ਹਰ ਵਰਗ ਭੁਗਤੇਗਾ ਸੰਧੂ ਦੇ ਹੱਕ ਚ—ਸਰਪੰਚ ਪਮਾਲੀ
ਮੁੱਲਾਂਪੁਰ ਦਾਖਾ,17 ਫਰਬਰੀ(ਸਤਵਿੰਦਰ ਸਿੰਘ ਗਿੱਲ )—ਇਕ ਪਾਸੇ ਵਿਧਾਨ ਸਭਾ ਚੋਣਾਂ ਵਿੱਚ ਦੋ ਦਿਨ ਦਾ ਹੀ ਸਮਾ ਬਾਕੀ ਰਹਿ ਗਿਆ ਹੈ ਉਥੇ ਹੀ ਵੱਖ ਵੱਖ ਸਿਆਸੀ ਆਗੂਆਂ ਵੱਲੋਂ ਆਪਣੇ ਹੱਕ ਵਿੱਚ ਚੋਣ ਪ੍ਰਚਾਰ ਤੇਜ਼ ਕਰ ਦਿੱਤਾ ਗਿਆ ਹੈ। ਇਸ ਲੜੀ ਤਹਿਤ ਅੱਜ ਵਿਧਾਨ ਸਭਾ ਹਲਕਾ ਦਾਖਾ ਤੋ ਕਾਗਰਸ ਪਾਰਟੀ ਦੇ ਉਮੀਦਵਾਰ ਕੈਪਟਨ ਸੰਦੀਪ ਸੰਧੂ ਨੇ ਵੱਖ ਵੱਖ ਪਿੰਡਾਂ ਦਾ ਤੂਫ਼ਾਨੀ ਦੌਰਾ ਕੀਤਾ। ਕੈਪਟਨ ਸੰਧੂ ਜਦੋ ਪਿੰਡ ਪਮਾਲੀ ਪੁੱਜੇ ਤਾਂ ਵਿਸ਼ਾਲ਼ ਪੰਡਾਲ ਵਿੱਚ ਵੱਡੀ ਗਿਣਤੀ ਔਰਤਾਂ ਸ਼ਾਮਲ ਸਨ। ਸੰਬੋਧਨ ਕਰਨ ਉਪਰੰਤ ਪਿੰਡ ਵਾਲਿਆਂ ਨੂੰ ਕੈਪਟਨ ਸੰਧੂ ਮਿਲੇ ਅਤੇ ਆਪਣੇ ਹੱਕ ਵਿੱਚ ਵੋਟ ਪਾਉਣ ਲਈ ਬੇਨਤੀ ਕੀਤੀ। ਇਸ ਦੌਰਾਨ ਵੋਟਰਾਂ ਉਮੀਦਵਾਰ ਸੰਧੂ ਤੇ ਫੁੱਲਾਂ ਦੀ ਵਰਖਾ ਕੀਤੀ ਅਤੇ ਨਾਲ ਹੀ ਉਹਨਾ ਨੂੰ ਜੀ ਆਇਆਂ ਕਿਹਾ ਅਤੇ ਕਾਗਰਸ ਪਾਰਟੀ ਜਿੰਦਾਬਾਦ ਦੇ ਨਾਹਰੇ ਵੀ ਪਿੰਡ ਵਿੱਚ ਸੁਣਾਈ ਦਿੱਤੇ। ਸਰਪੰਚ ਸੁਖਵਿੰਦਰ ਸਿੰਘ ਪਮਾਲੀ ਨੇ ਕਿਹਾ ਕਿ ਆਜ਼ਾਦੀ ਤੋਂ ਬਾਅਦ ਜੇਕਰ ਉਹਨਾ ਦੇ ਪਿੰਡ ਦਾ ਕਿਸੇ ਨੇ ਰਿਕਾਰਡਤੋੜ ਵਿਕਾਸ ਕੀਤਾ ਹੈ ਤਾਂ ਉਹ ਕੈਪਟਨ ਸੰਦੀਪ ਸਿੰਘ ਸੰਧੂ ਨੇ ਹੀ ਕੀਤਾ ਹੈ ਜਿਸ ਕਰਕੇ ਉਹ ਕੈਪਟਨ ਸੰਧੂ ਦਾ ਧੰਨਵਾਦ ਵੀ ਕਰਦੇ ਹਨ ਅਤੇ 20 ਫਰਬਰੀ ਨੂੰ ਆਪਣੀਆਂ ਸਾਰੀਆਂ ਵੋਟਾਂ ਉਹਨਾ ਦੇ ਹੱਕ ਵਿੱਚ ਪਾਉਣ ਦੀ ਇਲਾਕੇ ਭਰ ਦੇ ਲੋਕਾਂ ਨੂੰ ਅਪੀਲ ਕਰਨਗੇ। ਕੈਪਟਨ ਸੰਧੂ ਦੱਸਿਆ ਕਿ ਮੁੱਲਾਪੁਰ ਦਾ ਬੱਸ ਅੱਡਾ ਵੀ ਉਹਨਾ ਦੀ ਸਖ਼ਤ ਮਿਹਨਤ ਦਾ ਨਤੀਜਾ ਹੈ ਕਿਊਕਿ ਬੇਸ਼ਕ ਬੱਸ ਅੱਡਾ ਬਣ ਤੇ 4 ਮਹੀਨੇ ਵਿੱਚ ਗਿਆ ਸੀ ਪਰ ਇਸ ਨੂੰ ਨੇਪਰੇ ਚੜਾਉਣ ਲਈ ਉਹਨਾ ਨੂੰ ਕਰੀਬ 1 ਸਾਲ ਮਿਹਨਤ ਕਰਨੀ ਪਈ ਹੈ । ਇਸ ਮੌਕੇ ਸਰਪੰਚ ਸੁਖਵਿੰਦਰ ਸਿੰਘ ਗੋਲੂ,ਹਰਪਾਲ ਸਿੰਘ,ਹਰਬੰਸ ਸਿੰਘ,ਕਰਮਜੀਤ ਸਿੰਘ,ਚਰਨਜੀਤ ਕੌਰ,ਹਰਬੰਸ ਸਿੰਘ ਫੋਜੀ,ਚਮਕੌਰ ਸਿੰਘ (ਸਾਰੇ ਪੰਚ),ਗੁਰਮੀਤ ਸਿੰਘ ਜੀ ਉ ਜੀ,ਕਰਮਜੀਤ ਸਿੰਘ ਸੇਖੋ,ਗੁਰਮੀਤ ਸਿੰਘ,ਹਰਬੰਸ ਸਿੰਘ,ਅਮਨਜੋਤ ਸਿੰਘ,ਪ੍ਰਧਾਨ ਪਿੰਦਰ ਸਿੰਘ ਸੇਖੋ,ਬਖਤੌਰ ਸਿੰਘ,ਅਵਤਾਰ ਸਿੰਘ,ਹਰਮੇਲ ਸਿੰਘ,ਸ਼ਿੰਗਾਰਾ ਸਿੰਘ,ਪ੍ਰੇਮ ਸਿੰਘ,ਨਰਿੰਦਰ ਸਿੰਘ ਹੈਰੀ ਅਤੇ ਮੰਨੁ ਸੇਖੋ ਆਦਿ ਹਾਜਰ ਸਨ।
