ਲੰਡਨ, ਅਕਤੂਬਰ 2020 -(ਗਿਆਨੀ ਰਵਿਦਰਪਾਲ ਸਿੰਘ)- ਬਰਤਾਨੀਆ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਹਨਸਨ ਨੇ ਕਿਹਾ ਕਿ ਊਨ੍ਹਾਂ ਦੇ ਹਾਲੇ ਵੀ ਕਰੋਨਾਵਾਇਰਸ ਦੇ ਪ੍ਰਭਾਵ ਹੇਠ ਹੋਣ ਸਬੰਧੀ ਅਫ਼ਵਾਹਾਂ ‘ਬੇਤੁਕੀਆਂ’ ਹਨ ਅਤੇ ਇਹ ਬ੍ਰੈਗਜ਼ਿਟ ਵਿਰੋਧੀਆਂ ਵਲੋਂ ਛੇੜੀਆਂ ਗਈਆਂ ਹਨ। ਆਪਣੀ ਕੰਜ਼ਰਵੇਟਿਵ ਪਾਰਟੀ ਨੂੰ ਦਿੱਤੇ ਭਾਸ਼ਣ ਵਿਚ ਜੌਹਨਸਨ ਨੇ ਕਿਹਾ, ‘‘ਪਿਛਲੇ ਦਿਨਾਂ ਵਿੱਚ ਮੈਂ ਆਪਣੇ ਬਾਰੇ ਕਈ ਤਰ੍ਹਾਂ ਦੀਆਂ ਬੇਤੁਕੀਆਂ ਗੱਲਾਂ ਸੁਣੀਆਂ ਜਿਵੇਂ ਕੋਵਿਡ ਨੇ ਮੈਨੂੰ ਮੇਰੇ ਮਕਸਦ ਤੋਂ ਦੂਰ ਕਰ ਦਿੱਤਾ ਹੈ।’’ ਊਨ੍ਹਾਂ ਕਿਹਾ, ‘‘ਇਹ ਮਨਘੜਤ ਗੱਲਾਂ ਹਨ, ਦੇਸ਼-ਵਿਰੋਧੀ ਪ੍ਰਾਪੇਗੰਡਾ ਹੈ ਜੋ ਅਜਿਹੇ ਲੋਕਾਂ ਵਲੋਂ ਚਲਾਇਆ ਜਾ ਰਿਹਾ ਹੈ ਜੋ ਸਰਕਾਰ ਨੂੰ ਸਫ਼ਲ ਹੁੰਦਾ ਨਹੀਂ ਦੇਖਣਾ ਚਾਹੁੰਦੇ, ਜੋ ਸਾਨੂੰ ਬ੍ਰੈਗਜ਼ਿਟ ਅਤੇ ਹੋਰ ਮਨੋਰਥਾਂ ਤੋਂ ਰੋਕਣਾ ਚਾਹੁੰਦੇ ਹਨ।’
