ਟੱਲੇਵਾਲ/ ਬਰਨਾਲਾ,ਨਵੰਬਰ 2019-(ਗੁਰਸੇਵਕ ਸੋਹੀ)- ਥਾਣਾ ਟੱਲੇਵਾਲ ਅਧੀਨ ਆਉਂਦੇ ਪਿੰਡ ਬੀਹਲਾ ਨਜਦੀਕ ਗਹਿਲਾਂ-ਬੀਹਲਾ ਲਿੰਕ ਸੜਕ ਤੇ ਹੋਏ ਹਾਦਸੇ ਦੌਰਾਨ ਦੋ ਨਬਾਲਿਗ ਬੱਚਿਆ ਲੜਕੇ ਦੀ ਲੜਕੀ ਦੀ ਮੌਤ ਹੋ ਗਈ ਅਤੇ ਪਤੀ ਪਤਨੀ ਗੰਭੀਰ ਜਖਮੀ ਹੋ ਗਏ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਟੱਲੇਵਾਲ ਇੰਚਾਰਜ ਮੈਡਮ ਅਮਨਦੀਪ ਕੌਰ ਨੇ ਦੱਸਿਆ ਕਿ ਜਸਪਾਲ ਸਿੰਘ ਵਾਸ਼ੀ ਗੇਂਦਵਾਲ (ਲੁਧਿਆਣਾ) ਟੱਲੇਵਾਲ ਦੇ ਰਾਜ ਪੈਲੇਸ ਵਿਖੇ ਆਪਣੀ ਰਿਸਤੇਦਾਰ ਲੜਕੀ ਦੇ ਵਿਆਹ ਵਿਚ ਸਾਮਿਲ ਹੋਣ ਲਈ ਆਪਣੀ ਪਤਨੀ , ਲੜਕੇ ਤੇ ਰਿਸਤੇਦਾਰੀ ਵਿਚੋਂ ਲੱਗਦੀ ਭਾਣਜੀ ਸਮੇਤ ਆਇਆ ਹੋਇਆ ਸੀ ਅਤੇ ਵਾਪਸ ਜਾਣ ਸਮੇਂ ਜਦ ਉਹ ਪਿੰਡ ਬੀਹਲਾ ਲੰਘ ਕੇ ਬੀਹਲਾ -ਗਹਿਲਾਂ ਲਿੰਕ ਰੋਡ ਤੇ ਤੇ ਜਾ ਰਿਹਾ ਸੀ ਤਾਂ ਇਸੇ ਹੀ ਪਾਸੇ ਤੋਂ ਇੱਟਾਂ ਨਾਲ ਭਰੇ ਟਰੈਕਟਰ ਨਾਲ ਉਨ•ਾਂ ਦੇ ਸਕੂਟਰ ਦਾ ਹਾਦਸਾ ਹੋ ਗਿਆ ਅਤੇ ਜਸਪਾਲ ਸਿੰਘ ਲੜਕਾ ਹਰਸਦੀਪ ਸਿੰਘ 9 ਸਾਲ ਅਤੇ ਉਸ ਦੀ ਭਾਣਜੀ ਕੋਮਲਪ੍ਰੀਤ ਕੌਰ 11 ਟਰੈਕਟਰ ਦੇ ਥੱਲੇ ਆ ਕੇ ਬੁਰੀ ਤਰਾਂ੍ਰ ਕੁਚਲੇ ਗਏ ਅਤੇ ਇਸ ਦਰਦਨਾਕ ਹਾਦਸੇ ਦੌਰਾਨ ਦੋਵੇਂ ਬੱਚਿਆਂ ਮੌਕੇ ਤੇ ਹੀ ਮੌਤ ਹੋ ਗਈ ਅਤੇ ਜਸਪਾਲ ਸਿੰਘ ਤੇ ਉਸ ਦੀ ਪਤਨੀ ਗੰਭੀਰ ਜਖਮੀ ਹੋ ਗਏ ਜਿੰਨ•ਾਂ ਨੂੰ ਸਿਵਲ ਹਸਪਤਾਲ ਬਰਨਾਲਾ ਵਿਖੇ ਲਿਜਾਇਆ ਗਿਆ ਹੈ। ਘਟਨਾ ਸਥਾਨ ਤੇ ਡੀ.ਐਸ.ਪੀ ਮਹਿਲ ਕਲ•ਾਂ ਮੈਡਮ ਪ੍ਰਗਿਆ ਜੈਨ ਵੀ ਪਹੁੰਚੇ । ਮੈਡਮ ਅਮਨਦੀਪ ਕੌਰ ਨੇ ਦੱਸਿਆ ਕਿ ਪੁਲਿਸ ਅਗਲੇਰੀ ਕਾਰਵਾਈ ਕਰ ਰਹੀ ਹੈ।
