ਭਾਰਤ ਵੇਚਣ ਵਾਲੇ ਦੋ ਨੇ।
ਨਾਢੂ ਖਾਂ ਦੇ ਸਾਲੇ ਦੋ ਨੇ।
ਦੇਸ਼ ਨੂੰ ਵੇਚਣ ਵਾਲੇ ਦੋ ਨੇ।
ਅਰਕ ਨਿਚੋੜਿਆ ਧਰਮਾਂ ਵਾਲਾ,
ਸੌੜੀਆਂ ਸੋਚਾਂ ਵਾਲੇ ਦੋ ਨੇ।
ਅਕਲ ਆਉਣੀ ਤਾਂ ਗੱਲ ਦੂਰ ਦੀ,
ਮੂੰਹ ਤੇ ਲਾਉਂਦੇ ਤਾਲੇ ਦੋ ਨੇ।
ਵਿਕ ਰਿਹਾ ਏ ਹੌਲੀ-ਹੌਲੀ ,
ਖਰੀਦਣ ਵਾਲੇ ਲਾਲੇ ਦੋ ਨੇ।
ਵਿਸ਼ਵ ਗੁਰੂ ਬਣ ਮੇਲਾ ਲੁੱਟਦੇ,
ਲੋਕਾਂ ਲੀਡਰ ਭਾਲੇ ਦੋ ਨੇ।
ਗੁੱਝੀ ਰਮਜ਼ ਨਾ ਪੱਲੇ ਪੈਂਦੀ,
ਨਿੱਤ ਦੇ ਘਾਲੇ ਮਾਲੇ ਦੋ ਨੇ।
ਰਾਜੇ ਅੰਨ੍ਹੇ ਗੂੰਗੇ ਬਹਿਰੇ,
ਐਪਰ ਦਿਲ ਦੇ ਕਾਲੇ ਦੋ ਨੇ।
ਗੁੰਡਾਗਰਦੀ ਰਹਿਣ ਕਰਾਉਂਦੇ,
ਗੁੰਡੇ ਪਾਲਣ ਵਾਲੇ ਦੋ ਨੇ।
ਤੂੰ ਵੀ " ਰਾਜਨ" ਰਹੀਂ ਚੁਕੰਨਾ ,
ਅਕਲੋਂ ਗੰਜੇ ਹਾਲੇ ਦੋ ਨੇ।
ਰਜਿੰਦਰ ਸਿੰਘ ਰਾਜਨ
ਡੀਸੀ ਕੋਠੀ ਰੋਡ ਸੰਗਰੂਰ
9876184954
