ਜਗਰਾਉ 13 ਮਈ (ਅਮਿਤਖੰਨਾ) ਸਥਾਨਕ ਜੀਵਨਜੋਤ ਨਰਸਿੰਗ ਇੰਸਟੀਚਿਊਟ 'ਚ 'ਨਰਸਿੰਗ ਡੇ' ਮੌਕੇ ਵਿਦਿਆਰਥਣਾਂ ਦੇ ਵੱਖ-ਵੱਖ ਮੁਕਾਬਲੇ ਕਰਵਾਏ ਗਏ। ਕਾਲਜ ਦੇ ਪਿੰ੍ਸੀਪਲ ਗਗਨਦੀਪ ਕੌਰ ਨੇ ਸਮਾਗਮ ਦੀ ਸ਼ੁਰੂਆਤ ਫਲੋਰੈਂਸ ਨਾਈਟਿੰਗੇਲ ਨੂੰ ਸ਼ਰਧਾਂਜਲੀ ਦਿੰਦਿਆਂ ਕੀਤੀ। ਕਾਲਜ ਦੇ ਡਾਇਰੈਕਟਰ ਡਾ. ਪਰਮਿੰਦਰ ਸਿੰਘ ਨੇ ਵਿਦਿਆਰਥੀਆਂ ਤੇ ਸਟਾਫ ਦੀ ਹੌਸਲਾ ਅਫਜ਼ਾਈ ਕਰਦਿਆਂ ਨਰਸਿੰਗ ਦੀ ਅਹਿਮੀਅਤ 'ਤੇ ਚਾਨਣ ਪਾਇਆ।ਨਰਸਿੰਗ ਡੇ ਨੂੰ ਮੁੱਖ ਰੱਖਦਿਆਂ ਕਰਵਾਏ ਪੋਸਟਰ ਮੁਕਾਬਲੇ 'ਚੋਂ ਸੰਦੀਪ ਕੌਰ ਤੇ ਜੋਤੀ ਗੁਪਤਾ ਅੱਵਲ ਰਹੀਆਂ ਜਦਕਿ ਰੰਗੋਲੀ ਮੁਕਾਬਲੇ 'ਚੋਂ ਜਿੰਦਰੀ ਕੌਰ, ਗ਼ੌਰੀ ਕੌਰ ਤੇ ਰਾਜਵੀਰ ਕੌਰ ਅੱਵਲ ਰਹੀਆਂ। ਸਮਾਗਮ 'ਚ ਕਾਲਜ ਡਾਇਰੈਕਟਰ ਡਾ. ਪਰਮਿੰਦਰ ਸਿੰਘ, ਸਰਦਾਰਾ ਸਿੰਘ, ਗਗਨਦੀਪ ਕੌਰ ਤੇ ਬਾਬਾ ਸਰਬਜੀਤ ਸਿੰਘ ਬਤੌਰ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਇਸ ਦੌਰਾਨ ਮੁਕਾਬਲਿਆਂ ਦੇ ਜੇਤੂਆਂ ਨੂੰ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਸਮੂਹ ਸਟਾਫ਼ ਗੁਰਿੰਦਰ ਕੌਰ, ਦਿਵਜੋਤ ਕੌਰ, ਰਾਹੁਲ ਵਰਮਾ, ਹਰਮਨਦੀਪ ਸਿੰਘ ਸੇਖੋਂ ਵੀ ਹਾਜ਼ਰ ਸਨ।
