ਲੰਡਨ,ਮਈ 2020 -(ਗਿਆਨੀ ਰਾਵਿਦਾਰਪਾਲ ਸਿੰਘ )- ਗੁਰੂ ਰਵਿਦਾਸ ਸਭਾ ਸਾਊਥਾਲ ਵਲੋਂ ਕੋਵਿਡ-19 ਦੇ ਚਲਦਿਆਂ ਲੰਗਰ ਦੀ ਸੇਵਾ ਨਿਰੰਤਰ ਜਾਰੀ ਹੈ | ਪ੍ਰਧਾਨ ਜੋਗਰਾਜ ਅਹੀਰ, ਸਹਾਇਕ ਖਜ਼ਾਨਚੀ ਨਛੱਤਰ ਕਲਸੀ, ਸਟੇਜ ਸਕੱਤਰ ਸ਼ਿਵ ਰੱਤੂ ਨੇ ਦੱਸਿਆ ਕਿ ਰੋਜ਼ਾਨਾ ਸੈਂਕੜੇ ਲੋਕ ਗੁਰੂ ਘਰ ਤੋਂ ਲੰਗਰ ਲੈ ਕੇ ਜਾਂਦੇ ਹਨ, ਜਦੋਂਕਿ ਬਜ਼ੁਰਗ ਜਾਂ ਇਕਾਂਤਵਾਸ ਹੋਏ ਲੋਕਾਂ ਦੇ ਘਰਾਂ ਤੱਕ ਲੰਗਰ ਪਹੁੰਚਾਇਆ ਜਾਂਦਾ ਹੈ | ਅਹੀਰ ਨੇ ਕਿਹਾ ਕਿ ਕਈ ਭਾਰਤੀ ਵਿਦਿਆਰਥੀ ਵੀ ਇਨ੍ਹਾਂ ਸੇਵਾਵਾਂ ਦਾ ਲਾਭ ਲੈ ਰਹੇ ਹਨ | ਇਸ ਮੌਕੇ ਜਸ ਕਲਕਟ, ਰਾਮ ਮੂਰਤੀ, ਹਰੀਸ਼ ਕੁਮਾਰ ਵਿੱਕੀ, ਦੇਸ ਰਾਜ, ਸੁਖਦੇਵ ਹੀਰਾ, ਕਮਲ ਕੁਮਾਰ ਚੰਦਰ ਆਦਿ ਹਾਜ਼ਰ ਸਨ |
