ਕਾਉਂਕੇ ਕਲਾਂ,ਜਨਵਰੀ 2020- ( ਜਸਵੰਤ ਸਿੰਘ ਸਹੋਤਾ)-
ਪੰਜਾਬ ਸਰਕਾਰ ਦੀਆ ਨਲਾਇਕੀਆਂ ਖਿਲਾਫ ਸੂਬੇ ਭਰ ਦੀਆਂ ਸਮੱੁਚੀਆਂ ਕਿਸਾਨ ਮਜਦੂਰ ਜੱਥੇਬੰਦੀਆਂ ਵੱਲੋ ਅੱਜ ਸਰਕਾਰ ਖਿਲਾਫ ਕੀਤੇ ਜਾ ਰਹੇ ਰੋਸ ਪ੍ਰਦਰਸਨਾਂ ਦਾ ਸਮਰਥਨ ਕੀਤਾ ਜਾਵੇਗਾ ਤੇ ਇੰਨਾਂ ਰੋਸ ਪ੍ਰਦਰਸਨਾ ਵਿੱਚ ਸੂਬਾ ਸਰਕਾਰ ਦੀਆਂ ਲੋਕ ਮਾਰੂ ਨੀਤੀਆਂ ਨੂੰ ਜੱਥੇਬੰਦੀਆਂ ਜਨਤਕ ਵੀ ਕਰਨਗੀਆਂ।ਇਹ ਟਿੱਪਣੀ ਅੱਜ ਜਗਰਾਓ ਹਲਕੇ ਤੋ ਯੂਥ ਅਕਾਲੀ ਦਲ ਦੇ ਸੀਨੀਅਰ ਵਰਕਰ ਜੱਗਾ ਸਿੰਘ ਸੇਖੋ ਨੇ ਕਰਦਿਆ ਕਿਹਾ ਕਿ ਸਰਕਾਰ ਨੇ ਭਾਵੇਂ ਝੂਠ ਦੇ ਸਹਾਰੇ ਸੱਤਾ ਤਾਂ ਹਾਸਿਲ ਕਰ ਲਈ ਪਰ ਆਪਣੀਆ ਸਾਮਰਾਜੀ ਨੀਤੀਆਂ ਕਾਰਨ ਸੂਬੇ ਨੂੰ ਕੰਗਾਲੀ ਦੀ ਕੰਗਾਰ ਤੇ ਲਿਆਂ ਖੜਾ ਕੀਤਾ ਹੈ।ਉਨਾ ਕਿਹਾ ਕਿ ਸਰਮਨਾਕ ਪਹਿਲੂ ਹੈ ਕਿ ਸਰਕਾਰ ਦੇ ਆਪਣੇ ਵਰਕਰ ਤੇ ਵਿਧਾਇਕ ਹੀ ਸਰਕਾਰੀ ਨੀਤੀਆਂ ਤੇ ਕੰੰਮਾਂ ਦਾ ਵਿਰੋਧ ਕਰ ਰਹੇ ਹਨ।ਉਨਾ ਕਿਹਾ ਕਿ ਕਿਸਾਨ ਖੁਦਕਸੀਆ ਕਰ ਰਹੇ ਹਨ,ਨੌਜਵਾਨ ਬੇਰੁਜਗਾਰੀ ਦਾ ਸੰਤਾਪ ਭੋਗ ਰਹੇ ਹਨ,ਗਰੀਬ ਵਰਗ ਨੂੰ ਬਣਦਾ ਲਾਭ ਤੇ ਇਨਸਾਫ ਨਹੀ ਮਿਲ ਰਿਹਾ,ਜਾਰੀ ਸੂਹਲਤਾਂ ਤੇ ਰੋਕ ਲਾਈ ਜਾ ਰਹੀ ਹੈ,ਸਰਕਾਰੀ ਕਰਮਚਾਰੀਆਂ ਨੂੰ ਤਨਖਾਹ ਨਹੀ ਮਿਲ ਰਹੀ ਸਮੇਤ ਹੋਰਨਾ ਘਟੀਆਂ ਪੱਧਰ ਦੀਆ ਨੀਤੀਆਂ ਕਾਰਨ ਪੰਜਾਬ ਵਿੱਚ ਕਿਸੇ ਵੀ ਲਾਭਕਾਰੀ ਨਿਵੇਸ ਦੀ ਕੋਈ ਉਮੀਦ ਰਹਿ ਨਹੀ ਗਈ।ਉਨਾ ਕਿਹਾ ਕਿ ਸਰਕਾਰੀ ਨੀਤੀਆਂ ਦੇ ਸੰਤਾਪ ਕਾਰਨ ਰੋਜਾਨਾ 40 ਦੇ ਕਰੀਬ ਕਿਸਾਨ ਮਜਦੂਰ ਖੁਦਕਸੀਆਂ ਕਰ ਰਹੇ ਹਨ।ਉਨਾ ਕਿਹਾ ਕਿ ਸਰਕਾਰ ਕਿਸਾਨ ਮਜਦੂਰਾਂ ਦੀਆ ਸਮੱਸਿਆਵਾਂ ਨੂੰ ਸੰਜੀਦਾ ਤਰੀਕੇ ਨਾਲ ਹੱਲ ਕਰਨ ਨੂੰ ਤਰਜੀਹ ਦੇਵੇ।
