ਬਰਨਾਲਾ /ਮਹਿਲ ਕਲਾਂ- 03 ਸਤੰਬਰ ( ਗੁਰਸੇਵਕ ਸਿੰਘ ਸੋਹੀ )- ਖੇਡਾਂ ਵਤਨ ਪੰਜਾਬ ਦੀਆਂ ਤਹਿਤ ਕਰਵਾਏ ਜਾ ਰਹੇ ਵੱਖ—ਵੱਖ ਥਾਵਾਂ ਤੇ ਖੇਡਾਂ ਅੱਜ ਰੋਚਕ ਰਹੀਆਂ।ਕਬੱਡੀ ਅੰਡਰ—17 ਵਰਗ (ਲੜਕੇ) ਚ ਪਿੰਡ ਮੂੰਮ ਦੀ ਟੀਮ ਨੇ ਕੁਰੜ ਨੂੰ 48—40 ਨਾਲ ਹਰਾਇਆ।ਇਸੇ ਤਰ੍ਹਾਂ 21 ਤੋਂ 40 ਵਰਗ ਦੇ ਫਾਈਨਲ ਚ ਗਹਿਲਾਂ ਦੀ ਟੀਮ ਦੀਵਾਨਾ ਨੂੰ 23—18 ਨਾਲ ਹਰਾ ਕੇ ਜੇਤੂ ਰਹੀ।ਅੰਡਰ—21 ਚ ਪਿੰਡ ਦੀਵਾਨਾ ਦੀ ਟੀਮ ਨੇ ਕੁਰੜ ਨੂੰ ਹਰਾਇਆ।ਅੰਡਰ—21 ਦੇ ਸੈਮੀਫਾਈਨਲ ਮੈਚ ਚ ਦੀਵਾਨਾ ਦੀ ਟੀਮ ਨੇ ਪਿੰਡ ਅਮਲਾ ਸਿੰਘ ਵਾਲਾ ਨੂੰ ਹਰਾ ਕੇ 43—24 ਨਾਲ ਜਿੱਤ ਹਾਸਿਲ ਕੀਤੀ।ਰੱਸਾ —ਕੱਸੀ ਦੇ 21 ਤੋਂ 40 ਸਾਲ ਦੇ ਵਰਗ ਚ ਛੀਨੀਵਾਲ ਦੀ ਟੀਮ ਨੇ ਦੀਵਾਨਾ ਨੂੰ ਹਰਾ ਕੇ ਜਿੱਤ ਹਾਸਿਲ ਕੀਤੀ।ਰੱਸਾ ਕੱਸੀ ਅੰਡਰ—19 ਚ ਸਟੈਨਫੋਰਡ ਸਕੂਲ ਚਨੰਣਵਾਲ ਨੇ ਜਿੱਤ ਹਾਸਿਲ ਕੀਤੀ।
