ਲੰਡਨ, ਜੂਨ 2019 -( ਗਿਆਨੀ ਅਮਰੀਕ ਸਿੰਘ ਰਾਠੌਰ )- ਬਰਤਾਨੀਆ ਦਾ ਨਵਜੰਮੇ ਸ਼ਹਿਜ਼ਾਦੇ ਆਰਚੀ ਦੀ ਦੇਖ-ਭਾਲ ਪਿ੍ਸ ਹੈਰੀ ਅਤੇ ਮੇਗਨ ਮਾਰਕਲ ਖ਼ੁਦ ਜ਼ਿਆਦਾ ਕਰ ਰਹੇ ਹਨ | ਖ਼ਬਰਾਂ ਅਨੁਸਾਰ ਮੇਗਨ ਬੱਚੇ ਨੂੰ ਆਪਣਾ ਦੁੱਧ ਪਿਲਾਉਂਦੀ ਹੈ, ਜਦ ਕਿ ਪਿ੍ਸ ਹੈਰੀ ਖ਼ੁਦ ਉਸ ਦੇ ਪੋਤੜੇ (ਨੈਪੀਆਂ) ਬਦਲਦਾ ਹੈ ਅਤੇ ਆਰਚੀ ਨੂੰ ਮਿਲਣ ਆਉਣ ਵਾਲੇ ਮਹਿਮਾਨਾਂ ਲਈ ਚਾਹ ਪਾਣੀ ਬਣਾਉਂਦਾ ਹੈ | ਰੋਇਲ ਕੁਮੈਂਟੇਟਰ ਕੈਰੋਲਿਨ ਡੋਰੈਂਡ ਅਨੁਸਾਰ ਹੈਰੀ ਮਹਿਮਾਨਾਂ ਲਈ ਖ਼ੁਦ ਚਾਹ ਬਣਾਉਂਦਾ ਅਤੇ ਪਰੋਸਦਾ ਹੈ | ਸਨਿਚਰਵਾਰ ਨੂੰ ਡਿਊਕ ਅਤੇ ਡਿਊਚਸ ਆਫ਼ ਸੁਸੈਕਸ ਨੂੰ ਮਹਾਰਾਣੀ ਐਲਿਜ਼ਾਬੈੱਥ ਦੇ ਜਨਮ ਦਿਨ ਸਮਾਗਮ ਮੌਕੇ ਪਹਿਲੀ ਵਾਰ ਜਨਤਕ ਤੌਰ 'ਤੇ ਇਕੱਠੇ ਵੇਖਿਆ ਗਿਆ | ਜਦ ਕਿ ਇਸ ਤੋਂ ਪਹਿਲਾਂ ਸਿਰਫ਼ ਸ਼ਾਹੀ ਗੈਲਰੀ 'ਚ ਆਰਚੀ ਨੂੰ ਮੀਡੀਆ ਸਾਹਮਣੇ ਲਿਆਉਣ ਮੌਕੇ ਹੀ ਇਕੱਠੇ ਵੇਖੇ ਗਏ ਸਨ | ਸ਼ਾਹੀ ਜੋੜੇ ਵਲੋਂ ਵੱਡੀ ਗਿਣਤੀ ਵਿਚ ਮਹਿਮਾਨਾਂ ਦਾ ਆਪਣੇ ਫਰੋਗਮੂਰ ਘਰ 'ਚ ਸਵਾਗਤ ਕੀਤਾ ਗਿਆ | ਪਿ੍ਸ ਚਾਰਲਸ, ਪਿ੍ਸ ਵਿਲੀਅਮ ਅਤੇ ਕੇਟ ਮਿਡਲਟਨ ਤੋਂ ਇਲਾਵਾ ਮੇਗਨ ਦੀਆਂ ਨਜ਼ਦੀਕੀ ਦੋਸਤ ਜੈਸੀਕਾ ਮੋਲਰੋਨੇ ਤੇ ਸੈਰੀਨਾ ਵਿਲੀਅਮਸ ਆਦਿ ਨੇ ਆਰਚੀ ਨੂੰ ਘਰ ਜਾ ਕੇ ਵੇਖਿਆ ਅਤੇ ਅਸ਼ੀਰਵਾਦ ਦਿੱਤਾ |
