵਾਂ ਪ੍ਰਦਾਨ ਕਰਦੀਆਂ ਰਹਿਣਗੀਆਂ।
ਹੜ੍ਹ ਪੀੜਤ ਇਲਾਕਿਆਂ ਅੰਦਰ ਔਰਤਾਂ ਅਤੇ ਬੱਚਿਆਂ ਦੇ ਵਿੱਚ ਜ਼ਿਆਦਾ ਸਮੱਸਿਆਵਾਂ ਹਨ, ਵਰਲਡ ਕੈਂਸਰ ਕੇਅਰ ਦੀ ਟੀਮ ਧਰਮਕੋਟ ਅਤੇ ਸੁਲਤਾਨਪੁਰ ਲੋਧੀ ਦੇ ਏਰੀਏ ਵਿਚ ਲਗਾਤਾਰ ਡਾਕਟਰੀ ਅਤੇ ਫਰੀ ਦਵਾਈਆਂ ਦੇਣ ਦਾ ਕੰਮ ਕਰ ਰਹੀ ਹੈ।
ਤੁਸੀਂ ਵੀ ਆਪਣਾ ਯੋਗਦਾਨ ਪਾਉਣ ਲਈ ਸਾਡਾ ਸਾਥ ਦੇਵੋ ,ਇਸ ਤਰਾਂ ਦੇ ਕੰਮ ਸੰਗਤ ਦੇ ਸਹਿਯੋਗ ਤੋ ਬਿਨਾ ਨਹੀਂ ਹੁੰਦੇ-ਡਾ ਕੁਲਵੰਤ ਸਿੰਘ ਧਾਲੀਵਾਲ 00447947315461
