ਕੁਝ ਵੀ ਸੰਭਵ ਹੈ! ✍️ਸਲੇਮਪੁਰੀ ਦੀ ਚੂੰਢੀ

ਕੁਝ ਵੀ ਸੰਭਵ ਹੈ!
-ਪੰਜਾਬ ਵਾਸੀਓ!
ਘਬਰਾਇਓ ਨਾ,
ਸਬਰ ਰੱਖਿਓ!
ਚੋਣਾਂ ਤੋਂ ਪਹਿਲਾਂ
ਕੁੱਝ ਵੀ ਹੋ ਸਕਦੈ!
ਕਿਸੇ ਵੀ ਗ੍ਰੰਥ
ਦੀ ਹੋ ਸਕਦੀ ਐ ਬੇਅਦਬੀ,
ਕਿਤੇ ਵੀ ਹੋ ਸਕਦੈ
ਬੰਬ ਧਮਾਕਾ!
ਦੋਸਤੋ ਘਬਰਾਇਓ ਨਾ,
ਚੋਣਾਂ ਨੇ!
ਚੋਣਾਂ ਵਿਚ
ਕੁਝ ਵੀ ਸੰਭਵ ਹੈ,
ਕਿਉਂਕਿ -
ਸਿਆਸਤ ਵਿਚ
ਕੁਰਸੀ ਤੋਂ ਉਪਰ
ਕੁੱਝ ਨਹੀਂ ਹੁੰਦਾ!
ਸਿਆਸਤ ਦੇ ਜਾਲ ਵਿਚ ਤਾਂ
ਸੁਰੱਖਿਆ ਏਜੰਸੀਆਂ ਵੀ
ਨਿੱਸਲ ਹੋ ਕੇ
ਬੈਠ ਜਾਂਦੀਆਂ ਨੇ ਦੋਸਤੋ!
ਇਸ ਲਈ ਤੁਸੀਂ ਘਬਰਾਇਓ ਨਾ!
ਸਿਆਸਤ ਵਿਚ
ਕੁਝ ਵੀ ਹੋ ਸਕਦੈ!
ਇਥੇ ਕੁਝ ਵੀ ਸੰਭਵ ਹੈ!
ਇਸ ਲਈ ਸਬਰ ਰੱਖਿਓ!
ਸਬਰ ਦਾ ਫਲ਼ ਮਿੱਠਾ ਹੁੰਦੈ!