ਤਲਵੰਡੀ ਸਾਬੋ, 13 ਫਰਵਰੀ (ਗੁਰਜੰਟ ਸਿੰਘ ਨਥੇਹਾ)- ਗੁਰੂ ਕਾਸ਼ੀ ਯੂਨੀਵਰਸਿਟੀ ਦੇ ਮਨੁੱਖੀ ਸਰੋਤ ਵਿਕਾਸ ਸੈੱਲ ਵੱਲੋਂ ਈ-ਕੰਟੈਂਟ ਡਿਵੇਲਪਮੈਂਟ ਵਿਸ਼ੇ ਤੇ ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ। ਵਰਕਸ਼ਾਪ ਦੇ ਆਗਾਜ਼ ਮੌਕੇ ਮੁੱਖ ਮਹਿਮਾਨ ਪ੍ਰੋ. (ਡਾ.) ਐਸ.ਕੇ.ਬਾਵਾ, ਉਪ ਕੁਲਪਤੀ ਨੇ ਫੈਕਲਟੀ ਮੈਂਬਰਾਂ ਤੇ ਹਾਜ਼ਰੀਨ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਆਉਣ ਵਾਲੇ ਸਮਾਂ ਸਵੈ-ਨਿਰਦੇਸ਼ਿਤ ਸਿੱਖਲਾਈ ਤੇ ਕੇਂਦਰਿਤ ਹੋਵੇਗਾ। ਹੁਣ ਸਿੱਖਣ ਦੀ ਪ੍ਰਕਿਰਿਆ ਹਰ ਵੇਲੇ, ਹਰ ਥਾਂ, ਹਰ ਵਕਤ ਤਾਰਹੀਣ ਸਾਧਨਾਂ ਰਾਹੀਂ ਹਵੇਗੀ। ਇਸ ਨੂੰ ਮਦਦ ਕਰਨ ਲਈ ਈ-ਕੰਟੈਂਟ ਦੀ ਲੋੜ ਪਵੇਗੀ | ਉਨ੍ਹਾਂ ਕਿਹਾ ਕਿ ਅਧਿਆਪਕਾਂ ਨੂੰ ਕੰਪਿਊਟਰ ਅਤੇ ਈ-ਸਮੱਗਰੀ ਦੇ ਮਹੱਤਵ ਬਾਰੇ ਜਾਣਕਾਰੀ ਦੇਣਾ ਵਰਕਸ਼ਾਪ ਦਾ ਮੰਤਵ ਹੈ। ਗੁਰੂ ਜੰਬੇਸ਼ਵਰ ਯੂਨੀਵਰਸਿਟੀ ਆਫ਼ ਸਾਇੰਸ ਐਂਡ ਟੈਕਨਾਲੋਜੀ ਦੇ ਵਿਸ਼ਾ ਮਾਹਿਰ ਅਤੇ ਕੂੰਜੀਵੱਤ ਬੁਲਾਰੇ ਡਾ . ਵੰਦਨਾਂ ਪੂਨੀਆ ਨੇ ਈ-ਕੰਟੈਂਟ ਦੇ ਚਾਰ ਪਲੇਟਫਾਰਮ ਸ੍ਵਯਮ, ਈ.ਡੀ. ਐਕਸ, ਕੋਰਸਿਰਾ ਤੇ ਉਡੇਸਿਟੀ ਬਾਰੇ ਫੈਕਲਟੀ ਮੈਂਬਰਾਂ ਨੂੰ ਜਾਣਕਾਰੀ ਦਿੱਤੀ। ਉਨ੍ਹਾਂ ਵਿਸ਼ੇਸ਼ ਤੌਰ 'ਤੇ ਸਾਫਟਵੇਅਰ ਕੈਨਵਸ ਤੇ ਤਕਨੀਕੀ ਪੱਖਾਂ ਤੇ ਫਾਇਦਿਆਂ ਦੀ ਜਾਣਕਾਰੀ ਦਿੱਤੀ ਤੇ ਦੱਸਿਆ ਕਿ ਇਸ ਦੀ ਮਦਦ ਨਾਲ ਉੱਚ ਕੋਟੀ ਦਾ ਈ-ਕੰਟੈਂਟ ਕਿਵੇਂ ਇਕੱਠਾ ਕੀਤਾ ਜਾ ਸਕਦਾ ਹੈ। ਵਰਕਸ਼ਾਪ ਵਿੱਚ 171 ਫੈਕਲਟੀ ਮੈਂਬਰਾਂ ਨੇ ਹਿੱਸਾ ਲਿਆ। ਸਭਨਾਂ ਦਾ ਧੰਨਵਾਦ ਕਰਦੇ ਹੋਏ ਡਾ. ਜਗਤਾਰ ਸਿੰਘ, ਚੇਅਰਮੈਨ, ਮਨੁੱਖੀ ਸਰੋਤ ਵਿਕਾਸ ਸੈੱਲ ਨੇ ਵਿਦਿਆ
