ਜਗਰਾਉਂ , 26 ਮਈ ( ਮਨਜਿੰਦਰ ਗਿੱਲ ) ਕਿੰਨੇ ਉਹ ਦਿਨ ਭਾਗਾਂ ਵਾਲੇ ਹੋਣਗੇ ਬਿਆਨੀ ਨਹੀਂ ਕੀਤੀ ਜਾ ਸਕਦੀ ਜਿਸ ਦਿਨ ਚਕਰ ਪਿੰਡ ਦੇ ਵਾਸੀਆਂ ਨੇ ਇਕ ਬਹੁਤ ਹੀ ਵਧੀਆ ਉਪਰਾਲਾ ਸ਼ੁਰੂ ਕੀਤਾ ਜਦੋਂ ਅਕੈਡਮੀ ਦੀ ਸਥਾਪਨਾ ਹੋਈ । ਜਿੱਥੇ ਸਮੁੱਚੇ ਪੰਜਾਬ ਅੰਦਰ ਨਸ਼ਿਆਂ ਦੇ ਲੋਕ ਤ੍ਰਾਹ ਤ੍ਰਾਹ ਕਰਦੇ ਹਨ ਇੱਥੇ ਪਿੰਡ ਚਕਰ ਦੇ ਨੌਜਵਾਨ ਲੜਕੇ ਲੜਕੀਆਂ ਹਰ ਰੋਜ਼ ਨੈਸ਼ਨਲ ਅਤੇ ਵਰਲਡ ਲੈਵਲ ਦੇ ਮੈਡਲਾਂ ਦੇ ਨਾਲ ਸੁਰਖੀਆਂ ਵਿੱਚ ਰਹਿੰਦੇ ਹਨ । ਇਸੇ ਲੜੀ ਤਹਿਤ ਅੱਜ ਫਿਰ ਚਕਰ ਪਿੰਡ ਦੀ ਹੋਣਹਾਰ ਧੀ ਸਰਬਜੀਤ ਕੌਰ ਨੇ ਕਰਨਾਟਕ ਵਿਚ ਹੋ ਰਹੀ ਸਬ ਜੂਨੀਅਰ ਨੈਸ਼ਨਲ ਬਾਕਸਿੰਗ ਚੈਂਪਿਅਨਸ਼ਿਪ ਵਿਚ ਸਿਲਵਰ ਮੈਡਲ ਹਾਸਲ ਕੀਤਾ ।ਪ੍ਰਿੰਸੀਪਲ ਬਲਵੰਤ ਸਿੰਘ ਸਿੱਧੂ ਨੇ ਖ਼ਬਰ ਸਾਂਝੀ ਕਰਦਿਆਂ ਆਖਿਆ ਚਕਰ ਅਤੇ ਚਕਰ ਨੂੰ ਪਿਆਰ ਕਰਨ ਵਾਲਿਆਂ ਨਾਲ ਇਹ ਖਬਰ ਸਾਂਝੀ ਕਰਦਿਆਂ ਖੁਸ਼ੀ ਮਹਿਸੂਸ ਕਰ ਰਿਹਾ ਹਾਂ ਕਿ ਚਕਰ ਦੀ ਧੀ ਸਵਰੀਤ ਕੌਰ ਨੇ ਕਰਨਾਟਕਾ ਵਿਖੇ ਹੋਈ ਸਬ ਜੂਨੀਅਰ ਨੈਸ਼ਨਲ ਬਾਕਸਿੰਗ ਚੈਂਪੀਅਨਸ਼ਿਪ ਵਿੱਚ ਸਿਲਵਰ ਮੈਡਲ ਜਿੱਤਿਆ ਹੈ। ਚਕਰ ਦੀ ਇਸ ਪ੍ਰਾਪਤੀ ਲਈ ਸਭ ਸਹਿਯੋਗੀਆਂ ਦਾ ਧੰਨਵਾਦ ਕੀਤਾ ਜਾਂਦਾ ਹੈ।
