ਬੇਰੁਜ਼ਗਾਰੀ,ਭ੍ਰਿਸ਼ਟਾਚਾਰ,ਅਤਿਆਚਾਰ ਨੇ,
ਚਿਲਮਾਂ,ਸਮੈਕਾਂ ਚਿੱਟੇ ਦੇ ਵਪਾਰ ਨੇ,
ਚੜ੍ਹਦੀ ਜਵਾਨੀ ਦੀ ਮੰਜੀ ਠੋਕਤੀ,
ਹਾਏ ਮੇਰੇ ਦੇਸ਼ ਦੀ ਤਰੱਕੀ ਰੋਕਤੀ,
ਲੱਚਰ ਗੀਤਾਂ ਸੱਭਿਆਚਾਰ ਅਵਾਰਾ ਨੇ,
ਝੂਠੇ ਲੀਡਰਾਂ,ਸਮੇਂ ਦੀਆਂ ਸਰਕਾਰਾਂ ਨੇ,
ਸੋਨੇ ਜਿਹੇ ਦੇਸ਼ ਦੀ ਫੱਟੀ ਪੋਚਤੀ,
ਹਾਏ ਮੇਰੇ ਦੇਸ਼ ਦੀ ਤਰੱਕੀ ਰੋਕਤੀ,
ਗਰਮ ਸੁਭਾਅ,ਵੈਲਪੁਣੇ ਵਾਲੇ ਸਾਜਾਂ ਨੇ,
ਅੰਧ ਵਿਸ਼ਵਾਸ ਝੂਠੇ ਰੀਤੀ ਰਿਵਾਜਾਂ ਨੇ,
ਪੱਲੇ ਸੀ ਅਮੀਰੀ ਜੋ ਗ਼ਰੀਬੀ ਵੱਲ ਝੋਕਤੀ,
ਹਾਏ ਮੇਰੇ ਦੇਸ਼ ਦੀ ਤਰੱਕੀ ਰੋਕਤੀ,
ਨਿੱਤ ਹੀ ਹੁੰਦੇ ਧਰਨਿਆਂ ਰੋਸ ਮੁਜਾਰਿਆਂ ਨੇ,
ਅਨਪੜ,ਪੜਿਆ,ਵਿਆਹਿਆ, ਕੁਆਰਿਆ ਨੇ,
ਇਨਸਾਨੀਅਤ ਇਹਨਾਂ ਕੱਖਾਂ ਦੇ ਭਾਅ ਤੋਲਤੀ,
ਹਾਏ ਮੇਰੇ ਦੇਸ਼ ਦੀ ਤਰੱਕੀ ਰੋਕਤੀ,
ਦਾਜ-ਦਹੇਜ,ਤਲਾਕ,ਭਰੂਣ-ਹੱਤਿਆ ਨੇ,
ਥਾਣਿਆਂ ਕਚੇਹਰੀਆ ਚ ਨਿੱਤ ਪੈਂਦੇ ਧੱਕਿਆ ਨੇ,
ਜ਼ਿੰਦਗੀ ਦੀ ਬੇੜੀ ਅੱਧ ਵਿਚਕਾਰ ਡੋਬਤੀ,
ਹਾਏ ਮੇਰੇ ਦੇਸ਼ ਦੀ ਤਰੱਕੀ ਰੋਕਤੀ,
ਭੋਗਾਂ,ਵਿਆਹਾਂ ਉੱਤੇ ਹੁੰਦੇ ਫਜ਼ੂਲ ਖ਼ਰਚਾ ਨੇ,
ਜੱਟਾਂ ਸਿਰ ਚੜ੍ਹੇ ਬੇਹਿਸਾਬ ਕਰਜਾਂ ਨੇ,
ਕੁੱਝ ਮੇਹਰਬਾਨੀ ਆ"ਮੁਹਾਰਾ" ਮਾੜੀ ਸੋਚ ਦੀ,
ਹਾਏ ਮੇਰੇ ਦੇਸ਼ ਦੀ ਤਰੱਕੀ ਰੋਕਤੀ,
ਸੁਖਜਿੰਦਰ ਸਿੰਘ ਮੁਹਾਰ
ਪਿੰਡ ਮੜ੍ਹਾਕ ਜਿਲ੍ਹਾ ਫਰੀਦਕੋਟ
ਮੋਬ:98885-98350
