ਈਦ ਮੁਬਾਰਕ
ਤੈਨੂੰ ਸੱਜਣਾ!
ਆ ਗਲਵਕੜੀ ਪਾਈਏ!
ਪਿਆਰਾਂ ਦੀ ਗੱਲ
ਕਰੀਏ ਬੈਠਕੇ!
ਦਿਲ ਤੋਂ ਸਾਂਝ ਵਧਾਈਏ!
ਧਰਮ ਦੇ ਠੇਕੇਦਾਰਾਂ ਕੋਲੋਂ
ਇੱਕ ਪਾਸੇ,
ਹੋ ਜਾਈਏ!
ਉਨ੍ਹਾਂ ਤਾਂ ਫੁੱਟ
ਪਾਉਂਦੇ ਰਹਿਣਾ ,
ਆ 'ਕੱਠੇ ਬਹਿ ਕੇ ਖਾਈਏ!
ਵੋਟਾਂ ਲਈ ਉਨ੍ਹਾਂ
ਜਾਲ ਵਿਛਾਇਆ,
ਆਪਾਂ ਉਲਝਦੇ ਜਾਈਏ!
ਮੰਦਰ, ਮਸਜਿਦ
ਖੜ੍ਹੇ ਰਹਿਣੇ ਨੇ,
ਕਿਉਂ ਆਪਾਂ ਖੰਜਰ ਚਲਾਈਏ!
ਗਿਰਜਾਘਰ ਤੇ
ਮੱਠ ਪਿਆਰੇ,
ਗੁਰਦੁਆਰੇ ਕਿਉਂ ਢਾਹੀਏ!
ਖੂਨ ਦਾ ਰੰਗ
ਇੱਕ ਸਮਾਨ,
ਬਾਹਾਂ ਵਿੱਚ ਬਾਹਾਂ ਪਾਈਏ!
ਆ ਨਫਰਤ ਦੀਆਂ
ਕੰਧਾਂ ਢਾਹ ਕੇ,
ਤੰਦ ਪਿਆਰ ਦੀ ਪਾਈਏ !
ਮੁਹਬੱਤ ਦਾ ਪੈਗਾਮ
ਲਿਆਈ,
ਰਲਕੇ ਈਦ ਮਨਾਈਏ!
ਈਦ ਮੁਬਾਰਕ
ਤੈਨੂੰ ਸੱਜਣਾ,
ਆ ਗਲਵਕੜੀ ਪਾਈਏ!
ਈਦ ਮੁਬਾਰਕ
ਤੈਨੂੰ ਸੱਜਣਾ,
ਘੁੱਟ ਗਲਵਕੜੀ ਪਾਈਏ!
-ਸੁਖਦੇਵ ਸਲੇਮਪੁਰੀ
09780620233
3 ਮਈ, 2022.
