ਹਠੂਰ,27,ਫਰਵਰੀ-(ਕੌਸ਼ਲ ਮੱਲ੍ਹਾ)-ਅਜਾਦ ਸਪੋਰਟਸ ਐਂਡ ਵੈਲਫੇਅਰ ਕਲੱਬ ਹਠੂਰ ਦੇ ਪ੍ਰਧਾਨ ਜਸਕਮਲਪ੍ਰੀਤ ਸਿੰਘ ਦੀ ਅਗਵਾਈ ਹੇਠ ਅੱਜ ਟੂਰਨਾਮੈਟ ਕਮੇਟੀ ਦੀ ਮੀਟਿੰਗ ਹੋਈ।ਇਸ ਮੌਕੇ ਗੱਲਬਾਤ ਕਰਦਿਆ ਪ੍ਰਧਾਨ ਜਸਕਮਲਪ੍ਰੀਤ ਸਿੰਘ ਨੇ ਦੱਸਿਆ ਕਿ ਕਲੱਬ ਵੱਲੋ ਸਮੂਹ ਐਨ ਆਰ ਆਈ ਵੀਰਾ ਅਤੇ ਪਿੰਡ ਵਾਸੀਆ ਦੇ ਸਹਿਯੋਗ ਨਾਲ ਫੁੱਟਵਾਲ ਦੇ ਖਿਡਾਰੀ ਸਵ:ਨਿਰਮਲ ਸਿੰਘ ਦੀ ਯਾਦ ਨੂੰ ਸਮਰਪਿਤ 13 ਵਾਂ ਸ਼ਾਨਦਾਰ ਪੇਂਡੂ ਖੇਡ ਟੂਰਨਾਮੈਟ 2,3 ਅਤੇ 4 ਮਾਰਚ ਨੂੰ ਅਮਰਜੀਤ ਸਿੰਘ ਅੰਬੀ ਸਟੇਡੀਅਮ ਹਠੂਰ ਵਿਖੇ ਕਰਵਾਇਆ ਜਾ ਰਿਹਾ ਹੈ।ਇਸ ਟੂਰਨਾਮੈਟ ਵਿਚ ਹਾਕੀ ਪਿੰਡ ਵਾਰ,ਫੁੱਟਵਾਲ ਵਿਚ ਦੋ ਖਿਡਾਰੀ ਬਾਹਰੋ,ਵਾਲੀਵਾਲ (ਕੱਚੀ ਨਿਰੋਲ ਪਿੰਡ ਵਾਰ) ਅਤੇ ਤਾਸ਼ ਸੀਪ ਦੇ ਮੈਚ ਕਰਵਾਏ ਜਾਣਗੇ।ਉਨ੍ਹਾ ਦੱਸਿਆ ਕਿ ਜੇਤੂ ਟੀਮਾ ਨੂੰ ਦਿਲ ਖਿੱਚਵੇ ਇਨਾਮ ਦੇ ਕੇ ਸਨਮਾਨਿਤ ਕੀਤਾ ਜਾਵੇਗਾ।ਉਨ੍ਹਾ ਇਲਾਕਾ ਨਿਵਾਸੀਆ ਨੂੰ ਇਸ ਪੇਡੂ ਖੇਡ ਮੇਲੇ ਵਿਚ ਪਹੁੰਚਣ ਦਾ ਖੁੱਲਾ ਸੱਦਾ ਦਿੱਤਾ।ਇਸ ਮੌਕੇ ਉਨ੍ਹਾ ਨਾਲ ਸਾਬਕਾ ਪੰਚ ਨਿੱਪਾ ਹਠੂਰ,ਨਵਦੀਪ ਸਿੰਘ ਕੈਨੇਡਾ,ਬੂਟਾ ਸਿੰਘ ਕੈਨੇਡਾ,ਡਾ: ਪਿੰਦਰ ਸਿੰਘ ਹਠੂਰ,ਹਰੀਸ਼ ਕੁਮਾਰ ਜੋਸ਼ੀ,ਬੰਟੀ ਹਠੂਰ,ਮਨੀਸ ਜੋਸ਼ੀ,ਪਿੰਦੀ ਹਠੂਰ,ਹਰਦੀਪ ਸਿੰਘ ਦੀਪਾ,ਜੂਗਨੂੰ ਹਠੂਰ,ਲੱਕੀ ਬੇਦੀ,ਗੋਪੀ ਹਠੂਰ,ਗੁਰਪ੍ਰੀਤ ਸਿੰਘ,ਬਲਜਿੰਦਰ ਸਿੰਘ,ਨਿਰਭੈ ਸਿੰਘ ਆਦਿ ਹਾਜਰ ਸਨ।
ਫੋਟੋ ਕੈਪਸਨ:- ਪ੍ਰਧਾਨ ਜਸਕਮਲਪ੍ਰੀਤ ਸਿੰਘ ਅਤੇ ਕਲੱਬ ਮੈਬਰ ਜਾਣਕਾਰੀ ਦਿੰਦੇ ਹੋਏ
