ਮਾਨਚੈਸਟਰ, ਅਪ੍ਰੈਲ 2020 - (ਅਮਰਜੀਤ ਸਿੰਘ ਗਰੇਵਾਲ)-
ਕੋਰੋਨਾ ਵਾਇਰਸ ਦੇ ਮਰੀਜ਼ਾਂ ਵਿਚੋਂ ਕਿਸ ਦੀ ਜਾਨ ਬਚਾਉਣੀ ਹੈ ਹੁਣ ਇਹ ਡਾਕਟਰਾਂ ਦੇ ਹੱਥ ਵੱਸ ਹੋਵੇਗਾ । ਯੂ. ਕੇ. ਦੇ ਡਾਕਟਰਾਂ ਨੂੰ ਜਾਰੀ ਕੀਤੇ ਗਏ ਨਿਰਦੇਸ਼ਾਂ ਅਨੁਸਾਰ ਜੇ ਹਸਪਤਾਲ ਕੋਵਿਡ-19 ਮਰੀਜ਼ਾਂ ਨਾਲ ਭਰ ਜਾਂਦੇ ਹਨ ਤਾਂ ਵੈਂਟੀਲੇਟਰ ਜਾਂ ਹੋਰ ਸਹੂਲਤ ਉਸ ਮਰੀਜ਼ ਨੂੰ ਮੁਹੱਈਆ ਕਰਵਾਏ ਜਾਣਗੇ, ਜਿਨ੍ਹਾਂ ਦੇ ਬਚਣ ਦੀ ਸੰਭਾਵਨਾ ਜ਼ਿਆਦਾ ਹੋਵੇਗੀ । ਬਿ੍ਟਿਸ਼ ਮੈਡੀਕਲ ਐਸੋਸੀਏਸ਼ਨ ਅਨੁਸਾਰ ਸਿਹਤ ਕਾਮਿਆਂ ਨੂੰ ਅਜਿਹੇ ਗੰਭੀਰ ਫ਼ੈਸਲੇ ਲੈਣ ਲਈ ਮਜਬੂਰ ਕੀਤਾ ਜਾ ਸਕਦਾ ਹੈ ।
