ਦੂਜੇ ਦੇ ਅਫਸੋਸ ਤੇ ਚੁੱਪ ਕਰ ਕੇ ਬਹਿ ਜਾਂਦੇ ਨੇ ।
ਆਪਣੇ ਤੇ ਆਪ ਹੀ ਨੈਣਾਂ ਚੋ ਹੰਝੂ ਬਹਿ ਜਾਂਦੇ ਨੇ ।
ਰੂਹਾਂ ਦਾ ਮੋਹ ਹੱਡਾਂ ਚਂ ਸਦਾ ਅੰਗ ਸੰਗ ਰਹਿਦਾ ,
ਮੁੱਲ ਦੇ ਪਿਆਰ ਕੱਚੇ ਰੰਗ ਵਾਂਗ ਲਹਿ ਜਾਂਦੇ ਨੇ ।
ਚੁੱਪ ਦਾ ਜਿੰਦਾ ਖੁੱਲਦਾ ਨਹੀਂ ਬੁੱਲਾਂ ਤੇ ਲਾਇਆ ,
ਸੱਜਣਾਂ ਨੂੰ ਨੈਣ ਦੂਰੋਂ ਬਹੁਤ ਕੁਝ ਕਹਿ ਜਾਂਦੇ ਨੇ ।
ਅਧੂਰੀ ਪਈ ਕਹਾਣੀ ਵਾਂਗ ਚਾਅ ਮੁਰਝਾ ਜਾਂਦੇ ,
ਜਦੋ ਸੱਚੇ ਹਮਸਫ਼ਰ ਅੱਧਵਾਟੇ ਰਹਿ ਜਾਂਦੇ ਨੇ ।
ਉਹਨਾਂ ਦੀ ਛੋਹ ਨਾਲ ਹੀ ਕੰਬਣੀ ਛਿੜ ਜਾਂਦੀ ਏ ,
ਭੁੱਲ ਭੁਲੇਖੇ ਕਿਤੇ ਦਿਲਵਰ ਨਾਲ ਖਹਿ ਜਾਂਦੇ ਨੇ ।
ਸੱਤੀ ਵਰਗੇ ਜਦ ਸੋਚਾਂ ਵਿੱਚ ਮਹਿਲ ਬਣਾਉਂਦੇ ਨੇ ,
ਬੱਸ ਫੋਟੋ ਨਾਲ ਕਰ ਗੱਲਾਂ ਲਿਖਣ ਬਹਿ ਜਾਂਦੇ ਨੇ ।
ਸੱਤੀ ਉਟਾਲਾਂ ਵਾਲਾ , ਸ਼ਹੀਦ ਭਗਤ ਸਿੰਘ ਨਗਰ 90564-36733
