ਦਿਨ ਮੰਗਲਵਾਰ
ਕਹਿੰਦੇ ਲੰਘ ਚੱਲਿਆ ਮੰਗਲਵਾਰ
ਚੜਿਆ ਪਿਆ ਕੁੱਕੜਾਂ ਨੂੰ ਬੁਖ਼ਾਰ
ਕਹਿੰਦੇ ਬੁੱਧਵਾਰ ਨੂੰ ਖਾ ਲਵਾਂਗੇ
ਢਿੱਡ ਹੋਰ ਵਧਾ ਲਵਾਂਗੇ
ਕਹਿੰਦੇ ਮੰਗਲਵਾਰ ਨੂੰ ਰਹਿੰਦਾ ਬਾਬਾ ਨੇੜੇ
ਬਾਕੀ ਦਿਨ ਬਾਬਾ ਕਿੱਥੇ ਜਾਂਦਾ
ਇਹ ਕੁੱਕੜ ਦੁਹਾਈ ਪਾਈ ਜਾਂਦਾਂ
ਭਲਿਆ ਲੋਕਾ ਤੇਰਾ ਬਹੁਤ ਔਖਾ
ਰੱਬ ਕਿਹੜਾ ਕਦੇ ਛੁੱਟੀ ਜਾਂਦਾ
ਜਿਹੜਾ ਤੂੰ ਮੰਗਲਵਾਰ ਨਹੀਂ ਖਾਂਦਾ
ਅੰਗ ਸੰਗ ਸਦਾ ਉਹ ਤੇਰੇ
ਇਹ ਗੱਲ ਨਾ ਜੇਹਨ ਚ ਤੇਰੇ
ਲਾ ਕੇ ਗੱਲ ਨਾ 'ਅਮਨ’ ਇਹ ਕਰਦਾ
ਰਹਿੰਦਾ ਏ ਬੱਸ ਰੱਬ ਤੋਂ ਡਰਦਾ
ਕਾਹਤੋਂ ਅੱਖਾਂ ਦੇ ਵਿੱਚ ਘੱਟਾ ਪਾਉਂਦਾ
ਖਾ ਲੈ ਜੇ ਤੂੰ ਖਾਣਾ ਚਾਹੁੰਦਾ
ਭੁਲੇਖੇ ਦੇ ਵਿੱਚ ਰੱਖਣ ਨੂੰ ਫਿਰਦਾ
ਬਹੁਤੀ ਦੇਰ ਨਾ ਕੰਮ ਇਹ ਤੁਰਦਾ
ਭਾਣੇ ਦੇ ਵਿੱਚ ਰਹਿਣਾ ਪੈਣਾ
ਇਹੀ ਹੈ ਗੁਰੂਆਂ ਦਾ ਕਹਿਣਾ
ਇਹੀ ਹੈ ਗੁਰੂਆਂ ਦਾ ਕਹਿਣਾ
ਡਾ. ਅਮਨਦੀਪ ਸਿੰਘ
ਸਹਾਇਕ ਪ੍ਰੋਫੈਸਰ
ਆਈ. ਐੱਸ. ਐੱਫ. ਫਾਰਮੈਸੀ ਕਾਲਜ
ਮੋਗਾ
94654-23413
