ਲੰਡਨ , 21 ਮਈ (ਖੈਹਿਰਾ ) ਪੰਜਾਬੀਆਂ ਦੀ ਸੰਘਣੀ ਵਸੋਂ ਵਾਲੇ ਇੰਗਲੈਂਡ ਦੇ ਮਸ਼ਹੂਰ ਸ਼ਹਿਰ ਸਾਊਥਾਲ ਵਿਖੇ ਸਾਊਥਾਲ ਪਾਰਕ ਚ 22 ਮਈ ਨੂੰ ਪੰਜਾਬੀ ਸੱਭਿਆਚਾਰਕ ਮੇਲਾ ਕਰਵਾਇਆ ਜਾ ਰਿਹਾ ਹੈ । 11 ਵਜੇ ਤੋਂ ਸ਼ਾਮ 7 ਵਜੇ ਤਕ ਚੱਲਣ ਵਾਲੇ ਮੇਲੇ ਵਿੱਚ ਪ੍ਰਸਿੱਧ ਗਾਇਕ ਅੰਮ੍ਰਿਤ ਮਾਨ ,ਜੈਸਮੀਨ ਸੈਂਡਲਸ , ਕੇਐਸ ਮੱਖਣ, ਕੋਰੋਲਾ ਮਾਨ , ਸੋਨੂੰ ਸ਼ੇਰਗਿੱਲ, ਬਲਦੇਵ ਬੁਲੇਟ, ਦੀਪ ਭੰਗੂ , ਗੁਲਾਬ ਸਿੱਧੂ, ਰਣਜੀਤ ਰਾਣਾ ਸਮੇਤ ਨਾਮਵਾਰ ਗਾਇਕ ਮੇਲੇ ਦੀਆਂ ਰੌਣਕਾਂ ਨੂ ਚਾਰ ਚੰਨ ਲਾਉਣ ਲਈ ਪਹੁੰਚ ਰਹੇ ਹਨ । ਮੇਲੇ ਦੇ ਪ੍ਰਬੰਧਕ ਰਿੰਟੂ ਵੜੈਚ , ਤਰਸੇਮ ਮੁਟੀ , ਪਰਗਟ ਸਿੰਘ ਛੀਨਾਂ , ਤਜਿੰਦਰ ਸਿੰਘ, ਸੋਨੂੰ ਥਿੰਦ, ਜੋਗਾ ਸਿੰਘ ਢਡਵਾੜ , ਹਰਬੰਤ ਸਿੰਘ ਮੱਲ੍ਹੀ ਅਤੇ ਸੁਖਵਿੰਦਰ ਸਿੰਘ ਆਪ ਸਭ ਨੂੰ ਮੇਲੇ ਵਿਚ ਪਹੁੰਚਣ ਲਈ ਹਾਰਦਿਕ ਸੱਦਾ । ਮੇਲਾ ਪੂਰੀ ਤਰ੍ਹਾਂ ਪਰਿਵਾਰਕ ਹੋਵੇ ,ਕਿਸੇ ਵੀ ਤਰ੍ਹਾਂ ਦੇ ਨਸ਼ੇ ਤੋਂ ਪੂਰੀ ਮਨਾਹੀ ਹੋਵੇਗੀ ,ਬੀਬੀਆਂ ਬਜ਼ੁਰਗਾਂ ਅਤੇ ਬੱਚਿਆਂ ਦੇ ਬੈਠਣ ਲਈ ਖਾਸ ਪ੍ਰਬੰਧ ਕੀਤੇ ਗਏ ਹਨ ।
