ਪ੍ਰੋਫ਼ੈਸਰ ਮੋਹਨ ਸਿੰਘ ਕੌਮਾਂਤਰੀ ਪੰਜਾਬੀ ਸੱਭਿਆਚਾਰਕ ਮੇਲਾ ਸਮਾਪਤ

ਫੱਲੇਵਾਲ/ਮੰਡੀ ਅਹਿਮਦਗੜ੍ਹ,ਨਵੰਬਰ 2019- ( ਗੁਰਸੇਵਕ ਸੋਹੀ )-

ਜਗਦੇਵ ਸਿੰਘ ਜੱਸੋਵਾਲ ਯਾਦਗਾਰੀ 41ਵਾਂ ਪ੍ਰੋਫ਼ੈਸਰ ਮੋਹਨ ਸਿੰਘ ਕੌਮਾਂਤਰੀ ਪੰਜਾਬੀ ਸੱਭਿਆਚਾਰਕ ਮੇਲਾ ਇੱਥੋਂ ਨੇੜਲੇ ਪਿੰਡ ਫੱਲੇਵਾਲ ਦੇ ਗੁਰੂ ਹਰਕ੍ਰਿਸ਼ਨ ਕਾਲਜ ਵਿਚ ਸਮਾਪਤ ਹੋ ਗਿਆ।
ਕਾਲਜ ਦੀ ਪ੍ਰਬੰਧਕੀ ਕਮੇਟੀ ਦੇ ਚੇਅਰਮੈਨ ਅਤੇ ਪ੍ਰੋਫ਼ੈਸਰ ਮੋਹਨ ਸਿੰਘ ਮੈਮੋਰੀਅਲ ਫਾਊਂਡੇਸ਼ਨ ਦੇ ਪ੍ਰਧਾਨ ਪਰਗਟ ਸਿੰਘ ਗਰੇਵਾਲ ਦੀ ਅਗਵਾਈ ਹੇਠ ਗੁਲਜ਼ਾਰ ਸਿੰਘ ਸੰਧੂ ਨੂੰ ‘ਡਾ. ਮਹਿੰਦਰ ਸਿੰਘ ਰੰਧਾਵਾ ਯਾਦਗਾਰੀ ਪੁਰਸਕਾਰ’, ਨਵਦੀਪ ਸਿੰਘ ਗਿੱਲ ਨੂੰ ‘ਬਾਲ ਕ੍ਰਿਸ਼ਨ ਸਿੰਘ ਗਰੇਵਾਲ ਯਾਦਗਾਰੀ ਖੇਡ ਪੁਰਸਕਾਰ’, ਲੋਕ ਸਭਾ ਮੈਂਬਰ ਮੁਹੰਮਦ ਸਦੀਕ ਨੂੰ ‘ਭਾਈ ਮਰਦਾਨਾ ਯਾਦਗਾਰੀ ਪੁਰਸਕਾਰ’, ਤੀਰਥ ਸਿੰਘ ਢਿੱਲੋਂ ਨੂੰ ‘ਅਲਬੇਲ ਸਿੰਘ ਸੰਚਾਰ ਸ੍ਰੀ ਪੁਰਸਕਾਰ’, ਬਲਵੀਰ ਸਿੰਘ ਮਾਧੋਪੁਰ ਨੂੰ ‘ਪ੍ਰਿੰਸੀਪਲ ਸੰਤ ਸਿੰਘ ਸੇਖੋਂ ਪੁਰਸਕਾਰ’, ਡਾ. ਸਾਵਲ ਧਾਮੀ ਨੂੰ ‘ਅੰਮ੍ਰਿਤਾ ਪ੍ਰੀਤਮ ਜਨਮ ਸ਼ਤਾਬਦੀ ਪੁਰਸਕਾਰ’, ਗਾਇਕ ਪੰਮਾ ਡੂਮੇਵਾਲ ਨੂੰ ‘ਜਗਦੇਵ ਸਿੰਘ ਜੱਸੋਵਾਲ ਯਾਦਗਾਰੀ ਪੁਰਸਕਾਰ’ ਅਤੇ ਹਰਜੀਤ ਕੌਰ ਢੀਂਡਸਾ ਨੂੰ ‘ਡਾਕਟਰ ਅਜਮੇਰ ਸਿੰਘ ਯਾਦਗਾਰੀ ਪੁਰਸਕਾਰ’ ਨਾਲ ਸਨਮਾਨਿਆ।