ਦੁਨੀਆਂ ਭਰ ਵਿੱਚ ਮਾਂ ਦਿਵਸ ਮਨਾਇਆ ਜਾਂਦਾ ਹੈ। ਲੜਕਾ ਅਤੇ ਲੜਕੀ ਲਈ ਮਾਂ ਦਾ ਮਹੱਤਵ ਬਰਾਬਰ ਹੁੰਦਾ ਹੈ। ਦੋਨਾਂ ਦੀ ਜ਼ਿੰਦਗੀ ਮਾਂ ਬਿਨਾਂ ਅਧੂਰੀ ਹੈ। ਇੱਕ ਮਾਂ ਹੋਣ ਦੇ ਨਾਤੇ ਔਰਤ ਹੋਰ ਵੀ ਕਈ ਰਿਸ਼ਤੇ ਨਿਭਾਉਂਦੀ ਹੈ ਜਿਵੇਂ - ਬੇਟੀ,ਨੂੰਹ,ਪਤਨੀ ਆਦਿ। ਪਰ ਕੀ ਸਿਰਫ਼ ਮਾਂ ਦਿਵਸ ਤੇ ਹੀ ਮਾਂ ਨਾਲ਼ ਫੋਟੋਆ, ਸ਼ਾਇਰੀ ਯਾਦ ਆਉਂਦੀ ਹੈ।ਅਗਲੇ ਦਿਨ ਹੀ ਮਾਂ ਪ੍ਰਤੀ ਜੋ ਸਾਡੇ ਫਰਜ਼ ਨੇ ਉਹ ਅਸੀਂ ਭੁੱਲ ਜਾਂਦੇ ਹਾਂ।ਇਸਦਾ ਮਤਲਬ ਤਾਂ ਮਾਂ ਦਾ ਸਿਰਫ਼ ਇਕ ਦਿਨ ਹੀ ਹੋਇਆ।
ਮੇਰੇ ਹਿਸਾਬ ਨਾਲ ਮਾਂ ਦਿਵਸ ਦਾ ਦਿਨ ਭਟਕੇ ਹੋਏ ਇਨਸਾਨਾਂ ਨੂੰ ਸਹੀ ਰਾਹ ਦੇਣਾ ਹੈ ਕਿ ਉਸਦੇ ਜੋ ਫਰਜ਼ ਹਨ ਨਿਭਾਵੇ।ਅਸੀਂ ਅੱਜ ਕੱਲ੍ਹ ਦੇਖਦੇ ਹਾਂ ਬਿਰਧ ਆਸ਼ਰਮ ਹਰ ਸ਼ਹਿਰ ਵਿੱਚ ਹਨ ਕੀ ਉੱਥੇ ਮਾਵਾਂ ਨਹੀਂ?ਜਦੋਂ ਅਸੀਂ ਆਪਣੇ ਮਾਂ - ਬਾਪ ਨੂੰ ਉੱਥੇ ਛੱਡ ਕੇ ਆਉਂਦੇ ਹਾਂ ਓਦੋਂ ਸਾਡੇ ਮਾਂ ਦਿਵਸ ਕਿੱਥੇ ਹੁੰਦੇ ਹਨ?
ਇਹ ਮਾਂ ਦਿਵਸ ਤਾਂ ਮਨਾਇਆ ਜਾਂਦਾ ਹੈ ਕਿ ਜੋ ਮਾਂ ਆਪਣੀ ਸਾਰੀ ਜ਼ਿੰਦਗੀ ਆਪਣੇ ਘਰ ਅਤੇ ਬੱਚਿਆਂ ਨੂੰ ਸਮਰਪਿਤ ਕਰਦੀ ਹੈ ਕਦੇ ਉਸ ਲਈ ਵੀ ਦਿਨ ਹੋਏ ਕਿ ਜਿਸ ਦਿਨ ਉਹ ਆਪਣੀ ਜ਼ਿੰਦਗੀ ਦਾ ਅਹਿਮ ਪਲ ਮਨਾ ਸਕੇ। ਤੁਸੀਂ ਦੇਖਦੇ ਹੋਵੋਂਗੇ ਕਿ ਕਈ ਘਰਾਂ ਵਿੱਚ ਕੇਕ ਕੱਟ ਕੇ, ਸ਼ੂਟ ਦੇ ਕੇ ਜਾਂ ਜੋ ਚੀਜ਼ ਮਾਂ ਨੂੰ ਪਸੰਦ ਹੁੰਦੀ ਹੈ ਉਹ ਦੇ ਕੇ,ਮਾਂ ਸ਼ਰਮਾਉਂਦੀ ਵੀ ਹੈ ਅਤੇ ਅੰਦਰੋ ਅੰਦਰੀ ਖੁਸ਼ੀ ਮਾਰੇ ਭੁੱਬਾ ਵੀ ਉਛਾਲੇ ਮਾਰ ਰਹੀਆਂ ਹੁੰਦੀਆਂ ਹਨ।ਪਰ ਮਾਂ ਨੂੰ ਇਨ੍ਹਾਂ ਸਭ ਚੀਜਾਂ ਨਾਲੋਂ ਇੱਕ ਚੰਗਾ ਇਨਸਾਨ ਬਣ ਕੇ ਦਿਖਾਵੋ ਤਾਂ ਕੇ ਪੂਰੇ ਸਮਾਜ ਵਿੱਚ ਨਜ਼ਰਾ ਚੁੱਕ ਕੇ ਤੁਰ ਸਕੇ,ਨਾ ਕੇ ਨਸ਼ਿਆ ਜਾਂ ਸਮਾਜਿਕ ਬੁਰਾਈਆਂ ਨੂੰ ਅਪਣਾ ਕੇ ਉਨ੍ਹਾਂ ਦਾ ਸਿਰ ਝੁਕਾਓ।
ਫਿਰ ਹਰ ਦਿਨ ਹੀ ਉਸ ਲਈ ਅਤੇ ਤੁਹਾਡੇ ਲਈ ਮਾਂ ਦਿਵਸ ਹੋਵੇਗਾ।
ਸਭ ਤੋਂ ਪਹਿਲਾ ਮੇਰੀ ਭਾਰਤ ਮਾਂ ਅਤੇ ਪੂਰੇ ਭਾਰਤ ਵਿੱਚ ਰਹਿ ਰਹੀਆਂ ਮਾਤਾਵਾਂ ਨੂੰ ਸ਼ੁਭਕਾਮਨਾਵਾਂ।
ਪੂਜਾ
ਸ਼ਹਿਰ - ਰਤੀਆ (ਹਰਿਆਣਾ)
9815591967
