ਲੰਡਨ, ਅਕਤੂਬਰ 2020 -(ਗਿਆਨੀ ਰਵਿਦਰਪਾਲ ਸਿੰਘ)- ਬਰਤਾਨੀਆ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਹਨਸਨ ਨੇ ਕਿਹਾ ਕਿ ਊਨ੍ਹਾਂ ਦੇ ਹਾਲੇ ਵੀ ਕਰੋਨਾਵਾਇਰਸ ਦੇ ਪ੍ਰਭਾਵ ਹੇਠ ਹੋਣ ਸਬੰਧੀ ਅਫ਼ਵਾਹਾਂ ‘ਬੇਤੁਕੀਆਂ’ ਹਨ ਅਤੇ ਇਹ ਬ੍ਰੈਗਜ਼ਿਟ ਵਿਰੋਧੀਆਂ ਵਲੋਂ ਛੇੜੀਆਂ ਗਈਆਂ ਹਨ। ਆਪਣੀ ਕੰਜ਼ਰਵੇਟਿਵ ਪਾਰਟੀ ਨੂੰ ਦਿੱਤੇ ਭਾਸ਼ਣ ਵਿਚ ਜੌਹਨਸਨ ਨੇ ਕਿਹਾ, ‘‘ਪਿਛਲੇ ਦਿਨਾਂ ਵਿੱਚ ਮੈਂ ਆਪਣੇ ਬਾਰੇ ਕਈ ਤਰ੍ਹਾਂ ਦੀਆਂ ਬੇਤੁਕੀਆਂ ਗੱਲਾਂ ਸੁਣੀਆਂ ਜਿਵੇਂ ਕੋਵਿਡ ਨੇ ਮੈਨੂੰ ਮੇਰੇ ਮਕਸਦ ਤੋਂ ਦੂਰ ਕਰ ਦਿੱਤਾ ਹੈ।’’ ਊਨ੍ਹਾਂ ਕਿਹਾ, ‘‘ਇਹ ਮਨਘੜਤ ਗੱਲਾਂ ਹਨ, ਦੇਸ਼-ਵਿਰੋਧੀ ਪ੍ਰਾਪੇਗੰਡਾ ਹੈ ਜੋ ਅਜਿਹੇ ਲੋਕਾਂ ਵਲੋਂ ਚਲਾਇਆ ਜਾ ਰਿਹਾ ਹੈ ਜੋ ਸਰਕਾਰ ਨੂੰ ਸਫ਼ਲ ਹੁੰਦਾ ਨਹੀਂ ਦੇਖਣਾ ਚਾਹੁੰਦੇ, ਜੋ ਸਾਨੂੰ ਬ੍ਰੈਗਜ਼ਿਟ ਅਤੇ ਹੋਰ ਮਨੋਰਥਾਂ ਤੋਂ ਰੋਕਣਾ ਚਾਹੁੰਦੇ ਹਨ।’

ਵੈਕਸੀਨ ਦੀ ਰੈਗੂਲੇਟਰ ਤੋਂ ਮਨਜ਼ੂਰੀ ਲੈਣ ਦੀ ਪ੍ਰਕਿਰਿਆ ਸ਼ੁਰੂ

ਇਸੇ ਸਾਲ ਵਿੱਚ ਮਨਜ਼ੂਰੀ ਮਿਲਣ ਦੀ ਉਮੀਦ

ਇਸ ਵੈਕਸੀਨ ਨਾਲ 50 ਫ਼ੀਸਦੀ ਇਨਫੈਕਸ਼ਨ ਨੂੰ ਰੋਕਣ ਵਿਚ ਸਫਲਤਾ ਮਿਲੇਗੀ

ਲੰਡਨ ,ਅਕਤੂਬਰ 2020 -(ਗਿਆਨੀ ਰਵਿਦਰਪਾਲ ਸਿੰਘ)-   ਬ੍ਰਿਟੇਨ ਵਿਚ ਕੋਰੋਨਾ ਵਾਇਰਸ ਦਾ ਟੀਕਾ ਤਿੰਨ ਮਹੀਨਿਆਂ ਅੰਦਰ ਆ ਜਾਏਗਾ। 'ਦ ਟਾਈਮਜ਼' ਅਖ਼ਬਾਰ ਨੇ ਸਰਕਾਰੀ ਵਿਗਿਆਨੀਆਂ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਦਿੱਤੀ ਹੈ। ਅਖ਼ਬਾਰ ਮੁਤਾਬਕ ਵਿਗਿਆਨੀ ਆਕਸਫੋਰਡ ਦੀ ਵੈਕਸੀਨ 'ਤੇ ਕੰਮ ਕਰ ਰਹੇ ਹਨ ਅਤੇ ਉਨ੍ਹਾਂ ਨੂੰ ਉਮੀਦ ਹੈ ਕਿ ਰੈਗੂਲੇਟਰ ਇਸੇ ਸਾਲ 2021 ਦੇ ਸ਼ੁਰੂਆਤ ਤੋਂ ਪਹਿਲੇ ਮਨਜ਼ੂਰੀ ਦੇ ਦੇਣਗੇ। ਫਾਰਮਾਸਿਊਟੀਕਲ ਕੰਪਨੀ ਐਸਟ੍ਰਾਜੈਨੇਕਾ ਨਾਲ ਮਿਲ ਕੇ ਆਕਸਫੋਰਡ ਇਸ ਵੈਕਸੀਨ ਦਾ ਤਜਰਬਾ ਕਰ ਰਹੀ ਹੈ। ਬਿ੍ਟਿਸ਼ ਸਰਕਾਰ ਨੇ ਵੈਕਸੀਨ ਦੀਆਂ 10 ਕਰੋੜ ਖ਼ੁਰਾਕਾਂ ਬਣਾਉਣ ਦਾ ਆਦੇਸ਼ ਦਿੱਤਾ ਹੈ। ਸਿਹਤ ਅਧਿਕਾਰੀਆਂ ਨੂੰ ਅਨੁਮਾਨ ਹੈ ਕਿ ਛੇ ਮਹੀਨੇ ਅੰਦਰ ਹਰੇਕ ਬਾਲਗ ਨੂੰ ਵੈਕਸੀਨ ਮਿਲ ਸਕਦੀ ਹੈ। ਹਾਲਾਂਕਿ ਉਨ੍ਹਾਂ ਦੇ ਇਸ ਦਾਅਵੇ ਨੂੰ ਲੈ ਕੇ ਵੀ ਸਾਰੇ ਇਕਮਤ ਨਹੀਂ ਹਨ।

ਅਖ਼ਬਾਰ ਮੁਤਾਬਕ ਯੂਰਪੀ ਮੈਡੀਸਨ ਏਜੰਸੀ (ਈਐੱਮਏ) ਨੇ ਵੀਰਵਾਰ ਨੂੰ ਕਿਹਾ ਕਿ ਉਸ ਨੇ ਐਸਟ੍ਰਾਜੈਨੇਕਾ ਅਤੇ ਆਕਸਫੋਰਡ ਯੂਨੀਵਰਸਿਟੀ ਦੇ ਸੰਭਾਵਿਤ ਕੋਰੋਨਾ ਵੈਕਸੀਨ ਦੇ ਅੰਕੜਿਆਂ ਦੀ ਸਮੀਖਿਆ ਸ਼ੁਰੂ ਕਰ ਦਿੱਤੀ ਹੈ। ਇਸ ਤਰ੍ਹਾਂ ਦਾ ਕਦਮ ਇਸ ਲਈ ਚੁੱਕਿਆ ਜਾ ਰਿਹਾ ਹੈ ਕਿ ਇਕ ਵਾਰ ਵੈਕਸੀਨ ਆਉਣ ਪਿੱਛੋਂ ਉਸ ਨੂੰ ਮਨਜ਼ੂਰੀ ਦੇਣ ਦੀ ਪ੍ਰਕਿਰਿਆ ਵਿਚ ਸਮੇਂ ਦੀ ਬਰਬਾਦੀ ਨਾ ਹੋਵੇ।

ਜਾਣਕਾਰੀ ਅਨੁਸਾਰ ਕੋਰੋਨਾ ਨਾਲ ਇਕ ਲੱਖ ਤੋਂ ਵੱਧ ਮੌਤਾਂ ਇਕੱਲੇ ਯੂਰਪ ਵਿਚ ਹੋਈਆਂ ਹਨ। ਟੀਕਾਕਰਨ 'ਤੇ ਬਣਾਏ ਗਏ ਪ੍ਰਰੋਟੋਕਾਲ ਤਹਿਤ ਸਭ ਤੋਂ ਪਹਿਲੇ ਇਹ ਵੈਕਸੀਨ 65 ਸਾਲ ਤੋਂ ਜ਼ਿਆਦਾ ਉਮਰ ਦੇ ਲੋਕਾਂ ਨੂੰ ਦਿੱਤੀ ਜਾਵੇਗੀ। ਫਿਲਹਾਲ ਬੱਚਿਆਂ ਨੂੰ ਇਸ ਟੀਕਾਕਰਨ ਪ੍ਰਰੋਗਰਾਮ ਤੋਂ ਬਾਹਰ ਰੱਖਿਆ ਗਿਆ ਹੈ। ਅਖ਼ਬਾਰ ਮੁਤਾਬਕ ਵਿਗਿਆਨੀਆਂ ਨੂੰ ਉਮੀਦ ਹੈ ਕਿ ਇਸ ਵੈਕਸੀਨ ਨਾਲ 50 ਫ਼ੀਸਦੀ ਇਨਫੈਕਸ਼ਨ ਨੂੰ ਰੋਕਣ ਵਿਚ ਸਫਲਤਾ ਮਿਲੇਗੀ।

ਇਕ ਵਾਰ ਰੈਗੂਲੇਟਰ ਤੋਂ ਵੈਕਸੀਨ ਦੀ ਮਨਜ਼ੂਰੀ ਮਿਲਣ ਪਿੱਛੋਂ ਨੈਸ਼ਨਲ ਹੈਲਥ ਸਰਵਿਸ (ਐੱਨਐੱਚਐੱਸ) ਤੋਂ ਤੁਰੰਤ ਸਮੂਹਿਕ ਟੀਕਾਕਰਨ ਸ਼ੁਰੂ ਕਰਨ ਲਈ ਕਿਹਾ ਜਾ ਸਕਦਾ ਹੈ। ਹਾਲਾਂਕਿ ਬਿ੍ਟਿਸ਼ ਸਰਕਾਰ ਵਿਚ ਹਰੇਕ ਬਾਲਗ ਦੇ ਟੀਕਾਕਰਨ ਦੀ ਸਮਾਂ ਮਿਆਦ ਨੂੰ ਲੈ ਕੇ ਮੱਤਭੇਦ ਹੈ। ਰਾਇਲ ਸੁਸਾਇਟੀ ਦੀ ਇਸ ਹਫ਼ਤੇ ਆਈ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਵੈਕਸੀਨ ਦਾ ਉਤਪਾਦਨ ਅਤੇ ਵੰਡ ਇਕ ਵੱਡੀ ਚੁਣੌਤੀ ਹੈ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਟੀਕਾ ਉਪਲੱਬਧ ਹੋਣ ਦਾ ਮਤਲਬ ਇਹ ਨਹੀਂ ਹੈ ਕਿ ਇਕ ਮਹੀਨੇ ਅੰਦਰ ਹਰ ਕਿਸੇ ਨੂੰ ਇਹ ਟੀਕਾ ਲਗਾ ਦਿੱਤਾ ਜਾਵੇਗਾ।

ਲੰਡਨ ਸਥਿਤ ਇੰਪੀਰੀਅਲ ਕਾਲਜ ਵਿਚ ਕੈਮੀਕਲ ਇੰਜੀਨੀਅਰਿੰਗ ਵਿਭਾਗ ਦੇ ਮੁਖੀ ਨਿਲਯ ਸ਼ਾਹ ਨੇ ਕਿਹਾ ਕਿ ਵੈਕਸੀਨ ਨੂੰ ਰੈਗੂਲੇਟਰ ਤੋਂ ਮਨਜ਼ੂਰੀ ਮਿਲਣ ਪਿੱਛੋਂ ਛੇ ਤੋਂ 9 ਮਹੀਨੇ ਇਸ ਕੰਮ ਵਿਚ ਲੱਗ ਸਕਦੇ ਹਨ।  

Hampshire/London By, Amanjit Singh Khaira   

 An Indian-origin convenience store owner in the UK has been handed a six-year ban from holding any company directorship over inaccurate tax returns submitted to the authorities.  Pratikkumar Patel accepted a disqualification undertaking, a process which does not involve court proceedings, after the UK Insolvency Service took action against him for showing a "total disregard" for his responsibility as a company director.  "Much of the public service is funded by the correct amount of taxes being paid and their deceit has ultimately had an impact on the public who rely on companies paying their correct taxes," Lawrence Zussman, Deputy Head of Insolvent Investigations for the Insolvency Service, said on Thursday.  He said the considerable ban of six years will severely restrict Patel's ability to act in the corporate arena, and should serve as a warning to other directors "who think they can do as they please”   R.K. Patel & Sons (UK) Limited was incorporated in May 2015 and took over the business of an existing convenience store located on South Square at Knowle in Hampshire, south-east England.   Between October 2015 and January 2019, the sole director of the company was Patel, who the Insolvency Service found caused the company to suppress sales income and submit inaccurate returns to the tax authorities.      When R.K. Patel & Sons (UK) Limited entered into a "creditors voluntary liquidation" in August 2019, it was determined the company had tax liabilities totalling 345,000 pounds  His six-year disqualification, which is effective from October 7, means he is banned from acting as director or directly or indirectly becoming involved, without the permission of the court, in the promotion, formation or management of a company. 

ਲਿਵਰਪੂਲ, ਵਾਰਿਗਟਨ, ਹਾਰਟਪੂਲ ਅਤੇ ਮਿਡਲਜ਼ਬਰੋ ਵਿਖੇ ਲਾਕਡੌਨ

ਮਾਨਚੈਸਟਰ/ਲੰਡਨ, ਅਕਤੂਬਰ 2020 -( ਗਿਆਨੀ ਅਮਰੀਕ ਸਿੰਘ ਰਾਠੌਰ/ਗਿਆਨੀ ਰਵਿਦਰਪਾਲ ਸਿੰਘ )- ਯੂਰਪ ਦੂਜੇ ਦੌਰ ਦੀ ਕੋਰੋਨਾ ਮਹਾਮਾਰੀ ਦੀ ਲਪੇਟ 'ਚ ਆਉਂਦਾ ਜਾ ਰਿਹਾ ਹੈ। ਬਿ੍ਟੇਨ, ਫਰਾਂਸ ਅਤੇ ਸਪੇਨ ਵਰਗੇ ਦੇਸ਼ਾਂ ਵਿਚ ਨਵੇਂ ਮਾਮਲਿਆਂ ਵਿਚ ਤੇਜ਼ ਉਛਾਲ ਦਰਜ ਕੀਤਾ ਜਾ ਰਿਹਾ ਹੈ। ਸਭ ਤੋਂ ਜ਼ਿਆਦਾ ਮਾਮਲੇ ਇੰਗਲੈਂਡ ਵਿਚ ਪਾਏ ਜਾ ਰਹੇ ਹਨ। ਇੱਥੋਂ ਹਫ਼ਤਾਵਾਰੀ ਡਾਟਾ ਤੋਂ ਜ਼ਾਹਿਰ ਹੁੰਦਾ ਹੈ ਕਿ ਨਵੇਂ ਪਾਜ਼ੇਟਿਵ ਮਾਮਲਿਆਂ ਵਿਚ 61 ਫ਼ੀਸਦੀ ਦਾ ਵਾਧਾ ਹੋਇਆ ਹੈ ਜਦਕਿ ਫਰਾਂਸ ਵਿਚ ਬੁੱਧਵਾਰ ਨੂੰ ਫਿਰ 10 ਹਜ਼ਾਰ ਤੋਂ ਜ਼ਿਆਦਾ ਨਵੇਂ ਮਰੀਜ਼ ਮਿਲੇ ਹਨ। ਉਧਰ, ਸਪੇਨ ਦੀ ਰਾਜਧਾਨੀ ਮੈਡਿ੍ਡ ਵਿਚ ਇਨਫੈਕਸ਼ਨ ਦੀ ਦਰ ਵਧਣ 'ਤੇ ਲਾਕਡਾਊਨ ਲਗਾਉਣ ਦੀ ਤਿਆਰੀ ਹੈ। ਸਰਕਾਰ ਨੇ ਇਸ ਖੇਤਰ ਵਿਚ ਗ਼ੈਰ ਜ਼ਰੂਰੀ ਆਵਾਜਾਈ 'ਤੇ ਰੋਕ ਲਗਾਉਣ ਦਾ ਆਦੇਸ਼ ਦਿੱਤਾ ਹੈ। ਯੂਰਪ ਵਿਚ ਇਨਫੈਕਸ਼ਨ ਦੀ ਸਭ ਤੋਂ ਵੱਧ ਦਰ ਮੈਡਿ੍ਡ ਵਿਚ ਦੱਸੀ ਜਾ ਰਹੀ ਹੈ।

ਬਿ੍ਟਿਸ਼ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਨੇ ਕੋਰੋਨਾ ਦੇ ਕਹਿਰ 'ਤੇ ਰੋਕ ਲਗਾਉਣ ਦੇ ਯਤਨ ਵਿਚ ਕਈ ਸਖ਼ਤ ਪਾਬੰਦੀਆਂ ਦਾ ਐਲਾਨ ਕੀਤਾ ਹੈ। ਇਸ ਦੇ ਬਾਵਜੂਦ ਇਨਫੈਕਸ਼ਨ ਰੁੱਕਦਾ ਨਹੀਂ ਦਿਸ ਰਿਹਾ ਹੈ। ਤਾਜ਼ਾ ਡਾਟਾ ਅਨੁਸਾਰ ਇੰਗਲੈਂਡ ਵਿਚ 17 ਤੋਂ 23 ਸਤੰਬਰ ਦੌਰਾਨ 31 ਹਜ਼ਾਰ 373 ਨਵੇਂ ਮਰੀਜ਼ ਪਾਏ ਗਏ। ਇਸ ਤੋਂ ਪਹਿਲੇ ਵਾਲੇ ਹਫ਼ਤੇ ਦੀ ਤੁਲਨਾ ਵਿਚ ਹਫ਼ਤਾਵਾਰੀ ਮਾਮਲਿਆਂ ਵਿਚ ਇਹ 61 ਫ਼ੀਸਦੀ ਦਾ ਵਾਧਾ ਦੱਸਿਆ ਗਿਆ ਹੈ। ਬਿ੍ਟੇਨ ਵਿਚ ਹੁਣ ਤਕ ਕੁਲ ਸਾਢੇ ਚਾਰ ਲੱਖ ਤੋਂ ਜ਼ਿਆਦਾ ਕੋਰੋਨਾ ਦੇ ਮਰੀਜ਼ ਮਿਲੇ ਹਨ। ਇਨ੍ਹਾਂ ਵਿੱਚੋਂ 42 ਹਜ਼ਾਰ ਤੋਂ ਵੱਧ ਦੀ ਮੌਤ ਹੋਈ ਹੈ। ਫਰਾਂਸ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਦੇਸ਼ ਵਿਚ ਬੁੱਧਵਾਰ ਨੂੰ 12 ਹਜ਼ਾਰ 845 ਨਵੇਂ ਪਾਜ਼ੇਟਿਵ ਕੇਸ ਮਿਲੇ ਹਨ। ਮੰਗਲਵਾਰ ਨੂੰ ਅੱਠ ਹਜ਼ਾਰ 51 ਅਤੇ ਸੋਮਵਾਰ ਨੂੰ 4,070 ਮਾਮਲੇ ਮਿਲੇ ਸਨ। ਦੇਸ਼ ਭਰ ਵਿਚ ਕੁਲ ਪੰਜ ਲੱਖ 63 ਹਜ਼ਾਰ 335 ਕੋਰੋਨਾ ਪ੍ਰਭਾਵਿਤ ਮਿਲੇ ਹਨ। ਕਰੀਬ 32 ਹਜ਼ਾਰ ਦੀ ਜਾਨ ਗਈ ਹੈ। ਲਿਵਰਪੂਲ, ਵਾਰਿਗਟਨ, ਹਾਰਟਪੂਲ ਅਤੇ ਮਿਡਲਜ਼ਬਰੋ ਵਿਖੇ ਦੁਆਰਾ ਲਾਕਡੌਨ ਅੱਜ ਮੈਟ ਹੈਨਕੌਕ ਨੇ ਲਿਵਰਪੂਲ, ਵਾਰਿਗਟਨ, ਹਾਰਟਪੂਲ ਅਤੇ ਮਿਡਲਜ਼ਬਰੋ ਵਿਖੇ ਲਾਕਡੌਨ ਵਾਰੇ ਗੱਲਬਾਤ ਕਰਦੇ ਦਸਿਆ ਕਿ ਇਹਨਾਂ ਇਲਾਕਿਆਂ ਵਿਚ ਦੁਬਰ ਤੋਂ ਲਾਕਡੌਨ ਲਾ ਦਿਤਾ ਗਿਆ ਹੈ । ਹੁਣ ਇਸ ਏਰੀਏ ਵਿੱਚ ਬਿਨਾ ਕਿਸੇ ਖਾਸ ਕੰਮ ਤੋਂ ਆਉਣ ਵਾਲਿਆ ਤੇ ਪਾਬੰਦੀ ਹੋਵੇਗੀ।

ਲੰਡਨ, ਅਕਤੂਬਰ 2020 -(ਗਿਆਨੀ ਰਵਿਦਰਪਾਲ ਸਿੰਘ ) ਕੋਰੋਨਾ ਵਾਇਰਸ (ਕੋਵਿਡ-19) ਦੇ ਕਹਿਰ ਨਾਲ ਇਸ ਸਮੇਂ ਪੂਰੀ ਦੁਨੀਆ ਜੂਝ ਰਹੀ ਹੈ। ਹੁਣ ਇਕ ਨਵੇਂ ਅਧਿਐਨ ਵਿਚ ਇਹ ਪਤਾ ਲੱਗਾ ਹੈ ਕਿ ਸਰਦੀਆਂ ਦੇ ਮੌਸਮ ਵਿਚ ਜਦੋਂ ਲੋਕ ਘਰਾਂ ਵਿਚ ਰਹਿਣਾ ਜ਼ਿਆਦਾ ਪਸੰਦ ਕਰਦੇ ਹਨ, ਉਦੋਂ ਕੋਰੋਨਾ ਦਾ ਖ਼ਤਰਾ ਵਧ ਸਕਦਾ ਹੈ। ਖ਼ਾਸ ਤੌਰ 'ਤੇ ਵੈਂਟੀਲੇਸ਼ਨ ਸਿਸਟਮ ਤੋਂ ਇਨਫੈਕਸ਼ਨ ਫੈਲਣ ਦਾ ਖ਼ਦਸ਼ਾ ਪ੍ਰਗਟਾਇਆ ਗਿਆ ਹੈ। ਇਹ ਸਿਸਟਮ ਕਈ ਇਮਾਰਤਾਂ ਵਿਚ ਤਾਪਮਾਨ ਅਨੁਕੂਲ ਬਣਾਏ ਰੱਖਣ ਲਈ ਲਾਇਆ ਜਾਂਦਾ ਹੈ।

ਬਿ੍ਟੇਨ ਦੀ ਕੈਂਬਿ੍ਜ ਯੂਨੀਵਰਸਿਟੀ ਦੇ ਵਿਗਿਆਨੀਆਂ ਮੁਤਾਬਕ, ਵੱਡੇ ਪੈਮਾਨੇ 'ਤੇ ਇਸਤੇਮਾਲ ਹੋਣ ਵਾਲੇ ਵੈਂਟੀਲੇਸ਼ਨ ਸਿਸਟਮ ਜ਼ਰੀਏ ਪੂਰੇ ਸਥਾਨ 'ਤੇ ਹਵਾ ਤੋਂ ਪ੍ਰਦੂਸ਼ਣ ਵਾਲੇ ਤੱਤ ਫੈਲ ਸਕਦੇ ਹਨ। ਇਨਵਾਂ ਨਾਲ ਤਰਲ ਕਣ ਵੀ ਹੋ ਸਕਦੇ ਹਨ, ਜਿਨ੍ਹਾਂ ਵਿਚ ਕੋਰੋਨਾ ਵਾਇਰਸ ਵੀ ਹੋ ਸਕਦਾ ਹੈ। ਇਸ ਗੱਲ ਦੇ ਲਗਾਤਾਰ ਸਬੂਤ ਮਿਲਦੇ ਜਾ ਰਹੇ ਹਨ ਕਿ ਕੋਰੋਨਾ ਵਾਇਰਸ ਮੁੱਖ ਰੂਪ ਨਾਲ ਖੰਘਣ, ਿਛੱਕਣ, ਗੱਲਬਾਤ ਕਰਨ ਜਾਂ ਸਾਹ ਲੈਣ ਦੌਰਾਨ ਨਿਕਲਣ ਵਾਲੇ ਤਰਲ ਕਣਾਂ ਤੋਂ ਫੈਲਦਾ ਹੈ। ਅਧਿਐਨ ਵਿਚ ਇਨ੍ਹਾਂ ਸਿੱਟਿਆਂ ਤੋਂ ਜ਼ਾਹਿਰ ਹੁੰਦਾ ਹੈ ਕਿ ਇਨਫੈਕਸ਼ਨ ਦੀ ਰੋਕਥਾਮ ਲਈ ਮਾਸਕ ਪਾਉਣਾ ਅਤੇ ਚੰਗੀ ਗੁਣਵੱਤਾ ਦੇ ਵੈਂਟੀਲੇਸ਼ਨ ਸਿਸਟਮ ਦੀ ਲੋੜ ਹੈ।

ਖੋਜੀਆਂ ਨੇ ਹੁਣ ਤਕ ਦੇ ਅਧਿਐਨਾਂ ਦੇ ਆਧਾਰ 'ਤੇ ਕਿਹਾ ਕਿ ਬਾਹਰ ਦੀ ਬਜਾਏ ਘਰ ਦੇ ਅੰਦਰ ਇਨਫੈਕਸ਼ਨ ਦੇ ਪਸਾਰ ਦਾ ਖ਼ਤਰਾ ਜ਼ਿਆਦਾ ਰਹਿੰਦਾ ਹੈ।  

ਲੰਡਨ , ਸਤੰਬਰ 2020 -(ਗਿਆਨੀ ਰਵਿਦਰਪਾਲ ਸਿੰਘ)- ਖ਼ਾਲਸਾ ਏਡ ਫਾਊਂਡੇਸ਼ਨ ਦੇ ਸੰਸਥਾਪਕ ਰਵੀ ਸਿੰਘ ਖ਼ਾਲਸਾ ਦੀ ਕੋਰੋਨਾ ਰਿਪੋਰਟ ਪਾਜ਼ੇਟਿਵ ਆਈ ਹੈ। ਉਨ੍ਹਾਂ ਟਵੀਟ ਕਰ ਕੇ ਖ਼ੁਦ ਇਸ ਦੀ ਪੁਸ਼ਟੀ ਕੀਤੀ। ਉਨ੍ਹਾਂ ਲਿਖਿਆ ਕਿ ਲੰਘੇ ਬੁੱਧਵਾਰ ਤੋਂ ਮੈਂ ਬਿਮਾਰ ਸੀ ਤੇ ਜਾਂਚ ਕਰਵਾਉਣ 'ਤੇ ਮੈਂ ਕੋਰੋਨਾ ਇਨਫੈਕਟਿਡ ਪਾਇਆ ਗਿਆ। ਉਨ੍ਹਾਂ ਦੱਸਿਆ ਕਿ ਮੇਰੇ ਫਾਰਮ ਦੇ ਕੁਝ ਮੈਂਬਰ ਵੀ ਕੋਰੋਨਾ ਪਾਜ਼ੇਟਿਵ ਪਾਏ ਗਏ ਹਨ। 

ਲੰਡਨ , ਸੰਤਬਰ 2020 -(ਗਿਆਨੀ ਅਮਰੀਕ ਸਿੰਘ ਰਾਠੌਰ/ਗਿਆਨੀ ਰਵਿਦਰਪਾਲ ਸਿੰਘ )- ਟ੍ਫਾਲਗੜ੍ਹ ਸਕੁਵੇਅਰ ਵਿਖੇ ਲਾਕਡਾਊਨ ਵਿਰੋਧੀ ਪ੍ਰਦਰਸ਼ਨ ਦੌਰਾਨ ਹਜ਼ਾਰਾਂ ਲੋਕ ਇਕੱਠੇ ਹੋ ਗਏ। ਇਸ ਦੌਰਾਨ ਹੋਈ ਝੜਪ ਵਿਚ ਪੁਲਿਸ ਦੇ 9 ਮੁਲਾਜ਼ਮ ਜ਼ਖ਼ਮੀ ਹੋ ਗਏ। ਪੁਲਿਸ ਨੇ ਕਾਰਵਾਈ ਕਰਦਿਆਂ 16 ਲੋਕਾਂ ਨੂੰ ਗਿ੍ਫ਼ਤਾਰ ਕਰ ਲਿਆ। ਮੈਟਰੋ ਨਿਊਜ਼ਪੇਪਰ ਅਨੁਸਾਰ ਰੋਸ ਪ੍ਰਦਰਸ਼ਨ ਦੌਰਾਨ ਨਾ ਤਾਂ ਸਰੀਰਕ ਦੂਰੀ ਦੇ ਨਿਯਮ ਦਾ ਪਾਲਣ ਕੀਤਾ ਗਿਆ ਅਤੇ ਨਾ ਹੀ ਕਿਸੇ ਨੇ ਮਾਸਕ ਪਾਇਆ ਹੋਇਆ ਸੀ। ਪੁਲਿਸ ਅਨੁਸਾਰ ਪ੍ਰਦਰਸ਼ਨਕਾਰੀਆਂ ਨੇ ਪੁਲਿਸ 'ਤੇ ਕੱਚ ਦੀਆਂ ਬੋਤਲਾਂ ਵੀ ਸੁੱਟੀਆਂ ਤੇ ਜਵਾਬੀ ਕਾਰਵਾਈ 'ਚ ਪੁਲਿਸ ਨੇ ਲਾਠੀਚਾਰਜ ਕੀਤਾ। ਗਿ੍ਫ਼ਤਾਰ ਕੀਤੇ ਗਏ ਪ੍ਰਦਰਸ਼ਨਕਾਰੀਆਂ 'ਤੇ ਵੱਖ-ਵੱਖ ਧਾਰਾਵਾਂ ਤਹਿਤ ਕੇਸ ਦਾਇਰ ਕੀਤੇ ਗਏ ਹਨ। ਪਿਛਲੇ ਹਫ਼ਤੇ ਵੀ ਇਸ ਇਲਾਕੇ 'ਚ ਪ੍ਰਦਰਸ਼ਨ ਦੌਰਾਨ 30 ਪ੍ਰਦਰਸ਼ਨਕਾਰੀਆਂ ਨੂੰ ਗਿ੍ਫ਼ਤਾਰ ਕੀਤਾ ਗਿਆ ਸੀ।

ਬਰਤਾਨੀਆ ਪਾਰਲੀਮੈਂਟ ਦਾ ਈਯੂ ਨੂੰ ਝਟਕਾ

ਲੰਡਨ, ਸਤੰਬਰ 2020 -(ਗਿਆਨੀ ਅਮਰੀਕ ਸਿੰਘ ਰਾਠੌਰ)- ਬਰਤਾਨੀਆ 'ਚ ਯੂਰਪੀ ਯੂਨੀਅਨ ਨਾਲ ਹੋਏ ਬ੍ਰੈਗਜ਼ਿਟ ਸਮਝੌਤੇ ਨੂੰ ਨਕਾਰਨ ਵਾਲੇ ਵਿਵਾਦਤ ਬਿੱਲ ਨੂੰ ਹਾਊਸ ਆਫ ਕਾਮਨਜ਼ ਨੇ ਪਾਸ ਕਰ ਦਿੱਤਾ ਹੈ। ਹੁਣ ਇਹ ਬਿੱਲ ਸੰਸਦ ਦੇ ਉੱਚ ਸਦਨ ਹਾਊਸ ਆਫ ਲਾਰਡਜ਼ 'ਚ ਜਾਵੇਗਾ। ਇਸ ਬਿੱਲ ਦੇ ਕਾਨੂੰਨ ਦਾ ਰੂਪ ਲੈਣ 'ਤੇ ਬਰਤਾਨੀਆ ਆਪਣੀ ਮਰਜ਼ੀ ਮੁਤਾਬਕ ਵਪਾਰ ਸਮਝੌਤੇ ਤੇ ਹੋਰ ਕਦਮ ਉਠਾ ਸਕੇਗਾ। ਈਯੂ ਦਾ ਉਸ ਦੇ ਫ਼ੈਸਲਿਆਂ 'ਚ ਕੋਈ ਦਖ਼ਲ ਨਹੀਂ ਰਹੇਗਾ। ਬਰਤਾਨਵੀ ਸੰਸਦ ਦੇ ਤਾਜ਼ਾ ਫ਼ੈਸਲੇ ਨਾਲ ਬਰਤਾਨੀਆ ਤੇ ਬਾਕੀ ਯੂਰਪ ਦੇ ਸਦੀਆਂ ਪੁਰਾਣੇ ਸਬੰਧਾਂ 'ਚ ਤਰੇੜ ਆ ਗਈ ਹੈ। ਇਸ ਦਾ ਅਸਰ ਆਉਣ ਵਾਲੇ ਸਮੇਂ 'ਚ ਹੋਰ ਜ਼ਿਆਦਾ ਭਿਆਨਕ ਰੂਪ 'ਚ ਦਿਖਾਈ ਦੇ ਸਕਦਾ ਹੈ। ਸੱਤਾਧਾਰੀ ਤੇ ਵਿਰੋਧੀ ਧਿਰ ਤੇ ਈਯੂ 'ਚੋਂ ਉੱਠ ਰਹੇ ਤਿੱਖੇ ਵਿਰੋਧ ਵਿਚਾਲੇ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਨੇ ਮੰਗਲਵਾਰ ਨੂੰ ਹਾਊਸ ਆਫ ਕਾਮਨਜ਼ ਤੋਂ ਇੰਟਰਨਲ ਮਾਰਕੀਟ ਬਿੱਲ ਪਾਸ ਕਰਵਾ ਲਿਆ। ਬਿੱਲ ਦੀ ਹਮਾਇਤ 'ਚ 340 ਜਦਕਿ ਵਿਰੋਧ 'ਚ 263 ਸੰਸਦ ਮੈਂਬਰਾਂ ਨੇ ਵੋਟਾਂ ਪਾਈਆਂ। ਸੱਤਾਧਾਰੀ ਕੰਜ਼ਰਵੇਟਿਵ ਪਾਰਟੀ ਦੇ ਦੋ ਸੰਸਦ ਮੈਂਬਰਾਂ ਸਰ ਰੋਜ਼ਰ ਗੇਲ ਤੇ ਐਂਡਰਿਊ ਪਰਸੀ ਨੇ ਬਿੱਲ ਖ਼ਿਲਾਫ਼ ਵੋਟ ਪਾਈ ਜਦਕਿ 30 ਸੰਸਦ ਮੈਂਬਰਾਂ ਨੇ ਵੋਟਾਂ ਦਾ ਵਿਰੋਧ ਕੀਤਾ। ਸਰਕਾਰ ਨੇ ਕਿਹਾ ਕਿ ਇਹ ਬਿੱਲ ਬਰਤਾਨੀਆ ਤੇ ਉੱਤਰੀ ਆਇਰਲੈਂਡ ਦੇ ਸਾਰੇ ਜਾਇਜ਼ ਅਧਿਕਾਰਾਂ ਦੀ ਰੱਖਿਆ ਕਰੇਗਾ। ਇਸ ਬਿੱਲ ਦੇ ਕਾਨੂੰਨ ਦਾ ਰੂਪ ਲੈਣ ਤੋਂ ਬਾਅਦ ਬਰਤਾਨੀਆ ਤੇ ਉੱਤਰੀ ਆਇਰਲੈਂਡ ਈਯੂ ਨਾਲ ਵਪਾਰ ਸਮਝੌਤਾ ਕਰ ਸਕਣਗੇ ਪਰ ਆਲੋਚਕਾਂ ਨੇ ਕਿਹਾ ਕਿ ਬਰਤਾਨੀਆ ਕੌਮਾਂਤਰੀ ਨਿਯਮਾਂ ਨੂੰ ਤੋੜ ਕੇ ਨਵਾਂ ਕਾਨੂੰਨ ਬਣਾਉਣ ਜਾ ਰਿਹਾ ਹੈ। ਉਸ ਨੇ ਈਯੂ ਨਾਲ ਹੋਏ ਸਮਝੌਤੇ ਨੂੰ ਬਿਨਾਂ ਵਿਚਾਰ-ਚਰਚਾ ਕੀਤੇ ਇਕਤਰਫ਼ਾ ਤੋੜਨ ਦਾ ਕਦਮ ਉਠਾਇਆ ਹੈ। ਇਸ ਦਾ ਦੁਨੀਆ 'ਚ ਗ਼ਲਤ ਸੁਨੇਹਾ ਗਿਆ ਹੈ। ਇਸ ਤੋਂ ਪਹਿਲਾਂ ਬਰਤਾਨੀਆ ਨੇ ਈਯੂ ਨਾਲ ਸਮਝੌਤਾ ਕਰ ਕੇ 31 ਜਨਵਰੀ ਨੂੰ 28 ਮੈਂਬਰ ਦੇਸ਼ਾਂ ਵਾਲਾ ਗਰੁੱਪ ਛੱਡਿਆ ਸੀ। ਸਮਝੌਤੇ ਅਨੁਸਾਰ 31 ਦਸੰਬਰ 2020 ਤਕ ਦੋਵੇਂ ਧਿਰਾਂ ਨੂੰ ਨਵਾਂ ਵਪਾਰ ਸਮਝੌਤਾ ਕਰਨਾ ਸੀ ਪਰ ਕੋਵਿਡ ਮਹਾਮਾਰੀ ਕਾਰਨ ਕਈ ਮਹੀਨਿਆਂ ਬਾਅਦ ਸੱਤ ਸਤੰਬਰ ਨੂੰ ਵਪਾਰ ਸਮਝੌਤੇ 'ਤੇ ਨਵੇਂ ਪੜਾਅ ਦੀ ਵਾਰਤਾ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਬਰਤਾਨੀਆ ਨੇ ਇਸ ਨੂੰ ਹਟਾਉਣ ਦੇ ਸੰਕੇਤ ਦੇ ਦਿੱਤੇ। ਕਿਹਾ, ਪਿਛਲੇ ਪੜਾਵਾਂ ਦੀਆਂ ਵਾਰਤਾ ਨੂੰ ਠੇਸ ਪੁੱਜਣ ਦਾ ਖ਼ਤਰਾ ਪੈਦਾ ਹੋ ਗਿਆ ਹੈ। ਵਾਰਤਾ ਸ਼ੁਰੂ ਹੋਣ ਦੇ ਨਾਲ ਹੀ ਬਰਤਾਨਵੀ ਸਰਕਾਰ ਨੇ ਸੰਸਦ 'ਚ ਬਿੱਲ ਪੇਸ਼ ਕਰ ਦਿੱਤਾ, ਜਿਸ ਨਾਲ ਦੋਵੇਂ ਧਿਰਾਂ 'ਚ ਅੜਿੱਕਾ ਪੈਦਾ ਹੋ ਗਿਆ ਤੇ ਗੱਲਬਾਤ ਅਸਫਲ ਹੋ ਗਈ।  

ਲੰਡਨ, ਸਤੰਬਰ 2020 -( ਗਿਆਨੀ ਰਵਿਦਰਪਾਲ ਸਿੰਘ )- ਭਾਰਤੀ ਮੂਲ ਦੀ ਉੱਦਮੀ ਕਮ ਕਾਰਕੁਨ ਗੀਤਾ ਸਿੱਧੂ ਰੌਬ ਨੂੰ ਬੀਤੇ ਵਿੱਚ ਯਹੂਦੀਆਂ ਖਿਲਾਫ਼ ਕੀਤੀ ਟਿੱਪਣੀਆਂ ਲਈ ਲੰਡਨ ਵਿੱਚ ਮੇਅਰ ਦੇ ਅਹੁਦੇ ਲਈ ਸੰਭਾਵੀ ਉਮੀਦਵਾਰ ਵਜੋਂ ਆਪਣਾ ਨਾਮ ਵਾਪਸ ਲੈਣਾ ਪੈ ਗਿਆ ਹੈ। ਅਗਲੇ ਸਾਲ ਹੋਣ ਵਾਲੀ ਇਸ ਚੋਣ ਵਿੱਚ ਰੌਬ ਨੇ ਲੇਬਰ ਪਾਰਟੀ ਦੇ ਸਾਦਿਕ ਖ਼ਾਨ ਨੂੰ ਟੱਕਰ ਦੇਣੀ ਸੀ। ਆਰਗੈਨਿਕ ਫੂਡ ਤੇ ਜੂਸ ਉਤਪਾਦ ਬਣਾਉਣ ਵਾਲੀ ਫਰਮ ਨੋਸ਼ ਡੈਟੋਕਸ ਦੀ ਬਾਨੀ, ਗੀਤਾ ਸਿੱਧੂ ਨੂੰ ਲਿਬਰਲ ਡੈਮੋਕਰੈਟ ਉਮੀਦਵਾਰ ਵਜੋਂ ਸ਼ਾਰਟਲਿਸਟ ਕੀਤਾ ਗਿਆ ਸੀ, ਪਰ ਹੁਣ ਉਸ ਨੂੰ ਪਾਰਟੀ ’ਚੋਂ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਸਿੱਧੂ ਨੇ 1997 ’ਚ ਆਮ ਚੋਣਾਂ ਮੌਕੇ ਬਲੈਕਬਰਨ ਵਿੱਚ ਕੰਜ਼ਰਵੇਟਿਵ ਪਾਰਟੀ ਦੀ ਉਮੀਦਵਾਰ ਵਜੋਂ ਲੇਬਰ ਪਾਰਟੀ ਦੇ ਆਪਣੇ ਵਿਰੋਧੀ ਉਮੀਦਵਾਰ ਤੇ ਐੱਮ ਪੀ ਜੈਕ ਸਟਰਾਅ ਨੂੰ ਯਹੂਦੀ ਦੱਸ ਕੇ ਵੋਟ ਨਾ ਪਾਉਣ ਲਈ ਕਿਹਾ ਸੀ। ਸਿੱਧੂ ਨੇ ਇਨ੍ਹਾਂ ਟਿੱਪਣੀਆਂ ਲਈ ਮੁਆਫ਼ੀ ਮੰਗੀ ਹੈ।