ਜਗਰਾਉ 21 ਅਪ੍ਰੈਲ (ਅਮਿਤਖੰਨਾ) ਹੀਰਾ ਐਨੀਮਲਜ ਹਸਪਤਾਲ ਸੁਸਾਇਟੀ ਨੇੜੇ ਨਾਨਕਸਰ ( ਜਗਰਾਓ) ਵੱਲੋ ਹਸਪਤਾਲ ਵਿਖੇ ਇਲਾਜ ਲਈ ਦਾਖਲ ਜਖਮੀ ਬੇਸਹਾਰਾ ਗਊਆਂ ਦੀ ਸੇਵਾ ਸੰਭਾਲ ਤੇ ਚਾਰੇ ਲਈ ਤੂੜੀ ਦਾਨ ਕਰਨ ਦੀ ਸੇਵਾ ਸੁਰੂ ਕੀਤੀ ਹੈ , ਜਿਸ ਦੀ ਸੁਰੂਆਤ ਅੱਜ ਮੱੁਖ ਸੇਵਾਦਾਰ ਕੁਲਵਿੰਦਰ ਸਿੰਘ ਵੱਲੋ ਹੱਥੀ ਸੁਰੂ ਕੀਤੀ ਗਈ । ਮੱੁਖ ਸੇਵਾਦਾਰ ਕੁਲਵਿੰਦਰ ਸਿੰਘ ਨੇ ਦੱਸਿਆ ਕਿ ਹਰ ਸਾਲ ਦੀ ਤਰਾਂ ਇਸ ਸਾਲ ਵੀ ਹਲਕੇ ਦੇ ਦਾਨੀ ਸੱਜਣਾ ਦੇ ਸਹਿਯੋਗ ਨਾਲ ਹੀਰਾ ਐਨੀਮਲਜ ਹਸਪਤਾਲ ਵੱਲੋ ਤੂੜੀ ਇਕੱਠੀ ਕਰਨ ਦੀ ਸੇਵਾ ਸੁਰੂ ਕੀਤੀ ਗਈ ਹੈ ਜੋ ਇਸ ਸਮੇ ਜਾਰੀ ਹੈ। ਉਨਾ ਦੱਸਿਆ ਕਿ ਕਈ ਦਾਨੀ ਵੀਰ ਹੀਰਾ ਐਨੀਮਲਜ ਹਸਪਤਾਲ ਵਿਖੇ ਆ ਕੇ ਤੂੜੀ ਦਾਨ ਕਰ ਜਾਂਦੇ ਹਨ ਤੇ ਕਈ ਥਾਵਾਂ ਤੇ ਸਾਡੇ ਸੇਵਾਦਾਰ ਤੂੜੀ ਦਾਨ ਕਰਨ ਵਾਲਿਆਂ ਦੇ ਦੱਸੇ ਸਥਾਨ ਤੇ ਜਾ ਕੇ ਤੂੜੀ ਲੈ ਆਉਂਦੇ ਹਨ । ਉਨਾ ਇਹ ਵੀ ਦੱਸਿਆ ਕਿ ਹੀਰਾ ਐਨੀਮਲਜ ਹਸਪਤਾਲ ਵਿਖੇ ਗਊਆਂ ਤੇ ਹੋਰਨਾ ਬੇਸਹਾਰਾ ਜੀਵਾਂ ਦੀ ਵੱਖ ਵੱਖ ਦਾਨੀ ਸੱਜਣਾ ਦੇ ਸਹਿਯੋਗ ਨਾਲ ਸੇਵਾ ਕੀਤੀ ਜਾਂਦੀ ਹੈ । ਉਨਾ ਅਪੀਲ ਵੀ ਕੀਤੀ ਕਿ ਵੱਧ ਤੋ ਵੱਧ ਜਖਮੀ ਬੇਸਹਾਰਾ ਗਊਆਂ ਲਈ ਤੂੜੀ ਦਾਨ ਕੀਤੀ ਜਾਵੇ ਤਾਂ ਜੋ ਲੋੜ ਪੈਣ ਤੇ ਜਖਮੀ ਬੇਸਹਾਰਾ ਗਊਆਂ ਲਈ ਖਾਣ ਦਾ ਪ੍ਰਬੰਧ ਕੀਤਾ ਜਾ ਸਕੇ । ਇਸ ਮੌਕੇ ਜਸਵੀਰ ਸਿੰਘ ਸੀਰਾ ,ਕਾਕਾ ਪੰਡਿਤ ਸੇਵਾਦਾਰ ,ਦਵਿੰਦਰ ਸਿੰਘ ਢਿੱਲੋ , ਸੱੁਖੀ ਕਾਉਂਕੇ ਸਮੇਤ ਹੋਰ ਵੀ ਹਸਪਤਾਲ ਦੇ ਸੇਵਾਦਾਰ ਹਾਜਿਰ ਸਨ।
