ਤਲਵੰਡੀ ਸਾਬੋ, 24 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਸ਼੍ਰੀ ਦਮਦਮਾ ਸਾਹਿਬ ਸਾਹਿਤ ਸਭਾ ਤਲਵੰਡੀ ਸਾਬੋ ਦੇ ਉੱਘੇ ਸਾਹਿਤਕਾਰ ਵੈਦ ਵਿਨੋਦ ਕੁਮਾਰ ਜੀ ਦੇ ਆਕਾਲ ਚਲਾਣਾ ਕਰ ਜਾਣ 'ਤੇ ਸ੍ਰੀ ਦਮਦਮਾ ਸਾਹਿਬ ਸਾਹਿਤ ਸਭਾ ਤਲਵੰਡੀ ਸਾਬੋ ਦੇ ਅਹੁਦੇਦਾਰਾਂ ਅਤੇ ਸਮੂਹ ਮੈਂਬਰਾਨ ਨੇ ਗਹਿਰੇ ਦੁੱਖ ਦਾ ਇਜ਼ਹਾਰ ਕੀਤਾ। ਇਸ ਮੌਕੇ ਜਨਕ ਰਾਜ ਜਨਕ, ਕਰਨਦੀਪ ਸੋਨੀ, ਰਣਜੀਤ ਬਰਾੜ, ਦਿਲਜੀਤ ਬੰਗੀ, ਕੁਲਦੀਪ ਸਿੰਘ ਬੰਗੀ, ਅਮਰਜੀਤ ਸਿੰਘ ਜੀਤ, ਸੁਖਮਿੰਦਰ ਸਿੰਘ ਭਾਗੀਵਾਂਦਰ, ਐਡਵੋਕੇਟ ਮਹਿਬੂਬ ਅਲੀ, ਸ਼ਾਇਰ ਮਾਨ ਬੀਬੜੀਆਂ, ਤਰਸੇਮ ਬੁੱਟਰ, ਬਲਵਿੰਦਰ ਸਿੰਘ ਬਾਘਾ, ਕੁਲਵਿੰਦਰ ਚਾਨੀ, ਗੁਰਜੰਟ ਸਿੰਘ ਸੋਹਲ ਅਤੇ ਇਲਾਕੇ ਦੇ ਹੋਰ ਬਹੁਤ ਸਾਰੇ ਸਾਹਿਤਕਾਰਾਂ ਨੇ ਵੈਦ ਜੀ ਦੇ ਤੁਰ ਜਾਣ 'ਤੇ ਸਾਹਿਤਕ ਖੇਤਰ ਵਿਚ ਵੱਡਾ ਘਾਟਾ ਦੱਸਿਆ। ਇੱਕ ਸ਼ੋਕ ਪਤਾ ਪਾ ਕੇ ਜਿੱਥੇ ਵਿਛੜੀ ਰੂਹ ਨੂੰ ਸ਼ਰਧਾਂਜਲੀ ਭੇਂਟ ਕੀਤੀ ਉਥੇ ਕਿਹਾ ਕਿ ਵਿਨੋਦ ਕੁਮਾਰ ਜੀ ਅਕਸਰ ਹੀ ਸਾਹਿਤ ਸਭਾ ਦੀਆਂ ਸਾਰੀਆਂ ਗਤੀਵਿਧੀਆਂ 'ਚ ਸ਼ਮੂਲੀਅਤ ਕਰਦੇ ਸਨ ਜਿਸ ਕਰਕੇ ਜਿਥੇ ਪਰਿਵਾਰ ਨੂੰ ਘਾਟਾ ਪਿਆ ਹੈ ਉਥੇ ਹੀ ਸਾਹਿਤ ਸਭਾ ਨੂੰ ਗ਼ਮ ਹੈ।
