ਕਰੋ ਮੇਹਰ ਵਾਹਿਗੁਰੂ ਸੇਵਾ ਸੁਸਾਇਟੀ ਤੇ ਦਾਨੀ ਵੀਰਾਂ ਨੇ ਸਕੂਲਾਂ ਨੂੰ ਰੰਗ ਕਰਵਾਉਣ ਦੀ ਕੀਤੀ ਸੇਵਾ।

ਕਾਉਕੇ ਕਲਾਂ/ਜਗਰਾਓਂ,ਮਾਰਚ 2020-(ਜਸਵੰਤ ਸਿੰਘ ਸਹੋਤਾ)-

ਇੱਥੋ ਨਜਦੀਕੀ ਪੈਂਦੇ ਪਿੰਡ ਮੱਲਾ ਦੀ ‘ਕਰੋ ਮੇਹਰ ਵਾਹਿਗੁਰੂ ਸੇਵਾ ਸੁਸਾਇਟੀ (ਰਜਿ.) ਮੱਲਾ ਵੱਲੋ ਹਲਕੇ ਦੇ ਸਕੂਲਾਂ ਵਿੱਚ ਰੰਗ ਕਰਵਾਉਣ ਦੀ ਸੇਵਾ ਵੱਖ ਵੱਖ ਦਾਨੀ ਵੀਰਾਂ ਦੇ ਸਹਿਯੋਗ ਨਾਲ ਨਿਭਾਈ ਗਈ ਜਿਸ ਦਾ ਵੱਖ ਵੱਖ ਸਕੂਲਾਂ ਦੇ ਮੁਖੀਆਂ ਵੱਲੋ ਸਵਾਗਤ ਤੇ ਧੰਨਵਾਦ ਵੀ ਕੀਤਾ।ਕਰੋ ਮੇਹਰ ਵਾਹਿਗੁਰੂ ਸੇਵਾ ਸੁਸਾਇਟੀ ਦੇ ਮੱੁਖ ਸੰਚਾਲਕ ਭਾਈ ਗੁਰਪਿੰਦਰ ਸਿੰਘ ਖਾਲਸਾ ਮੱਲਾ ਨੇ ਦੱਸਿਆ ਕਿ ਸਕੂਲਾਂ ਵਿੱਚ ਰੰਗ ਕਰਵਾਉਣ ਦੀ ਸੇਵਾ ਦਿਲਬਰ ਖਾਨ ਕੈਨੇਡਾ,ਜਰਨੈਲ ਸਿੰਘ ਖੰਨਾ,ਸੇਵਾ ਸੁਸਾਇਟੀ ਸਾਉਦੀ ਅਰਬ,ਜਤਿੰਦਰ ਸਿੰਘ ਐਨ.ਆਰ.ਆਈ,ਜਗਦੀਸਰ ਸਿੰਘ ਯੂ,ਐਸ,ਏ,ਗੁਰਦੀਪ ਸਿੰਘ ਕੈਲੋਫੋਰਨੀਆਂ,ਕਮਲਜੀਤ ਸਿੰਘ ਉਡੀਸਾ,ਮਨਜੀਤ ਸਿੰਘ ਬਠਿੰਡਾ,ਬਾਜ ਚੋਹਲਾ ਐਨ.ਆਰ.ਆਈ,ਯੁਨਾਈਟਿਡ ਸਿੱਖ ਆਫ ਬੇਕਰਜਫੀਲਡ ਕੈਲੋਫੋਰਨੀਆਂ ਵੱਲੋ ਭੇਜੀ ਗਈ ਸੀ ਜਿਸ ਨਾਲ ਸਕੂਲਾਂ ਵਿੱਚ ਰੰਗ ਕਰਵਾਉਣ ਦੀ ਸੇਵਾ ਕੀਤੀ ਗਈ ।ਸਕੂਲਾਂ ਦੇ ਮੁਖੀਆਂ ਵੱਲੋ ਸੁਸਾਇਟੀ ਤੇ ਦਾਨੀ ਵੀਰਾਂ ਦੇ ਇਸ ਕਾਰਜ ਦੀ ਸਲਾਘਾ ਵੀ ਕੀਤੀ।ਉਨਾ ਇਹ ਵੀ ਦੱਸਿਆ ਕਿ ਸੁਸਾਇਟੀ ਵੱਲੋ ਹੋਰ ਵੀ ਦਾਨੀ ਵੀਰਾਂ ਦੇ ਸਹਿਯੋਗ ਨਾਲ ਸਮਾਜ ਸੇਵੀ ਕਾਰਜ ਪਹਿਲ ਦੇ ਅਧਾਰ ਤੇ ਕੀਤੇ ਜਾਂਦੇ ਹਨ।ਇਸ ਮੌਕੇ ਪ੍ਰਿੰਸੀਪਲ ਜਸਵਿੰਦਰ ਕੌਰ ਬੀਬੀ ਕਮਲਜੀਤ ਕੌਰ ਖਾਲਸਾ,ਗੁਰਵਿੰਦਰ ਸਿੰਘ,ਕੁਲਵਿੰਦਰ ਸਿੰਘ,ਬਲਵਿੰਦਰ ਸਿੰਘ,ਚਮਕੌਰ ਸਿੰਘ,ਕੁਲਜੀਤ ਸਿੰਘ ਸਮੇਤ ਸਕੂਲ ਸਟਾਫ ਤੇ ਹੋਰ ਵੀ ਪ੍ਰਮੱੁਖ ਸਖਸੀਅਤਾਂ ਹਾਜਿਰ ਸਨ।