1 ਪ੍ਰਦੇਸ਼ਾਂ ਨੂੰ ਤੁਰ ਗਏ ਪੁੱਤ ਰੋਂਦੀਆਂ ਛੱਡ ਮਾਵਾਂ ਨੂੰ ।
ਪੱਲੇ ਬੰਨ ਕੇ ਲੈ ਜਾ ਪੁੱਤ ਮਾਂ ਦੀਆਂ ਦੁਆਵਾਂ ਨੂੰ ।
2 ਜਾ ਕੇ ਪ੍ਰਦੇਸ਼ਾਂ ਚ ਜਾਵੀਂ ਨਾ ਮੈਨੂੰ ਭੁੱਲ ਪੁੱਤਰਾ ।
ਮਾਂ ਦੀ ਲੋਰੀਆਂ ਦਾ ਪਾਵੀਂ ਤੂੰ ਮੁੱਲ ਪੁੱਤਰਾਂ ।
ਭੇਜੂ ਨਿੱਤ ਹੀ ਸੁਨੇਹੇ ਵਗਦੀਆ ਹਵਾਵਾਂ ਨੂੰ
ਪ੍ਰਦੇਸ਼ਾਂ........
3 ਕਰਕੇ ਜਮੀਨ ਗਹਿਣੇ ਤੈਨੂੰ ਪ੍ਰਦੇਸ਼ਾਂ ਚ ਘੱਲਿਆ ।
ਕਰਜ਼ਾ ਉਤਾਰ ਨਹੀਂਉ ਹੋਣਾ ਬਾਪੂ ਤੋਂ ਕੱਲਿਆ ।
ਸੱਜੇ ਹੋਰ ਵੀ ਪੜਾਉਣਾ ਛੋਟੇ ਭਰਾਵਾਂ ਨੂੰ
ਪ੍ਰਦੇਸ਼ਾਂ............
4 ਤੈਥੋਂ ਨਿੱਕੀ ਭੈਣ ਦਾ ਵਿਆਹ ਵੀ ਹਜੇ ਕਰਨਾ ।
ਕੱਲ੍ਹੇ ਤੇਰੇ ਬਾਪੂ ਦੀ ਕਮਾਈ ਨਾਲ ਨਹੀਂ ਸਰਨਾ ।
ਪਹਿਲਾਂ ਹੀ ਕਰਜ਼ਾ ਦੇਣਾ ਪਇਆ
ਸਾਹਵਾਂ ਨੂੰ ।
ਪ੍ਰਦੇਸ਼ਾਂ.......
5 ਜੇ ਇੱਥੇ ਮਿਲ ਜਾਵੇ ਰੁਜ਼ਗਾਰ ਲੋੜ ਕੀ ਪ੍ਰਦੇਸ਼ਾਂ ਦੀ ।
ਇੱਥੇ ਨੌਕਰੀ ਤੇ ਕੁਰਸੀ ਵੀ ਵੱਡੇ ਵੱਡੇ ਸੇਠਾ ਦੀ ।
ਇਹ ਤਾਂ ਆਪਣੀ ਟੌਹਰ ਵਾਸਤੇ ਕੁਚਲ ਦਿੰਦੇ ਗਰੀਬਾਂ ਦੇ ਚਾਵਾਂ ਨੂੰ
ਪ੍ਰਦੇਸ਼ਾਂ........
6 ਇੱਥੇ ਫੇਰ ਕਿਉਂ ਵਿਲਕਣ ਚੂੜਾ ਵਾਲੀ ਨਾਰਾਂ ਵੇ।
ਜੇਕਰ ਇੱਥੇ ਹੋਵਣ ਚੱਜ ਦੀਆਂ ਸਾਡੀਆਂ ਸਰਕਾਰਾਂ ਵੇ।
ਜੇ ਮੁੱਲ ਨਹੀ ਪੈਂਦਾ "ਸ਼ਾਇਰ "
ਕੀ ਫਾਇਦਾ ਲਿਖਣ ਦਾ ਕਵਿਤਾਵਾਂ ਨੂੰ
ਪ੍ਰਦੇਸ਼ਾਂ.........
ਜਸਵਿੰਦਰ ਸ਼ਾਇਰ "ਪਪਰਾਲਾ "
9996568220
