ਗਲਾਸਗੋ/ਮਾਨਚੈਸਟਰ, ਜੁਲਾਈ 2020 -(ਗਿਆਨੀ ਅਮਰੀਕ ਸਿੰਘ ਰਾਠੌਰ) ਸਕਾਟਲੈਂਡ ਦੀ ਰਾਜਧਾਨੀ ਐਡਨਬਰਾ ਦੇ ਸਟਾਕ ਬਰਿੱਜ ਰਿਹਾਇਸ਼ੀ ਖੇਤਰ 'ਚ ਇਕ ਇਮਾਰਤ ਨੂੰ ਡਬਲ-ਡੈਕਰ ਬੱਸ ਨੇ ਟੱਕਰ ਮਾਰ ਦਿੱਤੀ। ਇਸ ਦੀ ਖ਼ਬਰ ਮਿਲਣ ਉਪਰੰਤ ਪੁਲਿਸ, ਐਾਬੂਲੈਂਸ ਅਤੇ ਅੱਗ ਬੁਝਾਊ ਗੱਡੀਆਂ ਘਟਨਾ ਦੀ ਸਥਾਨ 'ਤੇ ਪਹੁੰਚੀਆਂ । ਫ਼ਿਲਹਾਲ ਕਿਸੇ ਦੇ ਜ਼ਖ਼ਮੀ ਹੋਣ ਦੀ ਖ਼ਬਰ ਨਹੀਂ ਹੈ। ਮੌਕੇ 'ਤੇ ਹਾਜ਼ਰ ਲੋਕਾਂ ਨੇ ਦੱਸਿਆ ਕਿ ਬੱਸ ਪਹਿਲਾਂ ਸੜਕ ਨਾਲ ਬਣੀ ਫ਼ੁੱਟ-ਪਾਥ 'ਤੇ ਚੜ੍ਹ ਗਈ ਅਤੇ ਸਿੱਧੀ ਇਮਾਰਤ ਨੂੰ ਜਾ ਟੱਕਰ ਮਾਰੀ ।ਸਕਾਟਲੈਂਡ ਪੁਲਿਸ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਇਸ ਘਟਨਾ ਦੇ ਕਾਰਨਾਂ ਬਾਰੇ ਪਤਾ ਲਗਾਉਣ ਲਈ ਤਫ਼ਤੀਸ਼ ਅਰੰਭ ਕਰ ਦਿੱਤੀ ਹੈ ।
