ਬੇਗਾਨੀ ਖੁਰਲੀ ਦੇ ਪੱਠੇ! ✍️ ਸਲੇਮਪੁਰੀ ਦੀ ਚੂੰਢੀ

-  ਕੁੱਝ ਬੰਦਿਆਂ ਦੀ ਬਿਰਤੀ
ਪਸ਼ੂਆਂ
 ਵਰਗੀ ਹੁੰਦੀ ਐ,
 ਆਪਣੇ ਪੱਠੇ
ਖਾ ਕੇ,
ਬੇਗਾਨੀ ਖੁਰਲੀ
 'ਤੇ ਜਾ ਕੇ
ਮੂੰਹ ਮਾਰਦੇ ਨੇ
 ਉਥੇ ਜਿਵੇਂ ਵੜੇਵੇਂ ਹੋਣ!
ਖਾਣ ਲਈ ਮੇਵੇ ਹੋਣ!
ਕੁੱਝ ਬੰਦੇ ਤਾਂ
ਰੱਜਦੇ ਈ ਨ੍ਹੀਂ,
ਪੱਠੇ ਖਾ ਕੇ,
ਮੂੰਹ ਲਮਕਾ ਕੇ,
ਰੱਸਾ ਚੱਬਣ ਲੱਗ ਜਾਂਦੇ ਨੇ!
ਕੁੱਝ
ਰੱਸਾ ਤੁੜਾਕੇ,
 ਪਿੱਠ ਘੁੰਮਾਕੇ,
ਬੇਗਾਨੀ ਖੁਰਲੀ
ਚੱਟ ਕੇ
ਮੱਛੀ ਵਾਂਗੂੰ
ਪੱਥਰ ਚੱਟ ਕੇ
ਵਾਪਸ ਆਉਂਦੇ ਨੇ!
ਕੁੱਝ ਕਈ ਖੁਰਲੀਆਂ
  ਟੱਪ ਦੇ ਨੇ!
ਸੁਆਦਲੇ ਪੱਠੇ ਲੱਭਦੇ ਨੇ,
 ਕੀਲਾ ਛੱਡ ਕੇ ਭੱਜਦੇ ਨੇ!
ਕੁੱਝ ਸਿੰਙ ਮਾਰਦੇ ਮਾਲਕ ਦੇ!
ਸਿਰ ਗਲੀਆਂ ਕਰਦੇ ਪਾਲਕ ਦੇ!
 ਕੁੱਝ ਪਸ਼ੂਆਂ ਵਾਗੂੰ ਵਿਕਦੇ ਨੇ!
ਫਿਰ ਵੀ ਚੰਗੇ ਦਿਸਦੇ ਨੇ!
ਕੁੱਝ ਸ਼ੇਰਾਂ ਵਰਗੇ ਹੁੰਦੇ ਨੇ!
 ਘਾਹ ਨਹੀਂ ਮਾਸ ਖਾਂਦੇ ਨੇ!
ਅਣਖ ਨਾਲ ਜਿਉਂਦੇ ਨੇ!
ਮਰਿਆ ਸ਼ਿਕਾਰ ਨਾ ਮੂੰਹ ਨੂੰ ਲਾਉਂਦੇ ਨੇ!
ਅਣਖ ਨਾਲ ਜਿਉਂਦੇ ਨੇ!
ਬਸ, ਅਣਖ ਨਾਲ ਜਿਉਂਦੇ ਨੇ!!
-ਸੁਖਦੇਵ ਸਲੇਮਪੁਰੀ
09780620233
15 ਜਨਵਰੀ, 2022.