ਬਾਬਾ ਹੀਰਾ ਹਸਪਤਾਲ ਨੇੜੇ ਨਾਨਕਸਰ ( ਜਗਰਾਓ) ਵੱਲੋ ਪਿੰਡ ਜੰਡੀ ਵਿਖੇ ਪ੍ਰਭਾਤ ਫੇਰੀ ਕੱਢੀ।

ਕਾਉਂਕੇ ਕਲਾਂ/ਲੁਧਿਆਣਾ, ਜਨਵਰੀ 2020 - ( ਜਸਵੰਤ ਸਿੰਘ ਸਹੋਤਾ)-

ਬਾਬਾ ਹੀਰਾ ਹਸਪਤਾਲ ਨੇੜੇ ਨਾਨਕਸਰ ( ਜਗਰਾਓ) ਵੱਲੋ ਜਖਮੀ ਬੇਸਹਾਰਾ ਗਊਆਂ ਦੀ ਸੇਵਾ ਕਰਨ ਨੂੰ ਮੱੁਖ ਰੱਖਦਿਆ ਇੱਥੋ ਨਜਦੀਕੀ ਪੈਂਦੇ ਪਿੰਡ ਜੰਡੀ ਵਿਖੇ ਤਿੰਨ ਰੋਜਾ ਸਵੇਰੇ ਨਿਰੰਤਰ ਚੱਲਣ ਵਾਲੀ ਪ੍ਰਭਾਤ ਫੇਰੀ ਕੱਢੀ ਗਈ ਜਿਸ ਮੌਕੇ ਵੱਡੀ ਗਿਣਤੀ ‘ਚ ਗਊ ਭਗਤਾਂ ਤੇ ਨਗਰ ਦੀਆ ਸੰਗਤਾਂ ਨੇ ਹਾਜਰੀਆਂ ਭਰੀਆਂ। ਬਾਬਾ ਹੀਰਾ ਹਸਪਤਾਲ ਦੇ ਮੱੁਖ ਸੇਵਾਦਾਰ ਕੁਲਵਿੰਦਰ ਸਿੰਘ ਨੇ ਦੱਸਿਆ ਕਿ ਤਿੰਨ ਦਿਨਾ ਰੋਜਾਨਾ ਸਵੇਰੇ ਕੱਢੀ ਗਈ ਇਸ ਪ੍ਰਭਾਤ ਫੇਰੀ ਦਾ ਮਕਸਦ ਬਾਬਾ ਹੀਰਾ ਹਸਪਤਾਲ ਵਿੱਚ ਇਲਾਜ ਲਈ ਦਾਖਲ ਗਊਆਂ ਲਈ ਦਵਾਈਆਂ ਤੇ ਹੋਰ ਸਹਾਇਤਾ ਲਈ ਜਾਗੁਰਿਕ ਕਰਨ ਤੇ ਸਹਿਯੋਗ ਲੈਣ ਦੇਣ ਦਾ ਹੈ।ਉਨਾ ਦੱਸਿਆ ਕਿ ਸਵੇਰੇ ਕੱਢੀ ਗਈ ਇਸ ਪ੍ਰਭਾਤ ਫੇਰੀ ਨੂੰ ਪਿੰਡ ਜੰਡੀ ਦੇ ਹਰ ਵਰਗ ਤੋ ਭਰਵਾਂ ਸਹਿਯੋਗ ਮਿਿਲਆਂ ਹੈ।ਉਨਾ ਸੰਗਤਾਂ ਨੂੰ ਅਪੀਲ ਕਰਦਿਆ ਕਿਹਾ ਕਿ ਉਹ ਜਖਮੀ ਬੇਸਹਾਰਾ ਗਉਆਂ ਦੇ ਇਲਾਜ ਤੇ ਸੰਭਾਲ ਲਈ ਬਣਦਾ ਸਹਿਯੋਗ ਦੇਣ।ਇਸ ਮੌਕੇ ਕੈਪਟਨ ਦਰਸਨ ਸਿੰਘ,ਬੀਬੀ ਹਰਬੰਸ ਕੌਰ ਯੂ.ਕੇ,ਅਜਮੇਰ ਸਿੰਘ ਖਾਲਸਾ,ਕਮਿੱਕਰ ਸਿੰਘ ਯੂ.ਐਸ਼.ਏ,ਸਾਬਕਾ ਸਰਪੰਚ ਜਗਰਾਜ ਸਿੰਘ,ਚਮਕੌਰ ਸਿੰਘ,ਚਰਨ ਸਿੰਘ,ਜਗਮੋਹਨ ਸਿੰਘ,ਗਿਆਨੀ ਚਮਕੌਰ ਸਿੰਘ,ਪੰਚ ਸੁਖਦੇਵ ਸਿੰਘ,ਪੰਚ ਸੁਖਜੀਤ ਸਿੰਘ,ਸੁਖਦੇਵ ਸਿੰਘ,ਮਾਸਟਰ ਹਰਦੇਵ ਸਿੰਘ,ਰਣਵੀਰ ਸਿੰਘ ਜੈਲਦਾਰ,ਗੁਰਜੀਤ ਸਿੰਘ ਸਮੇਤ ਵੱਡੀ ਗਿਣਤੀ ਵਿੱਚ ਨਗਰ ਦੀਆਂ ਸੰਗਤਾਂ ਹਾਜਿਰ ਸਨ।