ਮਹਿਲ ਕਲਾਂ /ਬਰਨਾਲਾ-ਸਤੰਬਰ 2020 (ਗੁਰਸੇਵਕ ਸਿੰਘ ਸੋਹੀ)-ਭਾਈ ਨੱਥਾ ਭਾਈ ਅਬਦੁੱਲਾ ਇੰਟਰਨੈਸਨਲ ਢਾਡੀ ਸਭਾ ਦੀ ਅਹਿਮ ਮੀਟਿੰਗ ਗੁਰਦੁਆਰਾ ਕਾਲਾ ਮਾਹਿਰ ਵਿਖੇ ਸਭਾ ਦੇ ਪ੍ਰਧਾਨ ਢਾਡੀ ਮਲਕੀਤ ਸਿੰਘ ਪਪਰਾਲੀ, ਸਰਪ੍ਰਸਤ ਭਾਈ ਬਲਵੀਰ ਸਿੰਘ ਵੀਰ ਅਤੇ ਸੀਨੀਅਰ ਮੀਤ ਪ੍ਰਧਾਨ ਜਸਪਾਲ ਸਿੰਘ ਦੀ ਅਗਵਾਈ ਹੇਠ ਹੋਈ। ਇਸ ਮੌਕੇ ਵੱਖ ਵੱਖ ਥਾਵਾਂ ਤੋਂ ਪੁੱਜੇ ਢਾਡੀ ਸਿੰਘਾਂ ਵੱਲੋਂ ਵਿਚਾਰਾਂ ਪੇਸ ਕੀਤੀਆਂ ਗਈਆਂ। ਇਸ ਮੌਕੇ ਗੱਲਬਾਤ ਕਰਦਿਆਂ ਪ੍ਰਧਾਨ ਢਾਡੀ ਮਲਕੀਤ ਸਿੰਘ ਪਪਰਾਲੀ ਅਤੇ ਸਰਪ੍ਰਸਤ ਭਾਈ ਬਲਵੀਰ ਸਿੰਘ ਵੀਰ ਨੇ ਕਿਹਾ ਕਿ ਢਾਡੀ ਕਲਾ ਸਿੱਖ ਕੌਮ ਦੀ ਵਿਲੱਖਣ ਵਿਰਾਸਤ ਹੈ ਕਿਉਕਿ ਢਾਡੀ ਜੱਥਿਆਂ ਵੱਲੋਂ ਗਾਈਆਂ ਵਾਰਾਂ ਸੂਰਬੀਰ ਯੋਧਿਆਂ 'ਚ ਜੋਸ ਭਰਦੀਆਂ ਸਨ। ਅੱਜ ਢਾਡੀ ਵਿਰਾਸਤ ਨੂੰ ਸਾਭਣ 'ਤੇ ਢਾਡੀ ਜੱਥਿਆ ਨੂੰ ਆ ਰਹੀਆਂ ਦਰਪੇਸ ਮੁਸਕਲਾਂ ਲਈ ਜਥੇਬੰਦ ਹੋਣਾ ਬੜਾ ਜਰੂਰੀ ਹੈ। ਉਹਨਾਂ ਸਮੂਹ ਢਾਡੀ ਸਿੰਘਾਂ ਨੂੰ ਅਪੀਲ ਕੀਤੀ ਕਿ ਅੱਜ ਇੱਕਜੁੱਟ ਹੋਣਾ ਸਮੇਂ ਦੀ ਮੁੱਖ ਲੋੜ ਹੈ ਇਸ ਲਈ ਭਾਈ ਨੱਥਾ ਭਾਈ ਅਬਦੁੱਲਾ ਇੰਟਰਨੈਸਨਲ ਢਾਡੀ ਸਭਾ ਨਾਲ ਜੁੜ ਕੇ ਜਥੇਬੰਦ ਹੋਣ। ਇਸ ਮੌਕੇ ਭਾਈ ਨੱਥਾ ਭਾਈ ਅਬਦੁੱਲਾ ਇੰਟਰਨੈਸਨਲ ਢਾਡੀ ਸਭਾ ਜਿਲਾ ਬਰਨਾਲਾ ਇਕਾਈ ਦੀ ਸਰਬਸੰਮਤੀ ਨਾਲ ਚੋਣ ਕੀਤੀ ਗਈ। ਜਿਸ ਵਿੱਚ ਭਾਈ ਮੁਖਤਿਆਰ ਸਿੰਘ ਤੂਫਾਨ ਬੀਹਲਾ ਨੂੰ ਸਰਪ੍ਰਸਤ, ਨਾਮਵਰ ਢਾਡੀ ਕਰਨੈਲ ਸਿੰਘ ਛਾਪਾ, ਢਾਡੀ ਕਸਮੀਰ ਸਿੰਘ ਸੰਘੜਾ ਨੂੰ ਸੀਨੀਅਰ ਮੀਤ ਪ੍ਰਧਾਨ, ਦਰਸਨ ਸਿੰਘ ਬਰਨਾਲਾ ਮੀਤ ਪ੍ਰਧਾਨ, ਢਾਡੀ ਸਾਧੂ ਸਿੰਘ ਠੁੱਲੀਵਾਲ ਸਕੱਤਰ, ਢਾਡੀ ਬਲਦੇਵ ਸਿੰਘ ਬੱਬੀ ਭਦੌੜ ਖਜਾਨਚੀ,ਢਾਡੀ ਸੋਹਣ ਸਿੰਘ ਸੀਤਲ ਮਿਸਰਾ ਚੇਅਰਮੈਨ,ਢਾਡੀ ਬਲਵੀਰ ਸਿੰਘ ਨਿਹਾਲੂਵਾਲ ਪ੍ਰਧਾਨ ਸੰਘਰਸ ਕਮੇਟੀ, ਬਸੰਤ ਸਿੰਘ ਖੜਕਾ ਬਾਦਲ ਨੂੰ ਮੀਤ ਸਕੱਤਰ,ਲਖਵੀਰ ਸਿੰਘ ਸੀਤਲ ਸਹਾਇਕ ਖਜਾਨਚੀ, ਢਾਡੀ ਸੁਖਵਿੰਦਰ ਸਿੰਘ ਕ੍ਰਿਪਾਲ ਸਿੰਘ ਵਾਲਾ ਸਕੱਤਰ, ਢਾਡੀ ਗੁਰਮੇਲ ਸਿੰਘ ਕਾਲੇਕੇ ਪ੍ਰਚਾਰ ਸਕੱਤਰ ਸੰਘਰਸ ਕਮੇਟੀ,ਰਵਨੀਤ ਸਿੰਘ ਹੀਰਾ ਸੀਨੀਅਰ ਮੀਤ ਪ੍ਰਧਾਨ ਸੰਘਰਸ ਕਮੇਟੀ, ਢਾਡੀ ਮਲਕੀਤ ਸਿੰਘ ਸਹੌਰ ਮੀਤ ਪ੍ਰਧਾਨ, ਢਾਡੀ ਬਲਵਿੰਦਰ ਸਿੰਘ ਰੰਗੀਆਂ ਜਨਰਲ ਸਕੱਤਰ, ਢਾਡੀ ਮਨਜੀਤ ਸਿੰਘ ਛਾਪਾ ਮੁੱਖ ਸਲਾਹਕਾਰ, ਗੁਰਦੇਵ ਸਿੰਘ ਗੁਲਸਨ ਪ੍ਰੈਸ ਸਕੱਤਰ, ਬਲਵੰਤ ਸਿੰਘ ਮਾਂਗੇਵਾਲ ਸਰਪ੍ਰਸਤ ਅਤੇ ਗਿਆਨੀ ਗੁਰਦਿੱਤ ਸਿੰਘ ਸੋਢਾ ਮੁੱਖ ਬੁਲਾਰਾ ਚੁਣੇ ਗਏ। ਇਸ ਮੌਕੇ ਨਵੇਂ ਚੁਣੇ ਗਏ ਆਗੂਆਂ ਦਾ ਸਨਮਾਨ ਕੀਤਾ ਗਿਆ। ਨਵੇਂ ਚੁਣੇ ਗਏ ਆਗੂਆਂ ਨੇ ਵਿਸਵਾਸ ਦਿਵਾਇਆ ਕਿ ਉਹ ਜਥੇਬੰਦੀ ਲਈ ਤਨਦੇਹੀ ਨਾਲ ਕੰਮ ਕਰਨਗੇ ਅਤੇ ਢਾਡੀ ਜੱਥਿਆਂ ਨੂੰ ਆ ਰਹੀਆਂ ਮੁਸਕਿਲਾਂ ਦੇ ਹੱਲ ਲਈ ਯਤਨਸੀਲ ਰਹਿਣਗੇ। ਢਾਡੀ ਕਰਨੈਲ ਸਿੰਘ ਛਾਪਾ ਨੇ ਸਮੂਹ ਆਗੂਆਂ ਨੂੰ ਕਦਮ ਨਾਲ ਕਦਮ ਮਿਲਾ ਕੇ ਚੱਲਣ 'ਤੇ ਇੱਕ ਦੂਜੇ ਦਾ ਸਹਾਰਾ ਬਣਕੇ ਕੰਮ ਕਰਨ ਦੀ ਅਪੀਲ ਕੀਤੀ।
