ਹਠੂਰ,24,ਜਨਵਰੀ-(ਕੌਸ਼ਲ ਮੱਲ੍ਹਾ)-
ਸੋ੍ਰਮਣੀ ਅਕਾਲੀ ਦਲ (ਅ) ਦੇ ਜਿਲ੍ਹਾ ਪ੍ਰਧਾਨ ਜਥੇਦਾਰ ਤਰਲੋਕ ਸਿੰਘ ਡੱਲਾ ਨਹੀ ਰਹੇ।ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਉਨ੍ਹਾ ਦੇ ਸਪੁੱਤਰ ਪ੍ਰਧਾਨ ਨਿਰਮਲ ਸਿੰਘ ਡੱਲਾ ਨੇ ਦੱਸਿਆ ਕਿ ਪ੍ਰਧਾਨ ਜਥੇਦਾਰ ਤਰਲੋਕ ਸਿੰਘ ਡੱਲਾ ਕੁਝ ਦਿਨਾ ਤੋ ਬਿਮਾਰ ਸਨ ਅਤੇ ਜਿਨ੍ਹਾ ਦਾ ਇਲਾਜ ਜਗਰਾਓ ਦੇ ਇੱਕ ਨਿਜੀ ਹਸਪਤਾਲ ਵਿਚ ਚੱਲ ਰਿਹਾ ਸੀ।ਉਨ੍ਹਾ ਦੱਸਿਆ ਕਿ ਅੱਜ ਐਤਵਾਰ ਦੁਪਹਿਰ ਬਾਰ ਵਜੇ ਜਥੇਦਾਰ ਤਰਲੋਕ ਸਿੰਘ ਡੱਲਾ ਨੇ ਆਪਣੀ ਜਿੰਦਗੀ ਦਾ ਆਖਰੀ ਸਾਹ ਲਿਆ।ਉਨ੍ਹਾ ਦੱਸਿਆ ਕਿ ਉਨ੍ਹਾ ਦਾ ਅੰਤਿਮ ਸਸਕਾਰ 25 ਜਨਵਰੀ ਦਿਨ ਸੋਮਵਾਰ ਨੂੰ ਸਵੇਰੇ ਗਿਆਰਾ ਵਜੇ ਉਨ੍ਹਾ ਦੇ ਪੋਤਰੇ ਦਲਜੀਤ ਸਿੰਘ ਦੇ ਦਿੱਲੀ ਕਿਸਾਨੀ ਸੰਘਰਸ ਤੋ ਪਿੰਡ ਪਰਤਣ ਉਪਰੰਤ ਪਿੰਡ ਡੱਲਾ ਦੇ ਸਮਸਾਨ ਘਾਟ ਵਿਚ ਕੀਤਾ ਜਾਵੇਗਾ।ਇਸ ਅੰਤਿਮ ਸਸਕਾਰ ਵਿਚ ਸੋ੍ਰਮਣੀ ਅਕਾਲੀ ਦਲ (ਅ) ਦੇ ਸੀਨੀਅਰ ਆਗੂ ਪਹੁੰਚਣਗੇ।
