ਬਰਨਾਲਾ/ਮਹਿਲ ਕਲਾ-ਸਤੰਬਰ 2020-(ਗੁਰਸੇਵਕ ਸਿੰਘ ਸੋਹੀ)-ਮਨਾਲ ਵਿਖੇ ਬਣੇ ਸਰਕਾਰੀ ਕੈਂਟਲ ਪੋਡ ਜਿਸ ਵਿੱਚ ਗਉਆ ਦੀ ਲਗਭਗ ਹਰ ਰੋਜ ਹੀ ਮੋਤ ਹੋ ਰਹੀ ਹੈ।ਇਸ ਵੱਲ ਕਿਸੇ ਵੀ ਸਰਕਾਰੀ ਮੁਲਾਜ਼ਮ ਦਾ ਧਿਆਨ ਨਹੀ ਨਾ ਹੀ ਦੌਰਾ ਕੀਤਾ। ਇਥੇ ਇਹ ਦੇਖਣ ਨੂੰ ਮਿਲਿਆ ਕਿ ਬਰਨਾਲਾ ਦੀਆਂ ਕੁੱਝ ਗਊ ਭਗਤ ਟੀਮਾਂ ਵਲੋ ਸੇਵਾ ਕੀਤੀ ਜਾਂ ਰਹੀ ਹੈ ਜੋ ਕਿ ਹਰ ਰੋਜ ਹੀ ਬਰਨਾਲਾ ਤੋ ਮਨਾਲ ਗਊਸ਼ਾਲਾ ਵਿੱਚ ਆ ਕੇ ਸੇਵਾ ਕਰਦੇ ਹਨ ਸਾਡੀ ਟੀਮ ਵਲੋਂ ਜਦੋ ਬਾਰਿਸ਼ ਦੇ ਵਿੱਚ ਜਾ ਕੇ ਦੇਖਿਆ ਤੇ ਇਹਨਾਂ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਹਨਾਂ ਨੇ ਦਸਿਆ ਕਿ ਉਹ ਹਰ ਰੋਜ ਹੀ ਬਰਨਾਲਾ ਤੋ ਮਨਾਲ ਆਉਦੇ ਹਾਂ ਤੇ ਲਗਭਗ 4-5 ਘੰਟੇ ਹਰ ਰੋਜ ਹੀ ਇੱਥੇ ਸੇਵਾ ਕਰਦੇ ਹਾਂ ਅਤੇ ਸਰਕਾਰੀ ਕੈਟਲ ਪੋਡ ਸਿਰਫ ਤੇ ਸਿਰਫ ਨਾਮ ਲਈ ਹੈ ਸਰਕਾਰ ਵੱਲੋਂ ਜੋ ਵੀ ਫੰਡ ਆ ਰਿਹਾ ਹੈ ਉਸ ਦਾ ਕਿਤੇ ਵੀ ਸਹੀ ਇਸਤੇਮਾਲ ਨਹੀ ਹੋ ਰਿਹਾ ਤੇ ਸਿਰਫ ਖਾਨਾਪੂਰਤੀ ਲਈ ਬਰਨਾਲਾ ਦੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਵਲੋ ਆਪਣੇ ਦਫਤਰਾਂ ਵਿੱਚ ਬੈਠ ਕੇ ਗਉਆ ਦਾ ਖਾਣਾ ਦਾਣਾ ਦੇਖਰੇਖ ਪੁਰੀ ਕੀਤੀ ਜਾਂਦੀ ਹੈ ਗਉ ਭਗਤ ਰਾਹੁਲ ਬਾਲੀ,ਰਜਤ ਲੱਕੀ,ਹਰੀ ਓਮ,ਅਮਨ ਸ਼ਰਮਾਂ ਨੇ ਦਸਿਆ ਕਿ ਉਨ੍ਹਾ ਵਲੋਂ ਡੀ.ਸੀ.ਬਰਨਾਲਾ ਨਾਲ ਇੱਕ ਮੀਟਿੰਗ ਫਿਕਸ ਕੀਤੀ ਪਰ ਟਾਇਮ ਤੋ ਪਹਿਲਾਂ ਹੀ ਡੀ.ਸੀ.ਬਰਨਾਲਾ ਆ ਕੇ ਵਾਪਸ ਪਰਤ ਗਏ ਉਹਨਾਂ ਸਰਕਾਰ ਦੇ ਨੁਮਾਇਦਿਆਂ ਨੂੰ ਇਧਰ ਧਿਆਨ ਦੇਣ ਦੀ ਅਪੀਲ ਕੀਤੀ ਕਿ ਇਹਨਾਂ ਗਉਆਂ ਨੂੰ ਮਰਨ ਤੋ ਬਚਾਇਆ ਜਾਵੇ। ਉਨ੍ਹਾ ਕਿਹਾ ਕਿ ਇੱਕ ਪਾਸੇ ਤਾ ਸਰਕਾਰ ਵਲੋਂ ਗਊ ਸੈਸ ਦੇ ਨਾਮ ਤੇ ਲੋਕਾਂ ਕੋਲੋਂ ਕਰੋੜਾਂ ਰੁਪਏ ਇਕਠੇ ਕੀਤੇ ਜਾਦੇ ਹਨ ਦੂਜੇ ਪਾਸੇ ਇਹ ਪੈਸਾ ਕਿਸੇ ਪਾਸੇ ਲੱਗਦਾ ਨਜਰ ਨਹੀਂ ਆਉਦਾ ਉਹਨਾ ਲੋਕਲ ਪ੍ਰਸ਼ਾਸ਼ਨ ਨੂੰ ਬੇਨਤੀ ਕੀਤੀ ਕਿ ਅਸੀ ਆਪ ਜੀ ਦਾ ਧਿਆਨ ਮਨਾਲ ਕੈਟਲ ਪੌਡ ਵੱਲ ਦਵਾਉਣਾ ਚਾਹੁੰਦੇ ਹਾਂ।ਜਿਥੇ ਨਾ ਤਾਂ ਗਉਆ ਲਈ ਜਰੂਰਤ ਅਨੁਸਾਰ ਪੂਰੇ ਸੈਡ ਹਨ ਅਤੇ ਨਾ ਹੀ ਪੱਕਾ ਫਰਸ਼ ਹੈ। ਜਿਸ ਕਰਕੇ ਇਸ ਗਰਮੀ ਦੇ ਮੌਸਮ ਵਿਚ ਗਉਆ ਦੀ ਬਹੁਤ ਬੁਰੀ ਹਾਲਤ ਹੋ ਜਾਂਦੀ ਹੈ ਅਤੇ ਫਰਸ਼ ਪੱਕਾ ਨਾ ਹੋਣ ਕਰਕੇ ਗਉਆ ਹਰ ਰੋਜ ਡਿਗਦੀਆ ਨੇ ਤੇ ਸੱਟਾ ਖਾਂਦੀਆ ਨੇ ਜਿਸ ਵਿੱਚੋ 5-7 ਗਉਆ ਮਰ ਵੀ ਜਾਂਦੀਆ ਨੇ। ਇਥੇ ਡਾਕਟਰ ਦਾ ਵੀ ਪੱਕੇ ਤੌਰ ਤੇ ਕੋਈ ਪ੍ਰਬੰਧ ਨਹੀ ਹੈ ਅਤੇ ਨਾ ਹੀ ਉਹਨਾਂ ਲਈ ਹਰੇ ਚਾਰੇ ਦਾ ਪੱਕੇ ਤੌਰ ਤੇ ਕੋਈ ਪ੍ਰਬੰਧ ਹੈ।ਜਿਕਰ ਯੋਗ ਹੈ ਕਿ ਕੁਝ ਨੌਜਵਾਨ ਲੜਕਿਆ ਦੇ ਗਰੁਪ ਇਥੇ ਆ ਕੇ ਗਊ ਸੇਵਾ ਕਰਦੇ ਹਨ ਅਤੇ ਜਖ਼ਮੀ ਗਉਆ ਦੀ ਮਲ੍ਹਮ ਪਟੀ ਕਰਾਉਦੇ ਹਨ ਤੇ ਮਰੀਆ ਗਉਆ ਅਲਗ ਕੱਢਦੇ ਹਨ।ਇਥੇ ਗਉਆ ਦੀ ਗਿਣਤੀ 800 ਦੇ ਕਰੀਬ ਹੈ ਜਿਸ ਦੇ ਮੁਕਾਬਲੇ ਲੇਵਰ ਸਟਾਫ (9-11)ਦੀ ਵੀ ਘਾਟ ਹੈ।ਬਿਜਲੀ ਨਾ ਹੋਣ ਤੇ ਹਰਾ ਚਾਰਾ ਕੱਟਣ ਚ ਵੀ ਬਹੁਤ ਮੁਸ਼ਕਿਲ ਆਉਦੀ ਹੈ। ਜਿਸ ਕਾਰਣ ਗਉੁਆ ਭੁੱਖੀਆ ਰਹਿ ਜਾਂਦੀਆ ਹਨ। ਉਹਨਾਂ ਨੇ ਕਿਹਾ ਕਿ ਕ੍ਰਿਪਾ ਕਰਕੇ ਇਸ ਮਾਮਲੇ ਵੱਲ ਪ੍ਰਸ਼ਾਸ਼ਨਿਕ ਤੌਰ ਤੇ ਵੀ ਧਿਆਨ ਦਿਤਾ ਜਾਵੇ ਤਾਂ ਜੋ ਇਸ ਸੱਮਸਿਆਵਾਂ ਦਾ ਜਲਦੀ ਹੱਲ ਹੋ ਸਕੇ ।
